Anatomia de lingua

De Vicipedia
Jump to navigation Jump to search
La emisfera sinistra: la area de Broca es blu; la area de Wernicke es verde, la cortex oreal xef es rosa, la jiro angulo es orania; la area jala es la jiro supramarjinal es posible ance importante per lingua; la faxo arcinte no es vidable, ma core su la area de Wernicke a la area ante la area de Broca

Lingua - parla e la comprende de parla - es xef un funsiona de la emisfero sinistra. La emisfero destra ave un cuantia peti de parla ance, en la forma de reteni nomes e maldises. Si la emisfera sinistra es danada temprana sufisinte en enfantia, la emisfera destra pote developa lingua. Plu, lo pare ce on ave alga persones ci ave la locas de lingua a la lado destra o an a ambos lados.

Simias e primates es sensosa a crias de sua propre spesies en la emisferaa sinistra: Los turna sua oreas destra en la dirije de la sona. Alga avias cantante, como canarios, ave spesiali de emisfera per sua canta.

La descovres orijinal de la anatomia de lingua ia es la resulta de esaminas de la serebro posmori de persones ci ia ave problemes variosa de parla o comprende. Esta problemes es conoseda como afasias. Un de la descovres plu temprana ia es un area nomida la area de Broca, pos la rexercor franses Paul Broca, ci ia descovre lo. Lo es locada a la parte inferior de la lobo frontal sinistra. Un pasiente ci ia ave dana a esta area ia perde sua capasia per parla, cual es nomida afasia de espresa.

Un otra area es la area de Wernicke, pos Carl Wernicke, un neurolojiste deutx. La area es locada en la parte superior de la lobo temporal sinistra, prosima a la cortex oreal. Esta es la loca cual spesiali en a comprende de parla, e dana a esta area pote resulta en afasia de reseta, pd on ta no es capas de comprende cual es diseda.

A veses, un person ave dana a un area nomida la faxo arcinte (o arcuate fasciculus en latina), un colie de asones cual junta la area de Wernicke con un area prosima a la area de Broca. Lo condui siniales entre la du areas. Un person ci ave dana a esta area pote comprende parla, e pote produi parla. Ma lo no pote repeta alga cosa cual los ia oia un momento temprana. Esta problem es nomida afasia de condui. Interesente, persones ci es sorda a tonos musical pare no ave esta area en la emisfero destra.

Un plu area importante per lingua es la jiro angulo, supra e pos la area de Wernicke. Lo es la lia entre la sentros de lingua e la cortex de vide. Si esta area es danada, la person ta sufri de alexia (noncapasia de leje) e agrafia (noncapasia de scrive). Alga crede ce esta area o areas prosima es do problemes de dislexia presente se.

An ce esta resoma es jeneral sufisinte, rexerca plu resente sujeste ce lo es tro simple: alga areas prosima a la areas notada a supra ave un rol en la prosede de lingua, e la detalias de funsiona de la areas es plu complicada ca es pensada plu temprana. La prosedes cual determina semantica, sintatica, morfolojia, fonetica, e vocabula es, a esta ora, no bon comprendeda.