Revolui American

De Vicipedia
Jump to navigation Jump to search
Gera de la Revolui American
AmericanRevolutionaryWarMon.jpg
{{{testo}}}
Disputa
Data 19 april 1775 – 3 setembre 1783
Loca
Resulta Vinse american e autonomia; defeta brites, Trata de Paris
Militaria
Statos Unida
Rena de Frans
Espania
Provinses Unida
Oneida
Britan
Irocuoi
Comandores
George Washington
Nathanael Greene
Horatio Gates
Benedict Arnold
Friedrich Wilhelm von Steuben
Marquis de La Fayette
Comte de Rochambeau
Comte de Grasse
Bailli de Suffren
Bernardo de Gálvez
Luis de Córdova
Juan de Lángara
Lord North
Sir William Howe
Thomas Gage
Sir Henry Clinton
Lord Cornwallis
Sir Guy Carleton
John Burgoyne
Benedict Arnold
George Rodney
Richard Howe
Wilhelm von Knyphausen
Forsas total
Perdes

La Revolui american ia es la gera entre la Rena de Britan e la Des-tre Colonias en America Norde entre 1765 e 1783. La sitadanes de la des-tre colonias ia gania sua autonomia de la Rena de Britan, deveninte la Statos Unida de America. Los ia defeta la brites en un alia con Frans e otras.

Membros de la sosia colonial ia suporta la idea ce la Rena de Britan, de cual los ia es sitadanes, no pote imposta los sin ce los ave representa. Protestas ia crese asta la masacra de Boston en 1770 e la arde de la Gaspee en Rhode Island en 1772, segueda par la destrui de te importada en la porto de Boston en 1773. La governa brites responde par clui la porto, segueda par un serie de atas legal cual sutrae la diretos de autonomia de la colonia de Massachusetts Bay, cual causa ce la otra colonias ia asembla par suporta Massachusetts. En 1774 tarde, la plu de colonistes ia institui sua propre governa alternativa per coordina plu bon sua resiste contra Britan, an si otra colonistes ia prefere resta aliada a la re de Britan. Los ci ia desira autonomia ia nomi se la patriotas, e los ci no acorda, la loyalists (fidistes) o tories (per la partito brites plu tradisional).

Tensas ia eruta a batalia entre la militia coloniste e la militar brites cuando la armada de la e ia atenta catura e destrui la furnis militar de la colonistes a Lexington e Concord en Massachusetts a 19 april 1775. La disputa alora ia developa a un gera mundal, en cual la colonistes (e plu tarde, sua alias franses, espaniol, e nederlandes) batalia contra la brites e sua suportores en cual ta es nomida la Gera de la Revolui American (1775–83). La des-tre colonias ia formi un congresa continental cual prende la potia de la governas vea, e de lo los construi la armada continental su la gida de jeneral George Washington. La congresa ia troca ce la rena de re George de Britan ia es tiranosa e ce lo viole la diretos de la colonistes como sitadanes de Britan, e los declara ce la colonias ta es statos libre e autonom a 2 julio 1776. La gidores de la colonistes ia profesa la filosofias political de libralisme e republicisme per rejeta monarcia e aristocratia, e ia proclama de tota omes es creada egal.

La armada continental ia forsa la "jacones roja" (per la color de la vestes de la soldatos brites) estra Boston en marto 1776, ma acel estate, la brites ia catura e teni la site de Nova York e sua porto stratejial per la dura de la gera. La colonistes ia atenta invade Canada sin susede en la inverno de 1775-1776 sin susede, ma los ia catura un armada brites a la batalia de Saratoga en otobre 1777. Frans ia entra la gera alora como un alia de la Statos Unida con un armada e marina grande cual menasa Britan mesma. La gera ia dirije se a la statos sude, do la brites su la jeneral Charles Cornwallis ia catura un armada colonial a Charleston, Sude Carolina en 1780 temprana ma no susede enscrive suportores sufisinte per prende controla efetosa de la teritorio. La trata de Paris ia es suscriveda a 3 setembre 1783, cual ia fini la gera e confirma la autonomia completa de la nasion nova de la Impero Brites. La Statos Unida prende posese de cuasi tota teritorio este de la rio Mississippi e sude de la Lagos Grande, en cuando la brites ia reteni controla de Canada, e la espanioles ia prende Florida.

Entre la resultas sinifiante de la revolui ia es la crea de la constitui de la Statos Unida, cual institui un governa nasional e federal sufisinte forte cual inclui un ramo dirijal, judal, e leginte, la final composada de un congresa bicameral cual representa la statos en la senato e la popla en la casa de representores. La revolui ia resulta ance en la migra de sirca 60,000 "loyalistes" a otra teritorios brites, spesial Canada.