Dominica

De Vicipedia
Comunia de Dominica
Commonwealth of Dominica
Imno: Isle of Beauty, Isle of Splendour

Dominica (en engles: Dominica /ˌdɒmɪˈniːkə/; en franses: Dominique; en caribe: Wai‘tu kubuli), nomida ofisial la Comunia de Dominica (en engles: Commonwealth of Dominica; en franses: Commonwealth de la Dominique) es un pais en la Mar Caribe. La site capital, Roseau, es en la lado suventa de la isola. La isola es a la sude-sude-este de Guadelupe e a la norde-ueste de Martinic. La area de la pais es sirca 754 cilometres cuadrida. La punto la plu alta en la pais, Morne Diablotins, ave 1 447 metres de altia. La cuantia de abitores, en la anio 2014, ia es sirca 72 301 persones. La linguas major es engles e un dialeto de franses.

La isola ia es abitada prima par la Calinago, e plu tarda lo ia es coloni par europeanes, xef par la franses de la desenio de 1690. Los ia arivada a un ves cual ia es longa pos Cristoforo Colombo ia pasa la isola en soldi, 3 novembre 1493; la nom nativa de la isola es derivada de la parola latina per "soldi". La Rena de Britan ia prende controla de la isola en 1793, pos la Gera de Sete Anios, e institui gradal engles como la lingua ofisial. La isola ia autonomi como un republica en 1978.

Dominica ia es nometida la "Isola de Natur de la Caribe" per sua ambiente natural. Lo es la isola la min vea de la Antiles Minor. Lo ia es formida par ata jeotermal volcanal, como mostrada par la fonte calda la du de la plu grande en la mundo, Lago Boiling. La isola ave forestas pluvosa montaniosa, e es la casa de multe animales e plantas rara, e multe spesies de avias. Alga de la rejiones costal ave areas multe seca, ma areas interna ave multe pluve. La papagaio imperal, cual on pote trova sola en la isola de Dominica, es la avia nasional de la isola e apare sur la bandera nasional. La economia de Dominica depende sur turisme e cultiva.

Jeografia e clima[edita | edita la fonte]

Dominica es covreda per la plu par forestas pluvosa e ave la lago calda la du de la plu grande en la mundo, Lago Boiling. Dominica ave multe cascades, fontes e rios. La area de Calibishie, cual es en la norde-este de la pais, ave plaias arenosa. On ia creda ce alga plantas e animales es estinguida en isolas ambiente, ma estas pote es trovada en la forestas de Dominica. La isola ave alga areas protejeda, incluinte la Parce Nasional Cabrits, e ance 365 rios.

La Parce Nasional Morne Trois Pitons es un foresta tropical con cualias volcanal. Lo ia es reconoseda como un loca de erita mundal en 4 april 1995, un distingui lo comparti con cuatro otra isolas caribe.

La Comunia de Dominica es envolveda en un disputa longa con Venezuela sur la reclamas teritorial par Venezuela de la mar sirca Isla de Aves (Isola de Avias), un isoleta pico cual es 225 cilometres a la ueste de la isola Dominica. En un visita a Venezuela en 2006, la ministro xef de Dominica, Roosevelt Skerrit, ia declara ce Isla de Aves parteni a Venezuela; esta ia fini la reclama teritorial ma no la reclama maral.

Dominica ave du sentros xef de popla: Roseau (con 14 725 abitores en 2011) e Portsmouth (con 4 167 abitores en 2011).


Antilies model
Paises autonom Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago
Dependes Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos