Musculo

De Vicipedia
Jump to navigation Jump to search
La anatomia de un musculo, en ordina de detalia

Musculo es un texeda mol trovada en la plu de animales. Selulas musculal conteni fibres de protena de actin e miosin cual lisca longo lunlotra, produinte un contrata cual cambia la longia e la forma de la selula. Musculos funsiona per produi forsa e move. Los es xef cargada con la manteni e cambia de la posa, move en spasio, e ance la move de organos interna, como la contrata de la cor e la move de comedas via peristalsia tra la sistem de dijesta.

Texedas musculal es derivada de la strato mesodermal de la selulas en un embrio en un prosede nomida miojenese. On ave tre tipos de musculos: sceletal (o raiosa), cardial, e lisa. Usa de musculos pote es clasida como volente o nonvolente. Musculos cardial e lisa contrata sin pensa consensal e es donce nonvolente, ma musculos sceletal pote contrata par comanda consensa. Musculos sceletal pote es divideda entre fibres de spasma rapida e spasma lente.

Musculos es propulsada xef par la osidi de lipidos e carboidratos, ma reatas cimical nonairobial es ance usada, spesial par fibres de spasma rapida. Esta reatas produi moleculos de adenosin trifosfato cual es usada per furni enerjia per la move de la testos de miosin.

Vide ance musculos umana