Boca

De Vicipedia
La diablo tasmanian, mostrante sua dentes en un ata de defende
La partes de la boca e garga umana, de la alta:la caveta nasal, la palato, la caveta bocal, la labios, la lingua, la mandibula, la farinje, la epiglote, la abrida entre la farinje e la larinje, la larinje, e la esofago

En anatomia de animales, la boca es la abrida tra cual multe animales prende comedas e produi sonas. Lo es ance la caveta a la comensa de la sistem de dijesta, pos la labios e ante la farinje e conteninte, en la vertebratos plu alta, la lingua e la dentes. Alga animales, incluinte vertebratos, ave un sistem de dijesta, con la boca a un fini e un ano a la otra. Cual fini formi prima en ontojenia es un marca usada per clasi animales entre protostomas e deuterostomas.

En anatomia umana, la boca es la parte prima de la sistem de dijesta cual reseta comedas e produis saliva. La mucosa bocal es la membrana cual fore la interna de la boca. En ajunta a sua rol xef, en umanas la boca ave ance un rol sinifiante en comunica. An si la aspetas prima de la vose es produida en la garga, la lingua, labios, e mandibula es ance nesesada per produi la estende de sonas incluida en la linguas umana.

La boca es composada de du rejiones, la vestibula e la caveta propre. La boca, normal moiada, es foreda con un membrana mucosa, e conteni la dentes. La labios marca la traversa de la membrana mucosa a la pel, cual covre la plu de la corpo.