Bermuda

De Vicipedia
Jump to navigation Jump to search
Bermuda
Flag of Bermuda.svg Coat of arms of Bermuda.svg
Imno: God Save the Queen
United Kingdom on the globe (Bermuda special) (Americas centered).svg

Bermuda es un teritorio ultramaral brites en la Mar Atlantica norde. Lo es sirca 1070 cilometres a la este-sude-este de Cape Hatteras, Carolina Norde; 1236 cilometres a la sude de Isola Cape Sable, Scotia Nova; e 1578 cilometres a la norde de San Juan, Porto Rica. La site capital es Hamilton. Bermuda es un membro asosiada de la Comunia de la Caribe (CARICOM). La area es sirca 53,3 cilometres cuadrida. La cuantia de abitores, en la anio 2007, es sirca 66 163 persones. La lingua major es engles.

La person prima ci ia es sabeda per ateni Bermuda es la capitan maral espaniol, Juan de Bermúdez en 1503, per ci la isolas es nomida. El ia reclama la isolas per la Impero Espaniol. Bermúdez nunca ia atera en la isolas, ma a du veses el ia visita la arcipelago, de cual el ia crea un mapa reconosable. On aora pensa ce marinores portuges perdeda a mar ia fa la enscrive sur la Roca Portuges (nomida la Roca Espaniol en la pasada) en 1543. On crede ce grupos seguente espaniol o otra european ia relasa porcos ala, cual ia deveni savaje e abundante en la isola ante colonia european ia comensa. En 1609, la Compania de Virginia engles, cual ia fundi Jamestown en Virginia a du anios a ante, ia colonia permanente Bermuda en la tempo seguente un siclon, cuando la ecipo e pasajores de la Sea Venture ia gida la barcon a sur la resife ambiente per preveni ce la barcon afondada, e a pos ia atera.

La isola ia es manejada como un ajuntada de Virginia par la compania asta 1614. Sua derivada, la Compania de Isoletas Somers, ia prende controla en 1615 e ia maneja lo asta 1684. A acel ves, la constitui de la compania ia es canselada, e la monarca engles ia prende controla de la dirije. La isolas ia deveni un colonia brites pos la uni de la parlamentos de Scotland e England en 1707, cual ia crea la Rena de Britan. Pos 1949, cuando Newfoundland ia deveni un parte de Canada, Bermuda ia deveni la teritorio ultramaral brites la plu vea cual ia permane ancora. Pos la redona de Hongkong a Xina en 1997, Bermuda ia deveni la teritorio brites la plu poplada. La capital prima de Bermuda ia es San George's, cual ia es fundida en 1612.

La economia de Bermuda es fundida en asecura e reasecura estrateritorial, e turisme, la du campos economial cual es la plu grande. Bermuda ia ave un de la PIBes per person la plu grande en la mundo tra la plu de la sentenio 20 e alga anios a ultra. Resente, la state economial de Bermuda ia es afetada par la retrosede global. Lo ave un clima sutropical. Bermuda es la punto la plu norde de la Triangulo Bermuda, un rejion de mar cual, como diseda par lejendas, alga aviones e barones ia desapre en casos suposada nonesplicada o misteriosa. La isola es en la banda de siclones e es propensada a clima violente. An tal, lo es alga protejeda de la forte intera de siclones par la resife de coral cual ensirca la isola.


Antilies model
Paises autonom Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago
Dependes Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos