Sensa

Un depinta par Breughel de la sinco sensas

Un sensa es un capasia fisiolojial de organismes cual furni datos per persepi. La sensas e sua opera, clasi, e teoria es temas supraponente studiada par un varia de campos. La plu notable es neurosiensa, psicolojia cognisial (o siensa cognisial), e filosofia de persepi. La sistem de nervos ave un sistem de nervos spesial, e un organo de sensa, dedicada a cada sensa.

Umanas ave un multia de organos de sensa. Vide, oia, proba, ole, e toca es la sinco sensas tradisional reconoseda. La capasia per deteta otra stimulas ultra estas esiste ance, e estas inclui temperatur, cinestesia, dole, ecuilibra, vibra, e stimulas interna variosa (pe, resetantes per cimicas cual deteta consentras de sol e diosido de carbono en la sangue, o un sensa de famia e sidia.) Ma cual composa un sensa es un sujeto de debate, con difisilias de defini esata cual es un sensa, e do la bordas entre respondes a stimulas relatada.

Otra animales ave ance resetantes per sensa la mundo sirca los, con grados de capasia cual varia multe entre spesies. Umanas ave un sensa de ole alga debil e un sensa de vide alga forte relativa a otra mamales, ma alga animales pote manca un o plu de la sinco sensas tradisional. Alga animales pote ance reseta e interprete stimulas sensal en modos multe diferente. Alga spesies de animales es capas de sensa la mundo en modos cual umanas no pote, con alga spesies capas de sensa campos de eletrical o magnetal, e deteta presa e corentes de acua.