Nervo

De Vicipedia
Jump to navigation Jump to search
Nervos de la braso sinistra
La strutur de un nervo


Un nervo es un faxo de asones simil a un cordon, composada de la estendes longa e magra de neurones, en la sistem de nervos periferial. Un nervo furni un via comun per la impulsas eletrocimical cual es transmeteda longo cada de la asones a la organos periferal.

En la sistem de nervos sentral, la strutures analoja es nomida vias. Neurones es alga nomida selulas de nervos, an si esta terma pote es malgidante car multe neurones no formi nervos, e nervos inclui ance selulas noneuronal como la selulas de Schwann cual strati la asones con mielin.

Cada nervo es un strutur cordonin conteninte faxos de asones. En un nervo, cada ason es ensircada par un strato de texeda liante nomida la endoneurio. La asones es faxida con lunlotra en grupos nomida faxetas, e cada faxeta es envolveda en la strato de texeda liante nomida la perineurio. Final, la nervo intera es envolveda en la strato de texeda liante nomida la epineurio.