Interglossa

De Vicipedia
Jump to navigation Jump to search


Interglossa es un lingua construida creada par biolojiste Lancelot Hogben en Gera Mundal 2, como un atenta a usa un vocabula internasional de siensa e tecnica, per la plu parte orijinante en elinica e latina, en un lingua con un gramatica pur isolante. Lo ia es publicada en 1943 como un testo ru per un lingua aidante. Hogben aplica prinsipes semantica per furni un vocabula reduida a sirca 880 parolas cual pote sufisi per conversa simple entre persones de nasiones diferente.

Alfabeta[edita | edita la fonte]

Interglossa usa la leteras de la alfabeta latina, con la pronunsias de AFI. Hogben ia crede ce alga difisiles de pronunsia es min importante ca la reconose de la spele de parolas latina e elinica:

  • z - /ts/
  • y - /i/.
  • c, q, k - /k/
  • ph, th, ch, rh - /f/, /t/, /k/, /r/
  • x comensante un parola - /z/, en otra locas - /ks/
  • en esta combinas, la consonante prima es silente: ct-, gn-, mn-, pn-, ps-, pt-

Roles de parolas[edita | edita la fonte]

Un clasi de roles de parolas de un lingua isolante no ta segue la categorias usada en linguas con flesiones. Asi, la parolas es clasida seguente la rol de parolas en la "vista de la frase".

  • Aliases (1 a 11): Los pote opera como e pronomes e sustituis per nomes o ajetivos corespondente.
    • Esemplos: na (nos, nosa), mu (los, etc), su (ci... (pronom relativa cuando lo es un sujeto)), tu (tu, tua).
  • Articles (12 a 40): Parolas jenera e numerales cual ave la funsion de predise pluralia, etc, en relata a nomines (tota de cual es nonvariante)
    • Esemplos: pan (tota), plu (alga, un cuantia de, la), u(n) (un, cualce, la).
  • Particulos de demanda, comanda, nega, o compara (41 a 46), du de cual permete demandas o suplicas sin devia de la strutur sintatica.
    • Esemplos: no(n) (no), peti (solisita).
    • La espresadicte volo es simil a la "ta ce": Na dicte volo; tu Nomino gene revero : ta ce tua nom es santida.
  • Nomes jeneral, usada en composadas (47 a 60).
    • Esemplos: -pe [de persona] (person), dirigo-pe (gidor, pilote), tene-pe (mantenor), pan-pe (tota persones).
  • Particulos de loca o tempo (61 a 101).
    • Esemplos: a(d) (a), apo (de, a via de), di (dia, dial), epi (sur), in (en, enterna), tem (tempo, cuando).
  • Particulos de asosia, con sinifias ajuntada como preposadas e/o juntas (102 a 128).
    • Esemplos: causo (causa, car, etc), de (de, en relata a, etc), harmono (armonia, seguente), hetero (diferente, otra, etc), homo (simil, -in, como), metro (mesura, etc), plus (soma, -al, plu, etc), tendo (punta, intende, vole, afin, etc).
  • Verbos aidante (129 a 140).
    • Example: volo (vole, espera, desira, etc).
  • Astratas (141 a 462): Parolas astrata cual pote sustitui per un nom, ajetivo, o averbo.
    • Esemplos: accido (aveninte, real, etc), demo (popla), dirigo / controlo (dirije, controla, etc), dyno (potia, potiosa, etc), eu (bon, etc), famo (reputa, fama), eu-famo (bon fama, gloria, etc), libero (libre, libria), malo (malia), nomino (nom), offero (ofre), pardo (pardona), revero (adora, onora).
  • Verboides (463 a 482): Nomes de prosedes e states.
    • Esemplos: acte (fa, ata, etc), date (dona, etc), dicte (dise, espresa, etc), gene (deveni, etc), habe (ave, etc), tene (reteni, etc). Los pote no ata como un verbo, pe: plu malo acte (la mal atas, la pecas).
    • Estas pote formi combinas natural con parolas astrata, simil a los en engles basal.
      • Esemplos: acte dirigo (dirije, controla, etc), acte malo (fa mal, peca, etc), acte pardo (pardona), date libero (fa libre, libri), dicte petitio (dise un demanda, solisita), dicte volo (dise un desira), habe accido (aveni, etc).
  • Cosas (483 a 954): Nomes de cosas concreta. Cualce de los pote ata como un ajetivo
    • Esemplos: crati (governa), geo (tera), pani (pan), parenta (jenitor), urani (sielo).
    • Partes de la corpo (483 a 550)
    • Animales e plantas (551 a 630)
    • Jeografia (631 a 668)
    • Comedas, vestes, e mobilias (669 a 702)
    • Arciteta, formas, e unias (703 a 732)
    • Strumentos (733 a 783)
    • Materia e articles fabricada (784 a 808)
    • Consernas umana (809 a 860)
    • Plu astratas (862 a 873): charito, cido, concessio, diffusio, flexio, foramino, idio, massago, necto, confusio, perplexo, universo, utilo.
    • Plu cosas (874 a 954): incluinte multe ajuntas nova.

Indicas de rol[edita | edita la fonte]

Per fasili reconose, un lingua sin flexes pote usa du tipos de sinias de "vista de la frase": determinantes (vide "articles" a supra) e terminales (pd vocales final):

  • Nomes fini con -a o -i. (Esetas: geo, cardo, acu, occlu, bureau, computo)
  • Astratas fini con o. (Esetas: anni, di, hora, post, pre, tem, ad, contra, epi, ex, extra, in, inter, para, littora, peri, tele, trans, anti, de, minus, per, plus, syn, vice)
  • Verboides fini con -e.
  • Particulos no ave un terminal spesial: mi, tu, na, an[dro], fe[mina], re, pe[rsona], mu[lti], auto, recipro, su[bject].

Denova, Hogben ia prefere esetas en loca de mutila radises familiar.

Sintatica[edita | edita la fonte]

Interglossa es un lingua pur isolante, como xines sin sufisas (no flexes no derivas). Ma lo usa un forma de composadas en cual la parte du es un nom de sola un silaba. Como en xines (e engles), nomes composada es esensal, e ance la contesto. Seguente Hogben, tal nomes composada pote es autoesplicante si nos recorda la contesto comun de sua usa.

Vide ance Glosa, la lingua derivada de interglossa. Ance vide Voksigid, un lingua con ideas simil.

Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya