Barbados

De Vicipedia
Barbados
Imno: In Plenty and in Time of Need

Barbados es un pais en la Mar Caribe. La area es sirca 431 cilometres cuadrida. La capital e site plu grande es Bridgetown.

An si lo es clasida como un isola atlantica, Barbados es considerada como parte de la Caribe, do es un destina xef per turistes. 40% de la turistes veni de Rena Unida, con la Statos Unida de America e Canada fante la seguente grupo grande de visitores.

Istoria[edita | edita la fonte]

Barbados ia es visitada un par la espanioles sirca la 1400 temprana e la 1500 tarda. Lo ia apare un en un mapa espaniol en 1511. La portugeses ia visita lo en 1536. Los ia trae carne cada ves ce los visita la isola. La barcon engles un, la Olive Blosson, ia veni en 1624. Los ia dise ce la isola ia parteni a la re brites James 1. Du anios a pos en 1627 la colonistes permante un ia ariva de England.

En 1966, Barbados ia deveni un stato nondependente e un rena de la Comunia de Nasiones con la monarca brites como xef de stato.

Divides manejal[edita | edita la fonte]

Mapa de la parocias de Barbados

Barbados es divideda en 11 parocias:

  1. Christ Church
  2. Saint Andrew
  3. Saint George
  4. Saint James
  5. Saint John
  6. Saint Joseph
  7. Saint Lucy
  8. Saint Michael
  9. Saint Peter
  10. Saint Philip
  11. Saint Thomas

Demografia[edita | edita la fonte]

La cuantia de abitores, en la anio 2007, ia es sirca 280 946 persones, xef desendentes de africanes, 6% es asian e 4% es blanca. Lo ave ance un comunia barati e jonguo.

Relijio[edita | edita la fonte]

La plu parte de la abitores es cristian (95%). La eglesa xef es la anglican (40%). Otra eglesas cristian en Barbados es la Eglesa Catolica, pentecostales, adventistes e batistes. La Eglesa de England ia es la relijio ofisial de stato. Lo ia fini a pos nondepende par un ata de la Parlamento de Barbados. Otra relijios es iudisme, islam, bahaisme e uica.

Cultur[edita | edita la fonte]

La influe de engles en Barbados es plu notable ca en otra isolas en Indias Ueste. Un esemplo bon es ce la sporte nasional de la isola es criceto. Barbados ia ave diversa cricetores bon, incluinte Sir Garfield Sobers e Sir Frank Worrell.

Rihanna es la cantor plu conoseda de Barbados. El ia gania la premio Grammy.

La lingua major es engles ma los ance parla un creol basida en engles.

Lias esterna[edita | edita la fonte]


Antilies model
Paises autonom Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago
Dependes Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos