Jeometria

De Vicipedia

Jeometria (de elinica antica γεωμετρία; geo- "tera", -metron "mesura") es la campo de matematica cual studia la cualias e relatas de puntos, linias, surfases, solidas, e analojas en dimensiones plu alta.

Istoria[edita | edita la fonte]

Teorem de Pitagora: a2 + b2 = c2

Jeometria ia comensa como la are de mesura la forma de tera per es divideda justa entre persones. La parola "jeometria" sinifia "mesura la tera". Lo ia developa de esta per deveni un de la ramos plu importante de matematica. La matematiciste elinica Euclide ia scrive la libro un sur jeometria. Jeometria es un de la ramos plu antica de matematica.

Matematicistes indian ia fa contribuis importante a jeometria. La Satapatha Brahmana (sentenio 3 aec) conteni regulas per construidas jeometrial ritual cual es simil a la sutras Sulba. Seguente Hayashi 2005, p. 363, la sutras Sulba conteni la "espresa verbal esistente plu temprana de la teorem de Pitagora en la mundo, an si la es conoseda par la babilonianes antica". Brahmagupta ia scrive sua obra astronomial Brāhma Sphuṭa Siddhānta en 628. La capitol 12, con 66 linias en sanscrito, ia es divideda en du partes: "operas fundal" e "matematica pratical".

En la eda medieval, la matematica en islam medieval ia contribui a la developa de jeometria, spesial la jeometrial aljebral. Alga matematicistes muslim medieval ia es Al-Mahani (n 853), Thābit ibn Qurra (conoseda como Thebit en latina) (836–901), Omar Khayyam (1048–1131) e Ibn al-Haytham (Alhazen).

Ramos[edita | edita la fonte]

  • Jeometria pratical
  • Jeomatria axiomal
  • Jeometria diferensial
  • Jeometria aljebral
  • Jeometria euclidal: La majoria de nasiones inclui la studia de puntos, angulos, triangulos, similia, sirculos e jeometria analisal en sua cursos instrual obligante. La jeometria euclidal ance ave aplicas en informatica e alga ramos de la matematica moderna.

Consetas fundal[edita | edita la fonte]

La seguente es un de la consetas la plu importante en jeometria:

  • Axiomes
  • Puntos
  • Linias
  • Planas
  • Angulos
  • Curvas
  • Surfases
  • Varias
  • Dimension
  • Simetria
  • Jeometria noneuclidal