Magrib
| Rena de Magrib/Maroco المملكة المغربية Al-Mamlaka al-Magribiya ⵜⴰⴳⵍⴷⵉⵜ ⵏ ⵓⵎⵓⵔⴰⴽⵓⵛ Tageldit n Umeṛṛuk | |||
|
| ||
| |||
| Informa jeneral | |||
| Capital: | Rabat | ||
| Lingua ofisial: | Arabi, dialetos de berber, e franses | ||
| Dirije | |||
| Governa: | Monarcia constitual | ||
| - Xef de stato: | Re Mohamed 6 | ||
| - Xef de governa: | Aziz Akhannouch | ||
| Otras | |||
| Area: | 446 550 km² | ||
| Popla: | 32 878 400 | ||
| Densia: | 73,1 | ||
| PIB: | US$ 274 milion | ||
| Mone: | |||
| Zona de ora: | UTC | ||
| Numero de telefon: | +212 | ||
| Interede: | .ma | ||
| |||
Magrib (ance nomida Maroco) es un pais en Africa.
Sua area es sirca 446 550 cilometres cuadrida. En la anio 2007, lo ia ave sirca 33 757 175 abitores. La site capital es Rabat. La linguas major es arabi, dialetos de berber, e franses.
Istoria[edita | edita la fonte]
A comensa de la sentenio 15, Portugal e Espania ia reclama Magrib. En la sentenio 18 e la temprana de la sentenio 19, piratas de Magrib (e otra paises nomida "statos berberi de Africa norde") ia xasa la barcones navigante en la Mar Mediteraneo. La controla de Magrib ia es disputada par Espania, Britan, Frans e Deutxland. Britan ia abandona sua influe en Magrib en 1904, e Frans e Espania ia divide la pais a rejiones de controla, un posa cual no ia plase Deutxland.
En 1911, Magrib ia deveni un protejeda franses. La governa de Vichy franses ia permete Magrib a suporta la labora de gera deutx a la comensa de Gera Mundal Du. Fortes american ia atera en 1942; la pais ia es un base major de furni per la Aliadas en la resta de la gera.
Frans ia reconose Magrib como stato autonom en 1956. Pronto a pos, la governa espaniol ia reconose la nondepende de la teritorio magribi su controla espaniol. De pos 1961, Magrib es renada par Re Hasan Du. Espania ia abandona la du tris norde de la Sahara espaniol en 1976. De la tarda de la desenio 1970, Magrib es en disputa militar e political sur sua reclama a la rejion rica en fosfato, nomida la Sahara ueste. Sua enemi xef es Fronte Polisario, un promove nasionaliste saharan.
Economia[edita | edita la fonte]
La economia de Magrib es xef cultival. La cultiva de forestas, la produi de suber e la pexa importa. Turisme crea un industria grande. Magrib es un monarcia erital, con un re ci rena supra la stato. Magrib antica ia es influeda par fenisianes, romanes, cristianes, bizantianes e final arabis, ci en tarda de la sentenio 7 ec ia converti la popla a islam. Alora Magrib ia servi como sentro per influe arabi en Espania e Africa norde.
