Ses (lingua)

De Vicipedia

Ses es un varia plu "normal" de solresol, cual usa fonemes en loca de notas musical.

Solresol ia es un lingua artifis creada par François Sudre, comensante en 1827. Se libro Langue musicale universelle ia es publicida en 1866. Lo usa sonas, o colores, o silabas per espresa se mesma. Esta es serta interesante, ma la "parolas", cuando parlada, deveni multe longa.

Per un lingua plu "normal", on pote usa sete consonantes (p, t, k, f, s, m, l) e sete vocales/diftongos (i, e, a, o, u, au, ai) per la silabas/notas. La letera prima ta es un consonante, numero du un vocal/diftongo, numero tre un consonante, etc. La asentua es sempre a la silaba prima. La resulta pare simil a un lingua de Polinesia. Pe:

  • do > p / o
  • re > k / e
  • mi > m / i
  • fa > f / a
  • sol > s / u
  • la > l / au
  • ti > t / ai

(En loca de au e ai, on pote usa ɔ e ɛ, pronunsiada como en la AFI, o como engles "aw" e "eh". Alora, maiso > mɛso, laumo > lɔmo, etc.)

En esta modo...

  • fa-la > fau (cv) - bon
  • la-fa > la (cv) - mal
  • mi-ti-sol-do > maiso (cvcv) - esperia
  • la-la-mi-do > laumo (cvcv) - primeria
  • sol-sol-re-do > suko (cvcv) - migrania
  • do-la-fa-sol > paufu (cvcv) - sopa
  • sol-re-sol > ses (cvc) - lingua
  • etc

Un parola de sola un nota debe es sola un vocal/diftongo, natural:

  • do > o - no (negante)
  • re > e - e (ajuntante)
  • mi > i - o (distinguinte)
  • fa > a - a (dativa)
  • sol > u - si (dependente)
  • la > au - la (definida)
  • ti > ai - si (afirmante)

Como tu pote vide, on ave sete parolas de un fonem. Donce on ave 49 con du fonemes, 343 con tre fonemes, e 2401 con cuatro fonemes (pd de du silabas), per un soma de 2800 parolas!

Parolas con plu ca un fonem es ordinada par sua longia:

  • Parolas de du fonemes es dedicada a paroletas fundal (pe, me, per, ia, esta, ma, nun, multe...);
  • Parolas de tre fonemes es dedicada a numeros, la menses e dias, e la clima (pe, un, du, lundi, febrero, neva...);
  • Parolas de cuatro fonemes es divideda entre sete clases, seguente la fonem prima:
    • p - umanas, capasias de umanas, cualias bon, comedas, relijio, pretia, etc (pe, libro, intelijentia, pronunsia, coce...)
    • k - construi, artisanes, vestes, la casa, mobilas, manteni de la casa, la familia, etc (pe, brice, util, camisa, lava, padre...)
    • m - averbos, preposadas, juntas, atas de umanas, falis de umanas, etc (pe, sirca, lente, teme, obliga...)
    • f - la nasion, cultiva, gera, la mar, viaja, medica, etc (pe, campania, tatica, naviga, sirurjia...)
    • s - la teatro, leteratur, artes, siensas, maladias, etc (pe, strumento, sculta, migrania, sofoca...)
    • l - comersia, industria, etc. (pe libreria, carneria, mone, metre, esibi, ofre...)
    • t - justia, la corte de lege, la site, maneja, governa, politica, finansia, la polisia, etc. (pe prisoni, munisipa, jornal, finansia...)

La fonemes seguente la prima ave ance sua sinifias spesifada.

En solresol, on indica la nega de un idea, par reversa la sonas. En ses, esta opera bon per parolas de tre fonemes, ma no tan bon per otras. Pe, fau (de fa-la) sinifia bon, donce la (de la-fa) indica mal; mais es bon fortuna, saim es mal fortuna; saif es ria, fais es plora; faimu es avansa, tita es retira.

Solresol espresa la spesie de la parola, la plural, e la fema par la usa de asentuas e la cambia de la longia de sonas. Ma esta metodos no pare estrema nesesada, e pote es espresada, pe, par la ordina de parolas, articles, preposadas, parolas de cuantia, etc.

Donce, per la plural, on pote usa pau (alga), fai (multe), o otra parolas de cuantia, ante la nom o pronom.

  • fai poso - libros
  • pau pe - nos

Per la fema, si nesesada, on pote usa mu (orijinal usada per "bon" como un averbo) ante la nom o pronom.

  • mu tai - xica
  • mu tu - seniora

La ordina de parolas es como en solresol:

  • la frase: sujeto - predica - [ojeto];
  • la proposa nomin: [preposada] - [determinante] - [averbo] - [ajetivo] - nom;
  • la proposa verbal: [tempo/modo] - [averbo] - verbo.

Plu esemplos[edita | edita la fonte]

tempos/modos de verbos:

  • po - presente
  • ke - pasada
  • mi - futur
  • fa - ipotesal
  • su - comanda
  • lau - partisipio ativa
  • tai - partisipio pasiva

pronomes:

  • pe - me
  • pi - tu
  • pa - el
  • pu - se

determinantes de posese:

  • ko - de me
  • ki - de tu
  • ka - de el
  • ku - de nos
  • kau - de vos
  • kai - de los

determinantes/pronomes

  • au - la (nominativa e acusativa)
  • pau - alga
  • pai - otra
  • to - la mesma
  • te - cada
  • fi - esta, acel
  • ta - peti, poca
  • fai - multe, estrema
  • lo - no cosa, nun

ajetivos:

  • la - mal
  • fau - bon, saboros

averbos:

  • sau - sempre, eterna
  • lu - nunca

preposadas:

  • a - a (dativa)
  • fe - con
  • se - en
  • le - par
  • lai - de (posese)

juntas:

  • e - e, ance
  • i - o

sujuntas:

  • mo - per, afin
  • sa - car
  • u - si
  • me - ce
  • ma - de ci/cual

demandas:

  • fu - perce?
  • fo - cual?

si e no:

  • o - no, non-
  • ai - si, oce

espresas sosial:

  • ti - bon dia, bon matina
  • mai - bon sera, bon note
  • tu - senior, seniora
  • tau - joven

esemplos de tre partes (cvc):

  • kop - un, prima
  • kim - du
  • kaf - tre
  • sup - lundi
  • suk - martedi
  • pek - janero
  • pim - febrero
  • laf - neva
  • taip - pluve

esemplos de cuatro partes (cvcv):

  • poso - libro
  • pitai - superstisio
  • pafo - pascual
  • pisa - umana
  • pata - consiensa
  • pisa - intelijentia
  • paufe - come, nuri
  • pile - pronunsia
  • paisa - coce
  • pame - cualia
Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglobasaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundezemundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromániçoromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya