Bosnia e Hersegovina

Bosnia e Hersegovina Bosna i Hercegovina Босна и Херцеговина Bosna i Jertsegovina
Informa jeneral
Capital:	Sarajevo
Lingua ofisial:
Dirije
Governa:	Republica federal parlamental
- Xef de stato:	Valentin Inzko
- Xef de governa:	Denis Zvizdić
Otras
Area:	51 197 km²
Popla:	4 025 476
Densia:	78
PIB:	US$ 49 874
Mone:
Zona de ora:
Numero de telefon:
Interede:

Bosnia e Hersegovina es un pais de Europa sude-este locada en la Balcanes. La capital es Sarajevo. Lo ave fronteras con Corvatsca a norde e ueste, con Serbia a este, con Tsernagora a sude-este e con la Mar Adriatica a sude, con un costa de 20 cilometres ensircante la site de Neum. En la sentro e este de la pais la jeografia es montaniosa, en la norde-ueste es colinosa e en la norde-este es plano.

La area es sirca 51,129 cilometres cuadrida e la cuantia de abitores, en la anio 2006, ia es sirca 4,498,976 persones.

La linguas major es bosnian, corvatsce, e serbsce.

Istoria

La stato un en Bosnia e Hersegovina ia es en la eda medieval. En la Impero Osmanian, lo ia es un provinse multe importante en la Balcanes e la capital, Sarajevo, ia ave 100 000 persones. En 1878, lo ia deveni un provinse de Osteraic-Magiar cuando la Impero ia concista Bosnia e Hersegovina en 1908. En 1914 la arciduxe Ferdinand e sua sposa, Sofia, ia es asasinada en Sarajevo, gidante a la Gera Mundal Un. De 1918 a 1992, la pais ia es parte de Iugoslavia. A pos 3 anios de gera, Bosnia e Hersegovina ia deveni nondependente como un pais formida par serbsces, corvatsces e muslimes bosnian.

Politica

Bosnia e Hersegovina es un democratia libraliste. Lo ave niveles diferente de strutur political, seguente la acorda de Dayton. La plu importante es la divide de la pais en du partes: la Republica Srpska e la Federa de Bosnia e Hersegovina. La Federa de Bosnia e Hersegovina covre la 51% de la pais e la Republica Srpska la 49%. La teritorios ia es instituida par la acorda de pas de dayton en 1995 par causa de la cambias en la strutur etnical de Bosnia Bosnia e Hersegovina. La distrito de Brčko ia es creada en 2000 con partes de la du teritorios. Ofisial parteni a ambos ma lo es governada par no la un e no la otra e lo funsiona con un sistem desentrida de governa local. La distrito ia es lodada per manteni un popla multietnical e un nivel de ricia supra la promedia nasional.

Demografia

Seguente la conta de abitores de 1991, Bosnia e Hersegovina ia ave 4 377 000 abitores en cuando en 1996, seguente la conta de abitores de la UNHCR, lo ia ave 3 920 000. Entre 1991 e 2013, la desacordas political ia fa nonposible organiza un conta de abitores. La conta de abitores, planida per 2011 e, a pos, per 2012, ia es fada en otobre 2013.. Esta conta de abitores ia trova 3 791 622 abitores, 585 411 min ca en 1991.

Relijio

Seguente la conta de abitores de 2013, la islam es la relijio xef en la pais, con un 51% de la abitores e la majoria es suni. 46% de la popla es cristian; de esta, la Eglesa Ortodox Serbsce es la grupo plu grande, con un 31% de la popla (de ci la plu parte identifia se como serbsces), e la Eglesa Catolica 15% (la plu parte identifia se como corvatsces). La grupos plu peti es agnosticisme (0,3%) e ateisme (0,8%) con otra 1,15% ci no declara sua relijio e 1,1 ci ia no responde. Un studia de 2012 ia trova ce la 54% de la muslimes es nonramal, en cuando la 38% es suni.