Statos Unida de America
| Statos Unida de America United States of America | |||
|
.svg)
| ||
| |||
| Informa jeneral | |||
| Capital: | Washington DC | ||
| Lingua ofisial: | Engles (de facto) | ||
| Dirije | |||
| Governa: | Republica constitual presidental federal | ||
| - Xef de stato: | Presidente Joe Biden | ||
| - Xef de governa: | Vise Presidente Kamala Harris | ||
| Otras | |||
| Area: | 9826675 km² | ||
| Popla: | 308,745,538 | ||
| Densia: | 33.7 | ||
| PIB: | $28,781 triliones | ||
| Mone: | Dolar de SUA ($) | ||
| Zona de ora: | −5 to −10 | ||
| Numero de telefon: | |||
| Interede: | .us .gov .mil .edu | ||
| |||
La Statos Unida de America (SUA) es un republica federal en America Norde, formida par sincodes statos e un distrito federal. Lo es la pais tre de la plu grandes de la mundo, con 9,83 milion km² e 308 milion abitores. La linguas major es engles e espaniol.
Tra la sentenio 19, la Statos Unida ia desloca la tribus nativa, ia oteni tera de Frans, Espania, Rena Unida, Mexico e Rusia, e ia ajunta la Republica de Texas e la Republica de Hawaii. La disputas entre la sude e la norde sur sclavia e la diretos de la statos ia provoca la Gera Interna American en la desenio de 1860. La vinse par la norde ia preveni la divide de la pais e ia gida la fini de sclavia en la Statos Unida. La Gera Espaniol-American e la Gera Mundal Prima ia confirma la state de la pais como un potia militar. Lo ia emerji de la Gera Mundal Du como la pais prima con armas nucleal e como un membro permanente de la Consilio de Securia de la Nasiones Unida. La resulta de la Gera Fria ia es la disolve de la Uni Soviet, lasante la Statos Unida como la sola suprapotia. La SUA fa 43% de la spende militar global e lo es la fortia prima, cultural, political e economial en la mundo.
Istoria
[edita | edita la fonte]En 1492, Cristoforo Colombo, contratada par la renores espaniol, ia ariva a alga isolas de la Mar Caribe e ia contata la poplas orijinal a la ves prima. A 2 april 1513, la concistor espaniol Juan Ponce de León ia ariva a lo cual el ia nomi "La Florida" (la ariva prima a la Statos Unida moderna par europeanes). La colonias espaniol en la rejion ia es segueda par otras en la sude de la Statos Unida. Comersiores franses ia fundi colonias sirca la Lagos Grande. La colonias engles prima ia es la Colonia de Virginia en Jamestown en 1607 e la Colonia de Plymouth en 1620 (de la Peregrinores). La constitui en 1628 de la Colonia de la Baia de Massachusetts ia resulta plu migrores, e en 1634 England Nova ia ave 10 000 puritanes. Entre la tarda de 1610 e la Revolui American, 50 000 condenadas ia es portada a la colonias american. Comensante en 1614, la nederlandeses ia coloni la parte basa de la Rio Hudson, incluinte Amsterdam Nova sur Isola Manhattan.
En 1674 la nederlandeses ia sede sua tera american a England, e la provinse de Nederland Nova ia es renomida New York. En la sentenio 18, sclavos african ia es la fonte prima de labora. Con la divide de Carolina en 1729 e la coloni de Georgia en 1732, la des-tre colonias brites ia es instituida. Tota ia ave governas local con elejes per omes libre e con un suporta grande per republicisme. Tota ia legali la comersia de sclavos. Un promove per revive cristianisme de la anios 1730 e 1740, conoseda como la Velia Grande, ia nuri interesa sur relijio e libros relijiosa. En la Gera de Sete Anios, la fortes brites ia ataca Canada franses e ia prende lo de la franseses, ma la popla de lingua franses ia es permanente isolida de la colonias sude. En 1770, la des-tre colonias ia ave 2,6 milion abitores.
Autonomia e crese
[edita | edita la fonte]Problemes entre la colonistes american e la briteses entre la periodo revoluiste de la anios 1760 e 1770 ia provoca la Gera Revoluiste American (1775–81). A 14 junio 1775, la Congresa Continental, conveninte en Philadelphia, ia constitui un Armada Continental su la comanda de George Washington. Proclamante ce "tota la omes es creada como egal" con "alga diretos nonalienable", la Congresa ia adota la Declara de Autonomia, scriveda par Thomas Jefferson, a 4 julio 1776. Esta data es selebrada en cada anio como la Dia de Autonomia de la Statos Unida de America. En 1777, la Articles de la Federa ia stabli un governa debil cual ia opera asta 1789.
Britan ia reconose la autonomia de la Statos Unida pos sua defeta en Yorktown. En la trata de pas de 1783, la autonomia american ia es reconoseda de la costa atlantica a la rio Mississippi. La nasionalistes ia gida la Confere de Filadelfia de 1787 en cual la Constitui de SUA ia es scriveda. Lo ia es validida en reunis statal en 1788.
Jeografia
[edita | edita la fonte]
La tera continental de la Statos Unida es 770 milion ectares. Alaska, fisical separada de la Statos Unida par Canada, es la stato la plu grande con 150 milion ectares. Hawaii ave 1,6 milion ectares. La SUA es la pais tre de la plu grandes de la mundo, pos Rusia e Canada.
La Statos Unida ave 50 statos.
La site capital es Washington (uaxington), en la Distrito de Columbia.
Governa
[edita | edita la fonte]La Statos Unida es la federa la plu vea de la mundo. Lo es un republica con constitui e un democratia represental.
Lo ave tre niveles de governa: local, statal e federal.
La governa federal ave tre ramos:
- Legeria
- Potia de esecuta
- Potia de judi
La legeria es divideda entre du partes: la Casa de Representores ave 435 membros; la Senato ave 100 membros.
Presidente
[edita | edita la fonte]En tota sua istoria, la Statos Unida es dirijeda par la presidente.
La presidente aora es Joe Biden. La presidentes presedente ia es Donald Trump, Barack Obama e George W. Bush.
Relijio
[edita | edita la fonte]La Statos Unida es un nasion secular; la Cambia Prima de la Constitui de la Statos Unida garantia la eserse libre de relijio e proibi la institui de cualce relijio par la stato. En un studia de 2002, 59% de americanes ia dise ce "relijio ave un rol multe importante en sua vive". Longo un studia de 2007, 78,4% de adultes ia dise ce los es cristianiste. 51,3% es protestantes, ma catolicisme es la ramo de cristianisme la plu grande, con 23,9% de adultes.
Instrui
[edita | edita la fonte]La instrui publica american es dirijeda par la governa statal o local e regulada par la Departe de Instrui de la Statos Unida.
Siensa e tecnolojia
[edita | edita la fonte]La Statos Unida ave un rol major en rexerca siensal e inova tecnolojial de pos la sentenio 19. En 1876, Alexander Graham Bell ia oteni la patenta prima american per la telefon. La laboreria de Thomas Edison ia developa la fonograf.
Con la ariva de nazisme, multa siensistes european ia move a la Statos Unida. Aora la enormia de la suporta finansial de rexerca e developa (64%) veni de la campo privata.
Referes
[edita | edita la fonte]
| Paises de America Norde | model | ||