Sistem de respira

De Vicipedia
Jump to navigation Jump to search
La sistem de respira umana
La sistem de respira de pexes ososa

La sistem de respira es un sistem biolojial composada de organos spesial e strutures usada per la intercambia de gases en animales e plantas. La anatomia e fisiolojia cual permete estas varia multe, dependente de la grandia de la organisme, la ambiente en cual lo abita, e sua istorial de evolui. En animals surfasal, la surfas de respira es interna como la fore de la pulmones.

Intercambia de gases en la pulmones aveni en miliones de sacos peti de aira nomida alveolos en mamales e retiles, ma atrias en avias. Esta sacos microscopial ave un fonte de sangue multe rica cual trae aira a contata prosima con la sangue. Esta sacos comunica con la ambiente esterna par un sistem de tubos, de cual la plu grande es la tracea, cual rami en la media de la peto entre la du broncias xef. Estas entra la pulmones do los rami entre broncos plu e plu peti, la brancietas. En avias, la brancietas es omida parabroncias. Estas abri jeneral a la alveolos microscopial en mamales e atrios en avias. Aira debe es pompada de la ambiente a la alveolos o atrias par la prosede de respira, cual envolve la musculos de respira.

En la plu pexes e un cuantia de otra animales acual, la sistem de respira es ance composada de brancias, cual es partal o total organos esterna, inondada en a ambiente acual. Esta acua flue sur la broncas par un varia de modos ativa o pasiva. La intercambia de gases aveni en la brancas, cual es composada de filetas plata e magra o laminas, cual esposa un area surfasal multe grande de texeda multe sanguosa a la acua.

Otra animales, como insetos, ave sistemes de respira multe simple, e en amfibios an la pel ave un rol esensal en la intercambia de gases. Plantas ave ance sistemes de respira, ma la dirije de intercambia de gases pote es la oposante de lo de animales. La sistem en plantas inclui stomas microscopial cual pote aveni en partes variosa de la planta.