Sentenio 10

Ibn Sina, dotor, siensiste, e filosofiste persian (980 - 1037)

La sentenio des es la sentenio entre la anios 901 e 1000 de la eda comun.

Avenis

• La comensa de la periodo calda de la Eda Media.
• Grupos de vicinges reposa en Frans norde, e deveni la normandes.
• La fundi de Cluny, la ordina prima federada de monces.
• La cavalores de la magiares vade tra Europa ueste: en soma, 47 avansas en Deutxland, Italia, e Frans de 899 a 970.
• Mieszko 1, la duxe prima de Polsca, batizada en 966.
• Cazaria es atacada e concistada par la rus de Kiev, 965.
• Vladimir 1, prinse de Kiev, batizada en 988.
• Cade de la sivilia maian de la pais basa sentral: Fini de la eda clasica de la maianes.
• La leva de la Tolteces en Mexico.
• La cade de Moravia Grande.
• La comensa de construi la templo budiste a Bagan en Mianmar.
• La enscrive de Laguna en plato de cupre, enscriveda en leteras Cavi, a Luzon, Pilipinas, con data "anio Saca 822" (900).
• La stato de Corvatsca de Eda Media deveni un rena unida su Tomislav.
• Jean Meeus, un astronomiste de Beljia de la sentenio 20, dise ce la orbitas de tota planetas es en la mesma arco de 90° a 1 febrero 949. On predise ce la ves seguente va aveni a 6 maio 2492.
• La sites de la costa de la peninsola malaian es la loca prima recordada per la renas de la popla malaian.
• La dinastia Fatiman leva en Jazair este.
• La influe de Sveria estende a la Mar Negra.
• La rena cristian de Nubia ariva a sua culmina de ricia e pota militar.
• La cultur de Misisipi comensa en la area de SUA sude moderna.
• La Impero Roman Este ariva a la culmina de sua potia militar e economial.
• Baile Atha Cliath (oji Dublin) es fundida en 988.
• Renos deveni estinguida en Scotland.
• Leones deveni estinguida en la Caucasos.

Persones importante

• Topiltzin Ce Acatl Quetzalcoatl, re cuasi-mital de la Tolteces.
• Abd-ar-rahman 3 de Cordoba
• Niceforo 2, Imperor de la Impero Roman Este (912 - 969, rena 963 - 969).
• Otto 1 la grande, Imperor de la Impero Roman Sante (912 - 973, rena 936 - 973).
• Re Edmund I de England (921 - 946, rena 939 - 946).
• Joan 1 Tzimisces, Imperor de la Impero Roman Este (925 - 976, rena 969 - 976).
• Hugues Capet (938 - 996), re prima Capetian de Frans.
• Géza de Magiar, renor de la Magiares (940 - 997, rena 970 - 997).
• Otto 2, Imperor de la Impero Roman Sante (955 - 983, rena 973 - 983).
• Teofanu, sposa de Otto 2, madre e renante de Otto 3, (956 - 991, rena 983 - 991).
• Tsar Samuil de Bulgaria (958 - 1014, rena 976 - 1014).
• Vladimir 1, prinse de la Rus Kievan (958 - 1015).
• Basil 2, Imperor de la Impero Roman Este, (958 - 1025, rena 976 - 1025).
• Otto 3, Imperor de la Impero Roman Sante (980 - 1002, rena 983 - 1002).
• Ferdowsi poesiste persian
• Erik la roja, esploror vicing, fundi Gronland
• Ubayd Allah al-Mahdi Billah, fundor de la dinastia Fatiman en 909.

Inventas, descovres, e introduis

• La planta lupulo es prima notada en relata a la prepara de bir.