Oia

Oia es la capasia de persepi sonas con un organo, como un orea, par deteta vibras como cambias periodal en la presa de un media ambiente. La campo academial consernante oia es la siensa oreal.

Sona pote es oiada tra materia solida, licuida o gasosa. Lo es un de la sinco sensas tradisional. Noncapasia partal o completa de oia es nomida descapasia oreal.

En umanas e otra vertebratos, oia es realida prima par la sistem oreal: ondas mecanical, conoseda como vibras, es detetada par la orea e transduida a impulsas de nervo cual es persepida par la serebro (xef en la lobe tempal). Como toca, oia nesesa sensosia a la move de moleculas en la mundo estra la organisme. E oia e toca es tipos de mecanosensa.