Figato
La figato es un organo en vertebratos, incluinte umanas. Lo ave un rol major en metaboli e ave multe roles en la corpo, incluinte reserva de glicojen, sintese de protena de plasma, e la desveneni de drogas. Lo produi ance bile, cual es importante per dijesta. Parolas medical referente a la figato usa "epato-", cual veni de la parola elinica per figato (hepar).
La figato umana adulte pesa normal entre 1,3 e 3,0 kilogrames. Lo es un organo mol, brun rosin, e formida como un bumerang. Lo es la organo du en grandia, pos la pel, e la plu grande a la interna de la corpo. Lo resta su la diaframa a la lado destra de la adomen. La figato resta a la destra de la stomaco e suporta la vesica bilal (cual reserva bile).
La figato es un de poca organos umana cual pote recrea sua partes destruida. Tan poca como 25% de figato es nesesada per recrea la figato completa!