Leonardo da Vinci

Article bon
De Vicipedia

Leonardo da Vinci

Informa personal

Nase: 15 april 1452
Mori: 2 maio 1519
Pais: Italia

Otra informas

Profesa: Depintor, scultor, construidor, inventor e injenior
Move: Renase

Leonardo di ser Piero da Vinci (Italian: [leoˈnardo di ˌsɛr ˈpjɛːro da (v)ˈvintʃi] escuta; 15 april 1452 - 2 maio 1519), plu comun Leonardo da Vinci o simple Leonardo, ia es un erudita italian, de ci sua areas de interesa ia inclui inventa, depinta, sculta, arciteta, siensa, musica, matematica, injenia, leteratur, anatomia, jeolojia, astronomia, botanica, scrive, istoria e cartografia. El ia es diversa nomida la padre de paleontolojia, icnolojia e arciteta, e es comun regardada como un de la depintores la plu eselente de tota tempo. Alga persones atribui a el la inventas de la paracade, la elicotor e la tance.[1][2][3]. El ia esempli la ideal de la umanisme de la Renase.

Multe istoristes e eruditas regarda Leonardo como la esemplo ultima de la "jenio universal" o "om de la Renase", un individua de "curiosia nonsasiable" e "imajina febrosa inventosa".[4] Diseda par la istoriste de arte Helen Gardner, la estende e profondia de sua interesas ia es sin presedente en istoria rejistrada, e "sua mente e personalia pare supraumana a nos, en cuando la om mesma pare misteriosa e distante".[4] Marco Rosci comenta ce en cuando multe divinas aveni en relata con sua vive e personalia, sua vista de la mundo ia es lojical en loca de misteriosa, e ce la metodos empirical cual el ia usa ia es nonortodox en sua tempo.[5]

Ia nase estra sposi a un notario, Piero da Vinci, e un fem campanial, Caterina, en Vinci en la rejion de Firenze, Leonardo ia reseta sua instrui en la studio de la depintor famosa fiorentin Andrea del Verrocchio. El ia pasa multe de la temprana de sua vive de labora en la servi de Ludovico il Moro en Milano. A pos, el ia labora en Roma, Bologna e Venezia, e ia pasa sua anios final en Frans a un casa donada a el par François 1 de Frans.

Leonardo ia es, e aora es, famosa xef como un depintor. Entre sua obras, la Mona Lisa es la depinta personal la plu famosa e la plu parodiada,[6] e la Come de Sera Ultima es la depinta relijial la plu reproduida de tota tempo.[4] Sua desinia de la Om de Vitruvio es ance regardada como un icon cultural;[7] lo es reproduida sur ojetos tan diversa como la moneta de euro, libros de aprende e camisas T. Cisa des-sinco de sua depintas survive.[nb 1] An tal, esta obras poca, con sua libros de notas, cual conteni desinias, scemas siensal, e sua pensas sur la natur de depinta, composa un contribui a jeneras de artistes seguente, egalida sola par acel de sua contempora, Michelangelo Buonarroti.

Leonardo es onorada per sua injenia tecnical. El ia conseti macinas de vola, un tipo de veculo blindada de combate, enerjia solal de consentra, un macina de soma,[8] e la casco duple de barcones. Relativa poca de sua desinias ia es construida o an posible en sua vive intera, si on recorda ce la modos moderna siensal de metalurjia e injenia ia es mera comensante en la Renase. Alga de sua inventas plu peti, par contrasta, per esemplo un enrolador automata de bobin e un macina per proba la tensa de rompe de filo, ia entra nonespetada a la mundo. Alga de sua inventas la plu pratical es corente mostrada como esemplos operante a la Museo de Vinci. El ia fa descovres sustantial en anatomia, injenia sivil, jeolojia, otica e idrodinamica, ma el no ia publici sua trovas e los no ia influe direta la siensa a pos.[9]

Aora, Leonardo es comun regardada como un de la persones con talentos la plu diversa de cualce tempo.[10]

Biografia[edita | edita la fonte]

Enfantia, 1452-1466[edita | edita la fonte]

La casa do Leonardo ia nase en Anchiano

Leonardo ia nase a 15 april 1452 "en la ora tre de la note"[nb 2] en la site Vinci, en Toscana, en la vale basa de la rio Arno en la Republica de Firenze,[12] cual la Medicis ia governa. El ia es un fio naseda estra sposi de la rica Messer Piero Fruosino di Antonio da Vinci, un notario legal, e Caterina, un campanian.[11][13][nb 3] Leonardo ia ave no nom familial en la modo moderna; "da Vinci" ia sinifia simple "de Vinci". Sua nom cuando el ia nase ia es "Lionardo di ser Piero da Vinci", cual sinifia "Leonardo, (fio) de (Mes)ser Piero de Vinci".[12] La inclui de la titulo "ser" ia indica ce la padre de Leonardo es un senior.

On sabe poca sur la temprana de la vive de Leonardo. El ia pasa la sinco anios prima de sua vive en la vileta Anchiano en la casa de sua madre, e de 1457, el ia abita en la casa de sua padre, avis e tio en la vila peti Vinci. Sua padre ia sposi un xica de des-ses anios nomida Albiera Amadori, ci ia ama Leonardo, ma ia mori joven[14] en 1465 sin fies. Cuando Leonardo ia ave des-ses anios (en 1468), sua padre ia sposi un fem de dudes anios nomida Francesca Lanfredini, ci ance ia mori sin fies. La eritores legal de Piero ia nase de sua sposa tre, Margherita di Guglielmo (ci ia pari ses fies:[15] Antonio, Giulian, Maddalena, Lorenzo, Violante e Domenico), e sua sposa cuatro e final, Lucrezia Cortigiani (ci ia pari ses plu fies per Piero:[16] Margherita, Benedetto, Pandolfo, Guglielmo, Bartolomeo e Giovanni).[17][18]

En tota, Leonardo ia ave des-du duiconasedas, de ci cada ia es multe plu joven ca el, e de ci la final ia nase cuando Leonardo ia ave cuatrodes anios; el ia ave poca contata con los, ma los ia causa difisiles a el sur la erita pos la mori de sua padre.[18]

Leonardo ia reseta instruis nonformal en latina, jeometria e matematica. En la tarda de sua vive, Leonardo ia rejistra sola du avenis de sua enfantia. Un, cual el ia regarda como un indica, ia es cuando un milan ia tufa de la sielo e ia flota supra sua cuna, con sua plumas de coda tanjente sua fas.[19] La du ia aveni cuando el ia esplora en la montania: el ia descovre un cava e ia es no sola asustada ce cisa alga monstro grande asconde se ala, ma ance motivada par curiosia a descovre cual es a interna de la cava.[14]

La temprana de la vive de Leonardo ia es la sujeto de divina istorial.[20] Giorgio Vasari, la biografiste de depintores de la Renase, ia nara un raconta sur Leonardo como om multe joven: Un campanian local ia crea un scermo ronda per se e ia demanda ce Ser Piero fa ce on depinta lo per el. Leonardo ia responde con un depinta de un monstro sputante foco cual ia es tan terorinte ce Ser Piero ia vende lo a un vendor fiorentin de arte, ci ia vende lo a la duxe de Milano. Entretempo, pos fa un profita, Ser Piero ia compra un scermo ornada con un cor perforada par un flexa, cual el ia dona a la campanian.[21]

La laboreria de Verrocchio, 1466-1476[edita | edita la fonte]

La Batiza de Cristo (1472-1475), Uffizi, par Verrocchio e Leonardo

En 1466, cuando el ia ave des-cuatro anios, Leonardo ia es stajiada a la artiste Andrea di Cione, nomida Verrocchio, de ci sua bottega (laboreria) ia es "un de la plu amirables en Firenze".[22] El ia stajia como un garzone (xico de studio) a Andrea del Verrocchio, la depintor e scultor fiorentin la plu importante de sua tempo, e ia continua esta per sete anios.[23] Otra depintores famosa stajiada o asosiada con la laboreria inclui Domenico Ghirlandaio, Pietro Perugino, Sandro Botticelli e Lorenzo di Credi.[14][24] Leonardo ia es esposada a e instruis teorial e un varia vasta de capasias tecnical,[25] incluinte desinia tecnical, cimica, metalurjia, fabrica metal, moldi de jeso, fabrica de cuoro, mecanica e carpenta, como ance la capasias artal de desinia, depinta, sculta e modeli.[26][nb 4]

Multe de la produis depintada de la laboreria de Verrocchio ia es fada par sua empleadas. Diseda par Vasari, Leonardo ia colabora con Verrocchio sur sua Batiza de Cristo, ia depinta la anjel joven teninte la roba de Jesus en un modo cual ia es tan superior a la modo de sua mestre ce Verrocchio ia pone sua brosa e ia depinta nunca denova, ma esta es crededa es apocrifa.[27] Un esamina atendente mostra areas cual ia es depintada o ajustada sur la tempera usante la tecnica nova de pinta de olio; la vista, la rocas como videda tra la rieta brun de monte e la plu de la figur de Jesus ia es ajustada par Leonardo.[28] Leonardo ia es cisa la model per du de la obras par Verrocchio: la sculta de bronze de David en Bargello e la arcanjel Rafael en Tobias e la anjel.[13]

Ante la fini de 1472, cuando el ia ave dudes anios, Leonardo ia cuali como un mestre en la Corpora de San Lucas, la corpora de artistes e dotores de medica,[nb 5] ma an pos cuando sua padre ia institui el en sua propre laboreria, sua lia con Verrocchio ia es tan forte ce el ia continua colabora con el.[14] La obra conoseda la plu temprana de Leonardo es un desinia par pen e inca de la vale de la Arno ce el ia desinia en 5 agosto 1473.[nb 6][24]

Vive profesal, 1476-1513[edita | edita la fonte]

La Adora de la Majos (1481), Uffizi

Arcivos de la corte fiorentin de 1476 mostra ce Leonardo e tre otra omes joven ia es acusada de sodomia, ma los ia es desculpada; atas omosesal ia es nonlegal en Firenze en la Renase.[13] De alora, asta 1478, on ave no indica de sua labora o an sua loca.[29] En 1478, el ia parti de la studio de Verrocchio e ia es no plu un abitor a la casa de sua padre. Un autor, la "Anonimo" Gaddiano, alega ce en 1480 Leonardo ia abita con la Medicis e ia labora en la Jardin de la Piazza San Marco en Firenze, un academia neoplatoniste de artistes, poesistes e filosofistes cual la Medicis ia fundi.[13] En janero 1478, el ia reseta un comision nondependente per depinta un arte de altar per la Egleseta de San Bernardo en la Palazzo Vecchio, e en marto 1481 el ia reseta un otra comision nondependente per La Adora de la Majos per la monces de San Donato a Scopeto.[30] No la un e no la otra ia es completida, e la numero du ia es interompeda cuando Leonardo ia vade a Milano.

En 1482, Leonardo, ci ia es un musiciste talentosa (como diseda par Vasri),[31] ia crea un lira arjento en la forma de la testa de un cavalo. Lorenzo de' Medici ia envia Leonardo a Milano, portante la lira como un donada, per securi pas con Ludovico Sforza, la duxe de Milano.[32] A esta ves, Leonardo ia scrive un letera frecuente sitada, descrivente la multe cosas merveliosa e diversa cual el pote ateni en la campo de injenia e informante Ludovico ce el pote ance depinta.[24][33]

Leonardo ia labora en Milano de 1482 asta 1499. El ia es encargada per depinta la Virjin de la rocas per la Frateria de la Consepi sin Manxa e la Come de Sera Ultima per la monceria de Santa Maria delle Grazie.[34] En la primavera de 1485, Leonardo ia viaja a Magiar per Ludovico per encontra Matthias Corvinus, per ci on crede ce el ia depinta un Santa Familia.[35][no en sita (augusto 2013)] Entre 1493 e 1495, Leonardo ia lista un fem nomida Caterina como un de sua dependentes en sua documentos de imposta. Cuando Caterina ia mori en 1495, la lista de spendes de la funera sujesta ce el ia es la madre de Leonardo.[36]

Studia de un cavalo de la jornales de Leonardo - Biblioteca real, Castel de Windsor

Leonardo ia es empleada sur multe projetas diferente per Ludovico, incluinte la prepara de caros de carnaval e spetaculos per veses spesial, desinias per un cupola per la catedral de Milano, e un model per un monumento cavaloral per Francesco Sforza, la presedor de Ludovico. Setedes tones de bronze ia es reservada per lo. La monumento ia resta bruta tra alga anios, lo cual ia no es nonusual per Leonardo. En 1492, la model de la cavalo en arjila ia es completida. Sua grandia ia esede la sola du scultas cavaloral grande de la Renase, Gattamelata en Padua par Donatello e Bartolomeo Colleoni en Venezia par Verrocchio, e ia deveni conoseda como la "Gran Cavallo".[24][nb 7] Leonardo ia comensa crea desinias per la moldi de lo;[24] an tal, Michelangelo ia insulta Leonardo par implica ce el es noncapas de moldi lo.[14] En novembre 1494, Ludovico ia dona la bronze per usa per canones per defende la site de invade par Charles 8.[24]

A la comensa de la gera italian du en 1499, la soldatos franses ci ia es invadeda ia usa la model de arjila de grandia vera per la Gran Cavallo como un blanco de eserse. Cuando Ludovico Sforza ia es suvertida, Leonardo, con sua aidor Salai e sua ami, la matematiciste Luca Pacioli, ia fuji de Milano a Venezia,[37] do el ia es empleada como un arcitetor e injenior militar, inventante metodos per defende la site de ataca marinal.[14] Cuando el ia revade a Firenze en 1500, el e sua familia ia es invitadas de la monces de la ordinia de la servores de Maria a la monceria de Santissima Annunziata e ia es furnida con un laboreria do, diseda par Vasari, Leonardo ia crea la cartun de La Virjin e la Enfante con San Anna e San Joan Batiste, un obra cual ia gania tan amira ce "omes e femes, joven e vea" ia vade per vide lo "como si los es presente a un festa grande".[38][nb 8]

La mapa multe esata de Imola par Leonardo, creada per Cesare Borgia

En Cesena en 1502, Leonardo ia entra a la servi de Cesare Borgia, la fio de pape Alexandro 6, laborante como un arcitetor e injenior militar, e viajante tra Italia con sua sponsor.[37] Leonardo ia crea un mapa de la fortres de Cesare Borgia, un scema de la vila de Imola, per gania sua sponsoria. Mapas ia es estrema rara en esta tempo, e lo ia pare como un idea nova. Cuando el ia vide lo, Cesare ia emplea Leonardo como sua arcitetor e injenior militar xef. Plu tarda en la anio, Leonardo ia produi un plu mapa per sua sponsor, de la Val di Chiana en Toscana, per dona a sua sponsor un vista plu bon de la tera e un posa stratejial plu bon. El ia crea esta mapa en junta con sua otra projeta de construi un parario entre la mar e Firenze per permete ce un furni de acua susta la canal tra tota saisones.

Leonardo ia revade a Firenze, do el ia rejunta se a la Corpora de San Lucas en 18 otobre 1503. El ia spende du anios en desinia e pinti un depinta mural de la batalia de Anghiari per la Signoria,[37] con Michelangelo desiniante sua peso acompanial, la batalia de Cascina.[nb 9] En Firenze en 1504, el ia es un membro de un comite grupida per reloca la sculta de David par Michelangelo, contra la vole de la artiste.[42]

En 1506, Leonardo ia revade a Milano. Multe de sua seguores e aprendores la plu importante en depinta o ia conose el o ia labora con el en Milano,[14] inclui Bernardino Luini, Giovanni Antonio Boltraffio e Marco d'Oggiono.[nb 10] A esta ves, el ia comensa cisa un projeta per un figur cavaloral de Charles 2 d'Amboise, la governor franses de Milano.[43] Un model de sira survive, e si lo es autentica, lo es la sola esemplo esistente de sua sculta.

Leonardo no ia resta longa en Milano car sua padre ia mori en 1504, e en 1507 el ia es en Firenze per atenta solve problemes con sua frates sur la propria de sua padre. En 1508, Leonardo ia es en Milano, abitante en sua propre casa en Porta Orientale en la parocia de Santa Babila.[44]

Veia, 1513–19[edita | edita la fonte]

De setembre 1513 asta 1516, su pape Leo 10, Leonardo ia pasa multe de sua tempo abitante en la Cortile del Belvedere en la Vatican en Roma, do Rafaello Sanzio e Michelangelo Buonarroti ia es alora ativa.[44] En otobre 1515, re François 1 de Frans ia recatura Milano.[30] A 19 desembre, Leonardo ia es presente a la encontra de François 1 e pape Leo 10, cual ia aveni en Bologna.[14][45][46] Leonardo ia es encargada per crea per François un leon mecanical cual pote pasea a ante e abri sua peto per mostra un grupo de liles.[47][nb 11] En 1516, el ia entra a la servi de François. On ia dona a el la usa de la casa Clos Lucé, cual es aora un museo publica, prosima a la abiteria de la re a la Château d'Amboise real. El ia pasa ala la tre anios final de sua vive, acompaniada par sua ami e aprendor, conte Francesco Melzi, e suportada par un pension de 10 000 scudos.[44]

Clos Lucé en Frans, do Leonardo ia mori en 1519

Leonardo ia mori a Clos Lucé en 2 maio 1519. François 1 ia deveni un ami prosima de el. Vasari rejistra ce la re ia teni la testa de Leonardo en sua brasos en cuando el ia mori, ma esta nara, amada par la franseses e representada en depintas romantica par Ingres, Ménageot e otra artistes franses, como ance Angelica Kauffman, pote es un lejenda e no un fato.[nb 12] Vasari ia declara ce en sua dias final, Leonardo ia clama un prete per fa sua confesa e per reseta la sacramentos.[49] En acorda con sua atesta final, sesdes mendicores ia segue sua caxon funeral.[nb 13] Melzi ia es la eritor xef e esecutor, resetante, como ance mone, la depinta, utiles, biblioteca e posesedas personal de Leonardo. Leonardo ia recorda ance sua otra aprendor e acompanior longa, Salai, e sua servor Battista di Vilussis, de ci cada ia reseta un dui de la viterias de Leonardo. Sua frates ia reseta tera, e la fem ci ia atende el ia reseta un capa negra "de bon materia" con un borda de pelo.[nb 14][50] Leonardo da Vinci ia es enterada en la egleseta de San Hubert en la Château d'Amboise en Frans.

A sirca 20 anios pos la mori de Leonardo, la oror e scultor Benvenuto Cellini ia reporta ce François ia dise: "Nunca un otra om ia nase en la mundo ci ia sabe tan multe como Leonardo, no tan multe sur depinta, sculta e arciteta, como ce el ia es un filosofiste multe eselente".[51]

Relatas e influes[edita | edita la fonte]

Firenze: La esperias artiste e sosial de Leonardo[edita | edita la fonte]

La Portones de paradiso (1425-1452) par Lorenzo Ghiberti ia es un fonte de orgulo comunial. Multe artistes ia aida sua crea

Firenze en la tempo de la jovenia de Leonardo ia es la sentro de pensa e cultur umaniste cristian.[22] Leonardo ia comensa sua stajia su Verrocchio en 1466, la anio cuando la mestre de Verrocchio, la scultor eselente Donatello, ia mori. La depintor Paolo Uccelo, de ci sua esperimentas prima con perspetiva ia influe la developa de depinta de vistas, ia es alora un om multe vea. La depintores Piero della Francesca e Filippo Lippi, la scultor Luca della Robbia, e la arcitetor e scrivor Leon Battista Alberti ia es en sua desenios sete. La artistes susedosa de la jenera seguente ia es Verrocchio ci ia es la mestre de Leonardo, Antonio del Pollaiuolo, e la scultor de scultas personal Mino da Fiesole, de ci sua bustos vivin mostra la representas la plu fidable de Piero e Giovanni, la padre e tio de Lorenzo de Medici.[52][53][54][55]

La jovenia de Leonardo ia es pasada en un Firenze cual ia es ornada par la obras de esta artistes e par la contemporas de Donatello: Masaccio, de ci sua frescos ia es permeada con realisme e emosia, e Lorenzo Ghiberti, de ci sua Portones de paradiso, briliante con folia de oro, ia mostra la arte de combina composas de figures complicada con fondos detaliosa de arciteta. Piero della Francesca ia fa un studia detaliosa de perspetiva[56] e ia es la depintor prima ci ia fa un studia siensal de lus. Esta studias, e la tese De pictura[57] par Leon Battista Alberti ia ave un efeto profonda a artistes joven de la tempo, e spesial a la oservas e obras de Leonardo.[52][54][55]

La Espulsa de Eden par Massaccio, representante Adam e Eva nuda e turbada, ia crea un imaje potiosa espresosa de la forma umana, mostrada en tre dimensiones par la usa de claroscur cual Leonardo ia developa en sua obras en un modo cual ia influe la curso de depinta. La influe umaniste de "David" par Donatello pote es videda en la depintas tarda de Leonardo, spesial en San Joan Batiste.[52][53]

Imaje peti de dedica par Verrocchio, sirca 1470

Un tradision comun en Firenze ia es artes peti de altar mostrante la Virjin e Enfante. Multe de estas ia es creada en tempera o teracota glasada par la laborerias de Filippo Lippi, Verrocchio, e la familia produosa della Robbia.[52] La madonas prima de Leonardo, pe la Madona de la Cariofilo e la Madona Benois, ia segue esta tradision ma ia mostra diferes unica, spesial la Madona Benois en cual la Virjin es poneda a un angulo apoiada a la spasio de la imaje con la enfante Cristo a la angulo oposada. Esta tema composal ia emerji en la depintas tarda de Leonardo, pe La Virjin e la Enfante con San Ana.[14]

Leonardo ia es un contempora de Sandro Botticelli, Domenico Ghirlandaio e Pietro Perugino, de ci tota la tre ia es pico plu vea ca el.[53] El ia encontra los a la laboreria de Verrocchio, con ci los ia ave asosias, e a la Academia de la Medicis.[14] Botticelli ia es un om spesial prefereda par la Medicis, donce sua susede como un depintor ia es sertida. Ghirlandaio e Perugino ia es produosa e ia maneja laborerias grande. Los ia trae capas obras a clientes sasiada ci ia es grasiosa per la capasia de Ghirlandaio de representa la sitadanes rica de Firenze en frescos relijial grande, e la capasia de Perugino de representa un multia de santas e anjeles con dulsia e virtua nonerante.[52]

La Tritico Portinari, par Hugo van der Goes per un familia fiorentin

Esta tre omes ia es alga de la omes ci ia es encargada per depinta la mures de la Egleseta Sistina; la labora ia comensa cuando Perugino ia es empleada per lo en 1497. Leonardo no ia partisipa en esta encarga prestijiosa. Sua encarga prima sinifiosa, la Adora de la Majos per la monces de Scopeto, ia es nunca completida.[14]

En 1476, en la tempo ce Leonardo ia es asosiada con la laboreria de Verrocchio, la Tritico Portinari par Hugo van der Goes ia ariva en Firenze, cual ia trae tecnicas nova de depinta de Europa norde cual ia afeta profonda Leonardo, Ghirlandaio, Perugino, e otras.[53] En 1497, la depintor sisilian Antonello da Messina, ci ia depinta sola depintas de olio, ia viaja norde a Venezia, do la depintor la plu bon Giovanni Bellini ia adota la tecnica de depinta con olio; donce esta deveni rapida la metodo prefereda en Venezia. Leonardo ance ia visita Venezia a pos.[53][55]

Como la du arcitetores contempora Donato Bramante e Antonio da Sangallo la Vea, Leonardo ia esperimenta con desinias per eglesas cual on desinia sentral, alga de cual apare en sua jornales, an si on reali zero de los.[53][58]

Lorenzo de' Medici entre Antonio Pucci e Francesco Sassetti, con Giulio de' Medici, fresco par Ghirlandaio

La contemporas political de Leonardo ia es Lorenzo de' Medici (il Magnifico), ci ave tre plu anios, e sua frateta Giuliano, ci on ia mata en la Conspira de la Pazzi en 1478. On ia envia Leonardo como un ambasador par la corte de Medici a Ludovico il Moro, ci ia governa Milano entre 1479 e 1499.[53]

Con Alberti, Leonardo ia visita la casa de la Medicis, e par los el ia encontra la filosofistes umaniste plu vea, la xef de ci ia es Marsilio Ficino, un suportor de neoplatonisme; Cristoforo Landino, autor de comentas sur scrivedas clasica; e Ioannis Argiropoulos, ensenior de elinica e traduor de Aristotele. Ance asosiada con la Academia de la Medicis ia es un contempora de Leonardo, la poesiste e filosofiste joven briliante Giovanni Pico della Mirandola.[53][55][59] A pos Leonardo ia scrive en la marjin de un jornal, "La Medicis ia crea me e la Medicis ia destrui me." En cuando la atas de Lorenzo ia capasi Leonardo reseta sua emplea a la corte de Milano, on no sabe esata cual Leonardo ia intende con esta comenta misteriosa.[14]

An si on considera usual los como la tre grandes de la Alta Renase, Leonardo, Michelangelo, e Rafaello no ia es de la mesma jenera. Leonardo ia ave dudes-tre anios cuando Michelangelo ia nase e tredes-un cuando Rafaello ia nase.[53] Rafaello ia vive asta cuando el ia ave mera tredes-sete anios e ia mori en 1520, la anio ante Leonardo ia mori, ma Michelangelo ia continua crea per 45 plu anios.[54][55]

Vive personal[edita | edita la fonte]

En la vive de Leonardo, sua capasia estracomun de inventa, sua "belia fisical eselente", "sofistica infinita", "fortia e jenerosia grande", "spirito real e estende enorme de mente", como diseda par Vasari,[60] como ance tota otra aspetas de sua vive, ia atrae la curiosia de otras. Un tal aspeta ia es sua respeta per vive, evidenti par sua vejetalisme e par sua abitua, como diseda par Vasari, de compra avias cajida e relesa los.[61][62]

Desinia per un depinta de Isabella d'este (1500) Louvre

Leonardo ia ave multe amis ci aora es famosa en sua campos o per sua importa istorial. On de ci ia es la matematiciste Luca Pacioli,[63] con ci el ia colabora sur la libro De divina proportione en la desenio de 1490. Leonardo ia pare ave no relatas prosima con femes con eseta de sua amia con Cecilia Gallerani e la du sores d'Este, Beatrice e Isabella.[64] Cuando en un viaja cual ia prende el tra Mantova, el ia desinia un depinta personal de Isabella. On ia pare usa esta per crea un depinta, ma on ia perde la desinia.[14]

Esetante amia, Leonardo ia reteni sua vive privata como un secreta. Sua sesia ia es la sujeto de satira, analise, e divina. On ia comensa esta tende en la media de la sentenio 16 e on ia revide esta en la sentenios 19 e 20, notable la plu par Sigmund Freud.[65] La relatas de Leonardo la plu intima ia es cisa con sua aprendores Salai e Melzi. Melzi, cuando el ia scrive per informa la frates de Leonardo de la mori de Leonardo, ia descrive la sentis de Leonardo per sua aprendores como e amante e pasionosa. On ia dise de cuando la sentenio 16 cual esta relatas ia es sesal o erotica. Arcivos de corte de 1476, cuando Leonardo ia ave dudes-cuatro anios, mostra ce on ia acusa Leonardo e tre otra omes de sodomia en un aveni cual ia envolve un prostituida mas multe conoseda. On ia refusa la acusa par causa de un manca de indica, e on devina ce car un de la acusada, Lionardo de Tornabuoni, ia es un relatada de Lorenzo de' Medici, cual la familia ia forsa sua influe per securi la refusa.[66] De pos esta data, on ia scrive multe sur la omosesalia suposada de Leonardo e la rol esta ave en sua arte, spesial en la androjinia e eroticia mostra en San Joan Batiste e Baco, e plu clar en alga desinias erotica.[67]

Aidores e aprendores[edita | edita la fonte]

San Joan Batiste (a sirca 1513-16), Louvre. On pensa ce Leonardo ia usa Salaì como la model.

Gian Giacomo Caprotti da Oreno, nometada Salaì o Il Salaino ("La un peti e nonpur", pd la diablo), ia entra la casa de Leonardo en 1490. Pos sola un anio, Leonardo fa un lista de la pecetas de Salaì. Leonardo ia nomida el un "furor, un mentor, ostinosa, e un gloton" car el ia fura mone e valuadas en sinco veses separada e ia spende un monton de mone per vestes.[68] An tal, Leonardo ia regala el con favore grande, e el ia permane en la casa de Leonardo per tredes plu anios.[69] Salaì ia depinta alga depintas usa la nom Andrea Salai, ma an si Leonardo "ia ensenia el multe sur depinta",[70] on comun considera ce sua obras ave min valua artal ca otra de la aprendores de Leonardo, pe Marco d'Oggiono e Giovanni Antonio Boltraffio. En 1515, Salaì ia depinta un varia nuda de la Mona Lisa, nomida la Monna Vanna.[71] Salaì ia posese la Mona Lisa cuando el ia mori en 1525, e en sua atesta final on ia evalua lo a 505 liras, un valua spesial alta per un depinta personal peti.[72]

En 1506, Leonardo ia aseta un otra aprendor, conte Francesco Melzi, la fio de un aristocrata lombard, e on considera ce el ia es la aprendor la plu prefereda de Leonardo. El ia viaja a Frans con Leonardo e permane con el asta la mori de Leonardo.[14] Melzi ia erita la obras artal e siensal, manoscritos, e colies de Leonardo, e Melzi ia maneja la propria de Leonardo.

Depinta[edita | edita la fonte]

Anunsiasion (1475-1480) - Uffizi. On pensa ce esta es la obra completa ce Leonardo ia fini prima

An con la consensia e amira resente de Leonardo como un siensiste e inventor, per cuasi cuatrosento anios sua fama ia depende sur sua atenis como un depintor. Alga obras cual on ia autentici o atribui a el on ia considera como alga de la obras la plu bon de tota tempo. Esta depintas es famosa per un diversia de cualias ce studiantes ia imita multe e ce conosores e criticistes ia discute a longia grande. Ante fini de la desenio de 1490, on ja ia descrive Leonardo como un depintor "divin".[73]

Entre la cualias ce fa la unicia de la obras de Leonardo es sua tecnicas inovosa per pone la pinta; sua sabe detaliosa de anatomia, lus, botanica, e jeolojia; sua interesa en aspeta de fas e la modo en cual umanas mostra emosia en espresa e jesti; sua usa inovosa de la forma umana en composa nonastrata; e sua usa de gradasion sutil de tinje. Tota de esta cualias asembla en sua obras pintida la plu famosa, la Mona Lisa, la Come de Sera Ultima, e la Virjin de la rocas.[74]

Obras prima[edita | edita la fonte]

Depinta bruta de San Jeronimo (1480), Vatican

Leonardo ia deveni prima famosa per sua labora sur La Batiza de Cristo, cual el ia depinta con Verrocchio. Du otra depintas dati pare de cuando Leonardo ia es a la laboreria de Verrocchio, ambos de cual es anunsiasiones. Un es peti; lo ave 59 sentimetres (23 ditones) de longia e 14 sentimetres (5.5 ditones) de altia. Lo es un "predella" ce on debe pone a la basa de un composa plu grande, un depinta par Lorenzo di Credi, de cual on ia separa lo. La otra es un obra multe plu grande; lo ave 217 seintimetres (85 ditones) de longia.[75] En ambos de esta anunsiasiones, Leonardo ia usa un aranja formal, como du imajes bon conoseda par Fra Angelico de la sujeto mesma, cual es de la virjin Maria sentante o ajenante a la destra de la imaje; un anjel en profil con un veste lusosa e fluente, alas levada, e teni un lil, prosimi a el. An si on ia atribui la obra plu grande a Ghirlandaio en la pasada, aora on atribui comun lo a Leonardo.[76]

En la depinta plu peti, Maria regarda a via e plia sua manos en un jesti cual ia simboli sede a la vole de Dio. Par contrasta, Maria no es sedente en la depinta plu grande. La xica, un mesajor nonespetada ia interompe ci, pone sua dito en sua Biblia per reteni sua loca e alti sua mano en un jesti formal de saluta o surprende.[52] Esta fem joven calma pare aseta sua rol como la Madre de Dio, no con resinia ma con sertia. En esta depinta, Leonardo presenta la fas umaniste de la Virjin Maria, tal Leonardo ia reconose la rol de umanas en la incarne de Dio.[nb 15]

Depintas de la desenio de 1480[edita | edita la fonte]

Virjin de la rocas, National Gallery, London, mostra la interesa en natur cual Leonardo ia ave

En la desenio de 1480, Leonardo ia reseta du comisiones e ia comensa un otra obra cual ia es multe importante per composa. On nunca ia completi du de la tre, e la completi de la obra tre ia es tan longa ce lo ia es la sujeto de negosias longa sur sua completi e paia.

Un de esta depintas ia es San Jeronimo, cual Bortolon ia asosia con un periodo difisil de la vive de Leonardo, como mostrada par sua jornal personal: "Me ia pensa ce me ia aprende como me pote vive; me ia aprende sola como me pote mori."[14] An si on comensa apena la depinta, on pote vide la composa e lo es multe nonusual.[nb 16] San Jeronimo, como un repentor, es en la media de la imaje, cual on ia anguli pico diagonal e a alga grado de a supra. Sua forma ajenante ave un forma trapezial; el estende un braso a la borda esterna de la depinta e regarda a la otra dirije. J Wasserman ia mostra la lia entre esta depinta e la studias anatomial par Leonardo.[78] Sua simbol, un leon grande, senta en la fronte, la corpo e coda de cual formi un spiral duple traversante la basa de la spasio de la imaje. La otra cualia notable, cual on silueta la figur contra, es la vista concompleta de rocas ru.

La mostra osante de composa de figur, la cualias de la vista, e la drama personal apare ance en la obra bruta, la Adora de la Majos, cual ia es un comision per la monces de San Donato a Scopeto. Lo es un obra complicada, e lo es aprosima 250 x 250 sentimetres. Leonardo ia crea multe desinias e fa multe studias de perpara, incluinte un desinia detaliosa en perspetiva linial de la arciteta clasica ruinada cual formi un parte de la fondo. En 1482, Leonardo ia vade a Milano par la comanda de Lorenzo de' Medici afin gania la favore de Ludovico il Moro, e alora la depinta ia es abandonada.[13][76]

La tre de la obras importante de esta periodo es la Virjin de la rocas, cual ia es encargada en Milano per la Frateria de la Consepi sin Manxa. La depinta, cual ia es creada con la aida de la frates de Predis, ta pleni un arte complicada e grande de altar.[79] Leonardo ia eleje depinta un momento apocrifa de la bebia de Cristo en cuando la bebe San Joan Batiste, sur la proteje de un anjel, ia encontra la Familia Santa en la via a Egipte. La depinta mostra un belia strana en cuando la figures refinada ajena en adora sirca la bebe Cristo en un vista savaje de rocas rolante e acua jirante.[80] An cuanda la depinta es alga grande, sirca 200×120 sentimetres, lo no ave la complica ce la monces de San Donato ia encarga; lo ave mera cuatro figures en loca de sirca sincodes, e un vista rocosa en loca de detalias arcitetal. La depinta ia es finida ultima; en fato, du revisas de la depinta ia es finida: un ia resta a la egleseta de Frateria, en cuando Leonardo ia trae la otra a Frans. La frates no ia reseta sua depinta, e la familia de Predis no ia reseta sua paia asta la sentenio seguente.[24][37]

Depintas de la desenio de 1490[edita | edita la fonte]

La depinta la plu famosa par Leonardo en la desenio de 1490 es la Come de Sera Ultima, cual ia es encargada per la refetorio de la Soreria de Santa Maria delle Grazie en Milano. Lo representa la come final de Jesus e sua disiplos ante la catura e mori de Jesus, e mostra la momento esata pos Jesus ia dise "un de vos va tradi me", e la angusa cual esta declara ia crea.[24]

La novelor Matteo Bandello ia oserva Leonardo cuano Leonardo ia labora. El ia scrive ce en alga dias, Leonardo ia depinta entre la matini e la noti, sin pausa per come, e a pos no depinta per tre o cuatro dias.[81] Esta ia es estra comprende per la prior de la soreria, ci ia disturba el asta Leonardo ia demanda ce Ludovico interveni. Vasari ia descrive como Leonardo, ci ia es ajitada par sua capasia per depinta sufisinte la fases de Cristo e la trador Judas, ia informa la duxe ce el ta es obligada per usa la prior como sua model.[82]

Cuando lo ia es finida, on ia aclama la depinta como un obra mestral de desinia e representa, ma lo ia dejenera rapida; sento anios a pos, un regardor ia descrive lo como "ruinada completa".[83] Leonardo, en loca de usa la tecnica fidable de fresco, ia usa tempera sur un tera cual ia es xef jeso; esta ia resulta ce la surfas ia es afetable par mofo e floci.[84] An tal, la depinta resta como un de la obras de arte cual es la plu reproduida; copias ultra conta ia es creada en cada media, incluinte tapetos e cameos.

Depintas de la sentenio 16[edita | edita la fonte]

Mona Lisa o La Gioconda (1503-05/07)-Louvre, Paris, Frans

Un de la obras ce Leonardo ia crea en la sentenio 16 es la depinta personal conoseda como la Mona Lisa o "la Gioconda", la on ci rie. En la eda presente, lo es posible la depinta la plu famosa en la mundo. Sua fama es spesial la resulta de la surie evitante sur la fas de la fem; la cualia misteriosa de la surie es causa posible par la angulos de la boca cual es sutil ombrida e par la oios, tal ce on no determina la natur esata de la surie. La cualia ombrosa, par cual la obra es famosa, es nomida "sfumato", o la fuma de Leonardo. Vasari, ci on pesa ce el conose la depinta sola par reputa, ia dise ce "la surie ia es tan plasente ce lo pare divin en loca de umana; e aceles ci ia vide lo ia es merveliada per descovre ce lo ia es como vivente como la orijinal".[85][nb 17]

Otra cualias de la depinta es la vestes nondecorada, en cual la oios e manos ave no compete par otra detalias; la vista dramosa en cual la mundo pare en un state de flue; la colores suave; e la natur estrema suave de la tecnica depintal, cual usa olios como tempera e misca sur la surfas afin la brosis es nondistinguable.[nb 18] Vasari ia espresa la opina ce la metodo de depinta cual fa ce an "la mestre la plu serta ... despera e perde cor."[88] La state perfeta de manteni e la fato ce lo es no sinia de repara o surdepinta es rara en un depinta de panel de esta data.[89]

En la depinta La Virjin e la Enfante con San Ana, la composa ave denova la tema de figures en un vista, cual Wasserman ia descrive como "encantante bela"[90], e evoca la imaje de San Jeronimo cual ave la figur a un angulo apoiada. Esta depinta es nonusual par causa de la du figures cual es posada apoiada e supraponeda. Maria senta sur la jeno de sua madre, San Ana. El apoia a ante per restrinje la Enfante Cristo en cuanto la Enfante jua bruta con un oveta; esta es un sinia de sua sacrifia.[24] Esta depinta, cual ia es multe copiada, ia influe Michelangelo, Rafaello, e Andrea del Sarto,[91] e tra los, Pontormo e Antonio da Corregio. La modas en composa ia es adotada spesial par la depintores venezian Tintoretto e Paolo Veronese.

Depintas mural[edita | edita la fonte]

La batalia de Anghiari par Leonardo ia es un fresco cual ia es encargada en 1505 per la Salone dei Cinquecento (Salon de Sincosento) en la Palazzo Vecchio, Firenze. La sena sentral de esta ia imaji cuantro omes ci ia monta cavalos furiosa de gera en batalia per posese de un bandera, a la batalia de Anghiari en 1440. A la mesma ves, sua competor Michelangelo, ci ia completi resente sua David, ia es asiniada a la mur oposada. La sola cosa cual permane de la obra de Leonardo es un copia par Peter Paul Rubens, ma Maurizio Seracini crede ce on pote trova lo e ia pasa un vive intera xerca per lo. On permete a el per fora alga foras en un depinta mural en la Salone dei Cinquecento, Palazzo Vecchio, Firenze, e sua ecipo ia trova indica de un depinta de olio a su.[92][93]

Desinias[edita | edita la fonte]

Leonardo no ia es un depintor produosa, ma ia es un desinior multe produosa. El ia reteni jornales cual ia es plen de desinias peti e desinias detaliosa cual arcivo multe cosas cual ave sua interesa. En ajunta a la jornales, on ave multe studias per depintas, alga de pote es identifiada como perpara per obras como la Adora de la Majos e la Come de Sera Ultima.[94] La desinia cual ia es datida como la plu prima es un Vista de la Vale Arno, 1473, cual mostra la rio, la montes, Castel Montelupo e la teras cultivada a ultra en detalia grande.[14][94]

Alga de la plu famosa de sua desinias es la Om de Vitruvio, cual es un studia de la proportios de la corpo umana; la Testa de un anjel, per la Virjin de la rocas en la Louvre; un studia botanical de Stela de Betlehem; e un desinia grande (160×100 sentimetres) par creta negra sur paper colorida de La Virjin e la Enfante con San Anna e San Joan Batiste en la National Gallery, London.[94] Esta desinia mostra la tecnica sutil de tinje, sfumato, en la metodo de la Mona Lisa. On pensa ce Leonardo nunca ia crea un depinta de lo, e ce la similia la plu prosima es La Virjin e la Enfante con San Ana en la Louvre.[95]

Otra desinias de interesa inclui multe studias cual es refere comun a como "imajes esajerada" par causa de los pare es fundida sur oservas de modeles vivente, an si los es esajerada. Vasari ia dise ce si Leonardo ia vide un person con un fas interesante, el ia segue la person per la dia e oserva el.[96] Leonardo ia fa multe studias de omes joven e bela, cual on asosia comun con Salai, cual ave la cualia rara e amirada de fas nomida la "profil elinica".[nb 19] On contrasta comun esta fases con la fases de gerores.[94] Salai es comun imajida en vestes fantasin. On sabe ce Leonardo ia desinia spetaculos con cual estas pote es asosiada. Otra desinias, comun atendosa, mostra studias de cortinas. Un crese marcada en la capasia de Leonardo per desinia cortinas ia aveni en sua obras temprana. Un otra desinia cual on comun reprodui es un desinia macabre cual Leonardo ia desinia en Firenze en 1497. Esta mostra la corpo de Bernando Baroncelli, ci on ia pende en lia con la omiside de Giuliano, la frate de Lorenzo de' Medici, en la Conspira de Pazzi.[94] Con solidia nonpasionosa, Leonardo ia arcivi, en scrive ordinada mirorida, la colores de vestes cual Baroncelli ia porta cuando el ia mori.

Fama e reputa[edita | edita la fonte]

Notas basa[edita | edita la fonte]

  1. La plu de istoristes de arte atribui Leonardo con 15 obras importante de arte. La plu de estas es depintas sur panel, ma un es un depinta mural, un es un desinia grande sur paper, e du es obras en la grados prima de prepara. On ance ia atribui variosa alga otra obras a Leonardo.
  2. On rejistra sua nase en la jornal de sua avo padral Ser Antonio, como sitada par Angela Ottino della Chiesa en Leonardo da Vinci, e par Reynal e otras, Leonardo da Vinci (William Morrow and Company, 1956): "Un neto de me ia nase en 15 april, saturdi, tre oras a en la note". On ia rejistra la data en la calendario julian; considerante ce lo ia es tempo fiorentin e la reposa de sol ia es a 6:40 pm, tre oras pos la reposa de sol ia es a sirca 9:40 pm, cual ia es ancora 14 april par calcula moderna. La converti a la calendario de moda nova ajunta nove dias; donce Leonardo ia nase en 23 april seguenta la calendario moderna.[11]
  3. On ia sujesta ce Caterina ia es posible un sclavo de Asia sude-ueste "o a la min, de la Mediteraneo". Como diseda par Alessandro Vezzosi, xef de la Museo de Leonardo en Vinci, on ave confirma cual Piero ia posese un sclavo de Asia sude-ueste nomida Caterina. On alega ce la reconstrui de un impresa de dito demostra ce Leonardo ia ave sangue de Asia sude-ueste, como reportada par Falconi, Marta (12 desembre 2006) [1 desembre 2006]. "Experts Reconstruct Leonardo Fingerprint" (publici de novas). Washington Post. Associated Press. Retraeda en 6 maio 2013. La confirma, como declarada en la article, es ce 60% de persones con linias de familia de Asia sude-ueste comparti la motif de jiras ce on ia trova en la impresa reconstruida de dito. La article ance declara ce Simon Cole, profesor asosia de criminolojia, lege, e sosia a la Universia de California a Irvine, ia refuta la alega: "On no pote predise la raza de un person par esta tipos de avenis, spesial si on esamina sola un dito." Vide ance Hooper, John (12 april 2008). "Da Vinci's mother was a slave, Italian study claims". The Guardian (publici de novas). Retraeda en 16 agosto 2015.
  4. On descrive en detalia la "artes diversa" e capasias tecnical de laborerias de la eda media e de la Renase en la testo de la sentenio 12, On Divers Arts par Teofilo Presbiter e en la testo de la comensa de la sentenio 15, Il Libro Dell'arte O Trattato Della Pittui par Cennino Cennini.
  5. On pote dedui ce Leonardo ia junta se a la corpora par regarda la arcivo de paia en la arcivo de la corpora cual on fa a la Compagnia di San Luca (Corpora de San Lucas), Libro Rosso A, 1472-1520, Accademia di Belle Arti.[13]
  6. Esta obra es aora en la colie de la Uffizi, Desinia Numero 8P.
  7. On no ia moldi la sculta de Bartolomeo Colleoni par Verrocchio asta cuando 1488, pos la mori de Verrocchio, e pos Leonardo ia comensa ja labora sur la sculta per Ludovico.
  8. En 2005, on redescovre la studio en cuando la restora de un parte de un construida cual la Departe de jeografia militar ia ocupa per 100 anios.[39]
  9. On ia perde ambos de la obras. On sabe de la composa intera de la depintas par Michelangelo sola de un copia par Aristotole da Sangallo, 1542.[40] On sabe de la depinta par Leonardo sola de desinias comensal e alga copias de la sesion sentral, de cual la un la plu conoseda, e probable la min esata, es par Peter Paul Rubens.[41]
  10. On sabe de D'Oggiono partal per sua copias contempora de la Come de Sera Ultima.
  11. On no sabe per cual ves on ia crea la leon, ma on crede ce lo ia saluta la re cuando el ia entra a en Lyon e posible on usa lo per discutes de pas entre la re franses e pape Leo 10 en Bologna. On ia crea un recrea divinal de la leon cual on mostra aora en la Museo de Bologna.[48]
  12. En la dia cuando Leonardo ia mori, la re ia proclama un proclama real a Saint-Germain-en-Laye, cual ia es un viaja de du dias de Clos Lucé. On considera esta como confirma ce re François no ia es presente a la leto de mori de Leonardo. Contra esta, White indica en Leonardo: The First Scientist ce la re no ia suscrive la proclama.
  13. Esta ia es un lega carital car cada de la sesdes povres ia reseta un paia per lamentores seguente la acorda formal de la atesta final de Leonardo.
  14. La capa negra de materia de bon cualia ia es un ojeto ja preparada par la stofor, e la borda de pelo ia es un luso ajuntada. La posese de esta veste ia permete ce la manejor de casa de Leonardo ia pote atende la funeral en vestes "restetable" sin spende.
  15. Michael Baxandall ia lista 5 "states lodable" o reatas ce Maria ave a la presentia e proclama de la anjel. Estas es: Ansia, Refleta, Demanda, Sede, e Merita. En esta depinta, la disposa de Maria obedi zero de la tradisiones asetada.[77]
  16. Angelica Kauffman ia posese la depinta en la sentenio 18, e pos on ia trinxa lo. On ia trova la du partes xef en un bricabraceria e un sapateria, e on ia reuni los.[78] La partes esterna de la depinta es probable asente.
  17. Si Vasari ia vide la Mona Lisa es la sujeto de debate. La opina ce el no ia vide la depinta es fundida en la fato ce el ia descrive la Mona Lisa como ave suprasiles. Daniel Arasse en Leonardo da Vinci ia discute la posible ce Leonardo cisa ia depinta la figur con suprasiles cual ia es sutraeda a pos. (Los no ia es a la moda en la media de la sentenio 16.)[24] Pascal Cotte ia dise en 2007 ce, como diseda par sua analise de scanes de densia grande, la Mona Lisa ia ave suprasiles e siles cual ia es sutraeda a pos.[86]
  18. Jack Wasserman ia scrive de "la trata nonimitable de la surfases" de la depinta.[87]
  19. La "profil elinica" ave un linia reta entre la fronte e la punto de la nas, e un ponte de nas cual es spesial alta. Lo es un spesifada de multe scultas antica elinica.

Referes[edita | edita la fonte]

  1. White 1968, p 466
  2. Rumerman, Judy. "Early Helicopter Technology." Centennial of Flight Commission, 2003. Retraeda en 12 desembre 2010.
  3. Pilotfriend.com "Leonardo da Vinci's Helical Air Screw." Pilotfriend.com. Retraeda en 12 desembre 2010.
  4. 4.0 4.1 4.2 Gardner, Helen (1970). Art through the Ages. p 450–456.
  5. Rosci, Marco (1977). Leonardo. p 8.
  6. John Lichfield, "The Moving of the Mona Lisa", The Independent, 2 April 2005 (asededa 2012-03-09)
  7. On refere a la Om de Vitruvio como "iconin" (engles: "iconic") a la pajerias seguente e multe otras:Vitruvian Man, Fine Art Classics, Key Images in the History of Science; Curiosity and difference arcivida 30 janero 2009 a la Wayback Machine; "The Guardian: The Real da Vinci Code"
  8. Kaplan, Erez (1996). Roberto Guatelli's Controversial Replica of Leonardo da Vinci's Adding Machine. Arcivida de la orijinal en 29 maio 2011. Retraeda en 19 agosto 2013.
  9. Capra, p 5–6
  10. Regarda la sitas de la autores seguente, en la parte Fama e reputa: Vasari, Boltraffio, Castiglione, "Anonimo" Gaddiano, Berensen, Taine, Fuseli, Rio, Bortolon.
  11. 11.0 11.1 Vezzosi, Alessandro (1997). Leonardo da Vinci: Renaissance Man.
  12. 12.0 12.1 On rejistra la nase de Leonardo en la jornal personal de sua avo padral Ser Antonio, como sita par Angela Ottino della Chiesa en Leonardo da Vinci, p 83
  13. 13.0 13.1 13.2 13.3 13.4 13.5 della Chiesa, Angela Ottino (1967). The Complete Paintings of Leonardo da Vinci. p 83.
  14. 14.00 14.01 14.02 14.03 14.04 14.05 14.06 14.07 14.08 14.09 14.10 14.11 14.12 14.13 14.14 14.15 Bortolon, Liana (1967). The Life and Times of Leonardo. London: Paul Hamlyn.
  15. Margherita (da Vinci) en: geni.com [retraeda en 15 junio 2016].
  16. Lucrezia Cortigiani en: geni.com [retraeda en 15 junio 2016].
  17. Rosci, p 20.
  18. 18.0 18.1 Magnano, p 138.
  19. Rosci, p 21.
  20. Brigstoke, Hugh (2001). The Oxford Companion the Western Art. Oxford, ENG, UK.
  21. Vasari, Giorgio (1568). Lives of the Artists. Penguin Classics. p 258–59.
  22. 22.0 22.1 Rosci, p 13
  23. Leonardo da Vinci – Encarta (copiada) Retraeda en 8 novembre 2015
  24. 24.00 24.01 24.02 24.03 24.04 24.05 24.06 24.07 24.08 24.09 Arasse, Daniel (1998). Leonardo da Vinci.
  25. Rosci, p 27
  26. Martindale, Andrew (1972). The Rise of the Artist.
  27. Vasari, p 258
  28. della Chiesa, p 88
  29. Priwer, Shana; Phillips, Cynthia (2006). The Everything Da Vinci Book. p 245.
  30. 30.0 30.1 Wasserman, Jack (1975). Leonardo da Vinci. p 77–78.
  31. Winternitz, Emanuel (1982). Leonardo Da Vinci As a Musician.
  32. Rossi, Paolo (2001). The Birth of Modern Science. p 33.
  33. "Leonardo's Letter to Ludovico Sforza". Leonardo-History. Retraeda en 5 janero 2010.
  34. Kemp, Martin (2004). Leonardo.
  35. Franz-Joachim Verspohl, Michelangelo Buonarroti und Leonardo Da Vinci: Republikanischer Alltag und Künstlerkonkurrenz in Florenz zwischen 1501 und 1505 (Wallstein Verlag, 2007), p. 151.
  36. Codex II, 95 r, Victoria and Albert Museum, como sitada par della Chiesa p 85
  37. 37.0 37.1 37.2 37.3 della Chiesa, p 85
  38. Vasari, p 256
  39. Owen, Richard (12 janero 2005). "Found: the studio where Leonardo met Mona Lisa". London: The Times. Retraeda en 5 janero 2010.
  40. Goldscheider, Ludwig (1967). Michelangelo: paintings, sculptures, architecture. Phaidon Press. ISBN 978-0-7148-1314-1.
  41. della Chiesa, p 106–107
  42. Gaetano Milanesi, Epistolario Buonarroti, Florence (1875), como sitada par della Chiesa.
  43. "Achademia Leonardi Vinci". Journal of Leonardo Studies & Bibliography of Vinciana. VIII: 243–244. 1990.
  44. 44.0 44.1 44.2 della Chiesa, p 86
  45. Georges Goyau, François I, Transcriveda par Gerald Rossi. The Catholic Encyclopedia, Volume VI. Publici en 1909. New York: Robert Appleton Company. Retraeda en 4 otobre 2007
  46. Miranda, Salvador (1998–2007). "The Cardinals of the Holy Roman Church: Antoine du Prat". Retraeda en 4 otobre 2007.
  47. Vasari, p 265
  48. "Reconstrui de la leon paseada par Leonardo" (en italian). Retraeda en 5 janero 2010.
  49. Vasari, p 270
  50. "Leonardo's will". Leonardo-history. Retraeda en 28 setembre 2007.
  51. Lucertini, Mario; Gasca, Ana Millan; Nicolo, Fernando (2004). Technological Concepts and Mathematical Models in the Evolution of Modern Engineering Systems. Birkhäuser. ISBN 978-3-7643-6940-8. Retraeda en 3 otobre 2007.
  52. 52.0 52.1 52.2 52.3 52.4 52.5 Hartt, Frederich (1970). A History of Italian Renaissance Art. p 127–333.
  53. 53.0 53.1 53.2 53.3 53.4 53.5 53.6 53.7 53.8 Rosci, Leonardo, capitol 1, the historical setting, p 9–20
  54. 54.0 54.1 54.2 Brucker, Gene A. (1969). Renaissance Florence.
  55. 55.0 55.1 55.2 55.3 55.4 Rachum, Ilan (1979). The Renaissance, an Illustrated Encyclopedia.
  56. Piero della Francesca, De Prospectiva Pingendi (De la perspetiva de depinta)
  57. Leon Battista Alberti, De Pictura, 1435. On Painting, en engles, De Pictura, en latina
  58. Hartt, p 391–92
  59. Williamson, Hugh Ross (1974). Lorenzo the Magnificent.
  60. Vasari, p 253
  61. Vasari, p 257
  62. Müntz, Eugène (1898). Leonardo da Vinci. Artist, Thinker, and Man of Science. Volume 1. London: William Heinemann. p 17.
  63. Bambach, Carmen (2003). "Leonardo, Left-Handed Draftsman and writer". New York: Metropolitan Museum of Art. Arcivida de la orijinal en 10 novembre 2009. Retraeda en 18 otobre 2009.
  64. Cartwright Ady, Julia. Beatrice d'Este, Duchess of Milan, 1475–1497. Publicor: J.M. Dent, 1899; Cartwright Ady, Julia. Isabella D'Este, Marchioness of Mantua, 1474–1539. Publicor; J.M. Dent, 1903.
  65. Sigmund Freud, Eine Kindheitserinnerung des Leonardo da Vinci, (1910)
  66. How do we know Leonardo was gay? Bnl.gov. 3 maio 2001. Retraeda 29 otobre 2011.
  67. Michael Rocke, Forbidden Friendships epigraf, p 148 & N120 p 298
  68. Leonardo, Codex C. 15v, Institut de Frans. Tradui a en engles par Richter
  69. della Chiesa, p 84
  70. Vasari, p 265"
  71. Gross, Tom. "Mona Lisa Goes Topless". Paintingsdirect.com. Arcivida de la orijinal en 3 april 2007. Retraeda en 27 setembre 2007.
  72. Rossiter, Nick (4 julio 2003). "Could this be the secret of her smile?" Daily Telegraph. London. Retraeda en 3 otobre 2007.
  73. Daniel Arasse discute la fama de Leonardo en Leonardo da Vinci, p 11–15
  74. Frederick Hartt discute esta cualias de la obras de Leonardo en A History of Italian Renaissance Art, p 387–411.
  75. della Chiesa, p 88, 90
  76. 76.0 76.1 Berti, Luciano (1971). The Uffizi. p 59–62.
  77. Baxandall, Michael (1974). Painting and Experience in Fifteenth Century Italy. p 49–56.
  78. 78.0 78.1 Wasserman, p 104–6
  79. Wasserman, p.108
  80. "The Mysterious Virgin." National Gallery, London. Retraeda en 27 September 2007.
  81. Wasserman, p.124
  82. Vasari, p.263
  83. della Chiesa, p.97
  84. della Chiesa, p.98
  85. Vasari, p.267
  86. "The Mona Lisa had brows and lashes". BBC News. 22 otobre 2007. Retraeda en 22 febrero 2008.
  87. Wasserman, p. 144
  88. Vasari, p.266
  89. della Chiesa, p.103
  90. Wasserman, p.150
  91. della Chiesa, p.109
  92. "A High-Tech Hunt for Lost Art." The New York Times. 6 October 2009. Retraeda en 19 March 2016.
  93. "The Secret Lives of Paintings." (leson) 2012.
  94. 94.0 94.1 94.2 94.3 94.4 Popham, A.E. (1946). The Drawings of Leonardo da Vinci.
  95. della Chiesa, p. 102
  96. Vasari, p. 261

Lias esterna[edita | edita la fonte]