Voksigid

De Vicipedia
Jump to navigation Jump to search

Voksigid es un lingua creada cual ia es inventada par Bruce R. Gilson e un comite de otras, comensante en 1991. Los ia atenta crea un lingua lojical cual es plu fasil per la person comun. Gilson ia crede ce la usa de ordina de parolas en loglan e lojban es tro confusante, e el ia prefere la usa de preposadas per indica "casos", seguente la teoria de Charles J. Fillmore.

La lingua ave un sintatica simil a japanes, ma reversada (verbo prima, con preposadas). La vocabulo es fundida sur radises de la linguas european.

La projeta ia es descontinuada en 1997.

Pronunsia[edita | edita la fonte]

Pronunsia es como en elefen, con esetas notada:

a, b, c (tx), d, e, f, g, h, i, j (dj), k (c), l, m, n, o, p, r, s, t, u, v, w (u consonantal), y (i consonantal), z.

Alga varias en pronunsia es permeteda.

Diftongos es ai, au, e oi.

l, r, m, n, w, e y es considerada como semivocales, e la otra consonantes es "pur".

Un silaba es construida de entre un e cuatro fonemes, en la ordina posible "[pur consonante] - [semivocal] - vocal - [consonante]". La consonante final no pote es h, w, o y, e nesesa es "permeteda" (par la regula a su) si lo es segueda par un consonante en la silaba seguente.

On no pote ajunta un consonante con vose con un consonante sin vose (per esemplo "dg" e "tk" es bon, ma no "dk" e "tg"), e la consonantes nasal nesesa acorda en loca con un consonante seguente (per esemplo "mp" e "nt" es bon, ma no "np" e "mt").

Sintatica[edita | edita la fonte]

On ave tre clases de parolas: verbos, preposadas, e paroletas. Paroletas inclui juntas, parolas de aspeta e moda, marcas de fini, etc. Nomes e ajetivos es derivada de verbos par la usa de sufisas.

Tota frases comensa con un verbo, posible con un paroleta presedente de aspeta o moda. Tota otra partes de la frase es espresada par la usa de formulas de preposada, incluinte la sujeto e ojetos de la verbo. La ordina de estas es libre, e pote es usada per asentua o stilo.

La preposadas:

  • tor = sujeto ativa
  • tam = sujeto de un predica statal e cuantable
  • len = sujeto de un predica statal e noncuantable
  • kan = sujeto de un compara "min ce"
  • dek = ojeto de un cambia; la orijin de un move
  • rez = ojeto de crea, un resulta
  • tum = a, ojeto nondireta de reseta
  • por = per, ojeto nondireta de benefica
  • kil = ojeto de destina
  • ref = ojeto de refere
  • dil = de (posese)
  • soc = de (propria)
  • gid = de (un desinia o gida)
  • van = de (comparti)
  • zad = a, en la dirije
  • din = en (loca interna)
  • sub = su (loca)
  • gan = contra (contata)
  • kon = contra (oposante)
  • dat = durante, en cuando
  • kum = con (asosiada)
  • wid = con (usante)
  • cen = paroleta spesial (vide a su)

Proposas es construida con un junta segueda par la mesma partes cual ta composa un frase. Proposas coordinada e proposas suordinada no es distinguida.

Un nom, construida de un verbo, pote es usada como un ajetivo par pone lo pos la nom cual lo cambia.

Articles de defini e nondefini no es nesesada, car cada preposa introdui un formula de nom.

On Ave paroletas variosa per indica la fini de un formula, la fini de un proposa, e la fini de un ajetivo o averbo.

  • Si un parola es segueda par un formula alterante, e, pos la formula, es segueda par un otra alterante, on usa i entre la formula e la otra alterante.
    • Pe (esemplos asi usa parolas lfn): la om {sin vestes i sin sapatos} (ambos "sin vestes" e "sin sapatos" altera "om"; "sin sapatos" no altera "vestes!)
  • La paroleta de la fini de un proposa (ai) ata como un braseta destra, con la junta la plu prosima ante lo como la braseta sinistra. Esta es ance sola nesesada si un otra alterante segue lo.
  • Si un parola es segueda par un suproposa, e, pos la suproposa, es segueda par un otra alterante, on usa ai entre la suproposa e la otra alterante.
  • Si un parola es segueda par un ajetivo o averbo, e esta ajetivo o averbo es segueda par un otra alterante, on usa oi entre la ajetivo o averbo e la otra alterante.
    • Pe (con parolas elefen): la om {grande oi vea} (ambos "grande" e "vea" altera "om"; "grande" no altera "vea"!)
  • La fini de la frase fini tota formulas e proposas noncluida.

Un proposa de relata es introduida par un sujunta spesial (su) e es construida como cualce otra proposa. Lo es poneda en la frase pos la parola cual lo altera. La loca en la proposa de relata cual relata a la nom esterna es indicada par la pronom de relata (lau).

  • Pe (usante parolas elefen): la om su me ia vide lau vade a la site.

Un otra forma, egal a un proposa de relata, es un construi con un preposada spesial cual governa un nom creada de la verbo cual ia es la verbo major de la proposa. La nom indica a cual rol la formula restrinjeda debe conveni. Cuando nesesada (en la caso rara do la formula restrinjeda no va es la sujeto o ojeto de la verbo de la proposa) o desirada per stilo, on pote nomi con cen (per indica astrati) e usa lau como un pronom per representa la formula restrinjeda, con se preposada propre. Esta ta es nomida "un formula cuasi relativa".

Morfolojia[edita | edita la fonte]

Un verbo ave du silabas o plu, e fini con un vocal; preposadas ave un silaba, e comensa e fini con consonantes; otra paroletas ave un silaba e comensa o/e fini con un vocal.

Nomes e ajetivos es derivada de verbos par sufisas nominte, cual es la mesma como la preposadas. Per esemplo, si on ajunta la preposada per ojeto nondireta (por) a un verbo cual sinifia "dona" (dona), on crea la nom per "resetor" (donapor). La mesma parola usada como un ajetivo sinifia "resetante".

Sufisas cual es usada per crea parolas de preposadas o otra paroletas, o cadenas de estas, ta es en la forma de consonante + diftongo.

Seso es espresada par la usa de la prefisa "mas-" o "fem-" (alterada a "maz-" o "fen-" en alga casos per evade mal grupos de consonantes).

Pronomes[edita | edita la fonte]

  • mi = me, nos (escluinte)
  • tu = tu, vos
  • tumi = nos (incluinte)
  • ko = el, los (usada sin "vi")
  • la le li lo lu = el, los (definida a ante par un espresa con "vi")
  • vi = a cual va es refereda como... (la, le, li, lo, lu)

Per pronomes de person tre, on usa "ko" normal. Ma on pote ance eticeti un nom con "vi" e un de la parolas como "la", e alora usa la mesma forma per indica esta nom. Esta es simil a la metodo usada par loglan e lojban.

Numeros[edita | edita la fonte]

  • mo = 1
  • du = 2
  • te = 3
  • fo = 4
  • ve = 5
  • si = 6
  • se = 7
  • co = 8
  • ni = 9
  • ze = 0
  • hekto = 00
  • kilo = 000
  • mega = 000 000
  • giga = 000 000 000
  • -ri = sufisa de ordina
  • poi = . (punto desimal)

Vocabulo[edita | edita la fonte]

  • akwa = es acua licuida
  • ala = es un ala
  • arbore = es un arbor
  • ama = ama
  • ande = es un pato
  • aple = es un poma
  • asino = es un asino
  • astro = es un stela
  • aure = es un orea
  • barba = es un barba
  • bere = es un baca
  • bestia = es un animal
  • blanka = es blanca
  • brazo = es un braso
  • blue = es blu
  • bruno = es brun
  • bruste = es un seno (de un fem)
  • bove = es un bove
  • cavalo = es un cavalo
  • cerce = xerca
  • cerebro = es un serebro
  • celo = es un sielo
  • cervo = es un servo
  • cibola = es un onion
  • dai = divideda entre
  • dego = es pasta
  • deksi = es a la destra de
  • derma = es un pel
  • dente = es un dente
  • di = la oposada polal de
  • dijito = es un dito
  • dikta = dise
  • dorsa = es un dorso
  • domo = es un casa
  • dona = dona
  • e = e
  • elefante = es un elefante
  • eskribe = scrive
  • esneve = es neva
  • facie = es un fas
  • familia = es un familia
  • fazole = es un fava
  • fem- = afisa de seso fema
  • femina = es fema
  • figo = es un figa
  • fili = es un fia o fio
  • frate = es un sore o frate
  • fruto = es un fruta
  • foli = es un folia
  • gamba = es un gama
  • ganse = es un gansa
  • gastero = es un ventre o intestines
  • gelo = es jala
  • gi = paroleta de la aspeta de comensa
  • grande = es grande
  • griza = es gris
  • gorja = es un garga
  • gwena = es un fem
  • habe = ave
  • hepato = es un figato
  • histero = es un utero
  • horno = es un corno
  • homo = es un umana
  • ila = es un isola
  • infano = es un enfante
  • juvno = es joven
  • ka = paroleta per demandas de si o no
  • kardia = es un cor
  • karne = es carne
  • kamelo = es un camel
  • kane = es un can
  • kapilo = es un capela
  • kapra = es un capra
  • kapo = es un testa
  • katse = es un gato
  • kaudo = es un coda
  • kaulo = es un col
  • kausa = causa
  • ke = paroleta per demandas de completa
  • kesa = es ceso
  • kinda = es un enfante
  • kranio = es un cranio
  • krea = crea
  • kneta = labora pasta
  • koko = es un gal
  • kolne = es un colina
  • kolo = es un colo
  • kolore = es un color
  • korpo = es un corpo
  • kuko = es un torta
  • labio = es un labio
  • lakte = es lete
  • legume = es un vejetal
  • ribo = es un costela
  • rico = es rica
  • ligna = es lenio
  • lione = es un leon
  • rivo = es un rio
  • loi = ja notada
  • rojo = es roja
  • luce = es lus
  • luna = es un luna
  • lupo = es un lupo
  • mai = multiplida par, veses
  • majenta = es majenta
  • maksila = es un mandibula
  • mare = es un mar
  • manje = come
  • mano = es un mano
  • mas- = afisa de seso mas
  • maskulo = es mas
  • matra = es un madre
  • mele = es miel
  • mento = es un mento
  • mikro- = reservada per usa como un prefisa metral
  • minya = es peti
  • moi = multe o plu ce (ante un numero)
  • mole = mole
  • monte = es un montania
  • mulo = es un mulo
  • munda = es un boca
  • muse = es un mus
  • muska = es un mosca
  • nase = es un nas
  • negro = es negra
  • no = no
  • nova = es nova
  • nuse = es un noza
  • o = o (incluinte)
  • odi = odia
  • okulo = es un oio
  • oranja = es oranje
  • olia = es (un) olio
  • oliva = es un oliva
  • osteo = es un oso
  • ovisa = es un ovea
  • pareno = es un parente
  • pano = es pan
  • patata = es un patata
  • patro = es un padre
  • pau = a la potia __
  • pede = es un pede
  • pekto = es un peto
  • pera = es un pera
  • perde = perde
  • persa = es un pesca
  • pepre = es un peperon
  • peske = es un pex
  • pize = es un pi
  • piu = plu
  • pluma = es un pluma
  • pluvi = es pluve
  • pobre = es povre
  • porka = es un porco
  • purpura = es purpur
  • salsica = es un salsix
  • salte = es sal
  • sange = es sangue
  • sekse = es la seso (de)
  • serpe = es un serpente
  • sene = es vea
  • siano = es sian
  • simia = es un simia
  • sole = es la sol
  • stomako = es un stomaco
  • sukre = es zucar
  • supa = es un supa
  • tabla = es un table
  • tera = es la tera
  • tembra = es oscuria
  • trove = trova
  • tunge = es un lingua (en la boca)
  • urso = es un urso
  • umbiliko = es un ombilico
  • umbra = es un ombra
  • uva = es un uva
  • vale = es un vale
  • vange = es un jena
  • verde = es verde
  • verme = es un verme
  • vende = compra, vende
  • vide = vide
  • viro = es un om
  • vinagre = es vinagra
  • voda = es acua (en cualce state)
  • voksi = parla
  • voksigid = es un lingua
  • vulpe = es un volpe
  • -wo = sufisa per crea un predica de un paroleta

Parolas proposada (si du parolas es listada, es intendeda ce la comite ta eleje un de los):

  • avisa / ocelo = es un avia
  • broda = es un frate
  • bovekarne = es carne de bove
  • dotra = es un fia
  • kua / ekwa = numerically equals
  • madya = es un xica
  • miu / siu = min
  • okse = es un bove (engles: ox)
  • poika = es un xico
  • sesra = es un sore
  • sunu = es un fio
  • toro = es un bove mas
  • ungui / nagle = es un ungia
  • vaka = es un bove fem
Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya