Reno

De Vicipedia
Jump to navigation Jump to search
Un reno en Noria

La reno (Rangifer tarandus) es un spesie de servo con un distribui sircopolal, nativa en la rejiones artica, suartica, tundra, taiga, e montaniosa de Europa norde, Sibir, e America Norde. Esta inclui poplas fisada e migrante. La grandia de sua manadas varia multe en rejiones diferente. La manada de Taimir, renos migrante de la tundra de Sibir, es la manada la plu grande de renos savaje en la mundo, variante entre 400,000 e 1,000,000. La manada du, en la pasada, es la reno migrante de la bosces de la taiga de Canada, nomida la manada de la Rio George, con varias entre 28,000 e 385,000. Per janero 2018, on ave min ca 9,000 animales estimada como restante en acel manada. La New York Times ia reporta en april 2018 de la desapare de la sola manada de renos de montanias sude en la 48 statos contatante de la SUA, con un esperta afirma ce lo es "funsional estinguida" pos ce la grandia de la manada ia diminui a tre animales.

La renos varia en grandia e color de la plu peti, la renos de Svalbard, a la plu grande es la renos la bosces de taiga de Canada. La estende de renos en America Norde es de Alaska tra Yukon, la Teritorios Norde-ueste, e Nunavut, a la forestas de la taiga e sude tra la Montes Rocosa Canadian e la Montes Columbia e Selkirk. La renos de tera nuda, la renos porcospina, e la renos Peary abita la tundra, e la renos timida de la bosces prefere la foresta de la taiga. La renos porcospina e la renos de tera nuda migra en manadas grande a distantias grande de la area per pari a la areas de inverno e estate en la tundra e taiga. La migras de la renos porcospina es entre la migras la plu grande de cualce mamal. La renos de tera nuda pote ance es trovada en Kitaa en Gronland, ma la manadas la plu grande es en Alaska, la Teritorios Norde-ueste, e Nunavut.

Alga suspesies es rara e a min un ia deveni estinguida ja: la renos de la Isolas de Rea Charlotte en Canada. Istorial, la estende de la renos nonmigrante de la bosces de la taiga ia covre plu ca dui de Canada e la statos norde de la SUA. La renos de bosces de la taiga ia desapare de la parte la plu grande de sua estende sude orijinal, e ia es indicada como menasada en 2002 par la Comite de la State de Viventes Savaje Menasada en Canada. "Environment Canada" ia reporta en 2011 ce on ave sirca 34,000 renos de bosces de la taiga en 51 rejiones restante en Canada. Renos de la tundra de Sibir es descresente, e Rangifer tarandus es videda como riscada par la Uni Internasional per la Conserva de Natur.

Popla de la Artica ia depende de la renos per comedas, vestes, e abitantes, como la inuit de renos, la inuites ci abita la area interna de la rejion Kivalliq en Canada norde, la clan de renos, la inupiat, la inuvialuit, la han, la tutchona, e la gwichin (ci ia segue la renos porcospina per milenios). Xasa la renos savaje e pastori la semidomada renos es importante per multe popla artica e suartica como la duhalar per carne, peles, cornos, lete, e transporta. La popla sami ia depende ance de la pastori de renos e de pexa per sentenios, e usa los per trae pulkes (travuas).

Renos mas e fema pote developa cornos anial. La proportio de femas cual pote developa los varia multe entre suspesies e saisones. La cornos es tipal plu grande en mases, e los usa los per indica domina en un manada. Un tradision en America Norde es ce la renos de San Nicola (Santa Claus) trae un treno tra la sielo de note per aida en la furni de donadas a enfantes a la sera de natal.