Carl Friedrich Gauss

De Vicipedia
Jump to navigation Jump to search
Un depinta de Gauss par Christian Albrecht Jensen, 1840
Un sculta de Gauss a Braunschweig

Johann Carl Friedrich Gauss (30 april 1777 - 23 febrero 1855) ia es un matematiciste e fisiciste deutx ci ia contribui sinifiante a multe campos en matematica e siensa. A veses nomida Pinceps mathematicorum ("la prima de matematicistes") e "la matematiciste la plu grande pos anticia".

Gauss ia nase a 30 april 1777 en Braunschweig ("braunxvaig"), en lo cual es aora Sachsen Basa, Deutxland. Sua jenitores ia es laborores povre. Sua madre ia es nonalfabetiste e ia memori nunca la data de la nase de sua fio, recordante sola ce el ia nase a mercurdi, oto dias ante la festa de la asende (39 dias pos pascua). Gauss ia solve esta rompetesta par developa metodos per computa la data en cualce anio. El ia es batizada e confirmada en un eglesa prosima la scola cual es ia atende como un enfante.

Gauss ia es un enfante talentosa. On ave multe recontas sur sua maturia temprana, e el ia fa sua descovres matematical prima cuando ancora un adolesente. El ia completa sua obra mestral, Disquisitiones Arithmeticai en 1798, cuando el ave sola 21 anios (an si lo no ia es publicida asta 1801). Esta obra ia es fundal en solidi la teoria de numeros como un campo, e es sinifiante a la campo asta oji.

La Duxe de Braunschweig ia dona un suveni per la Collegium Carolinum a Gauss, do el ia atende de 1792 a 1795. Pos esta, Gauss ia atende la Universia de Gottingen, de 1795 a 1798.

Sua laboras ia contribui sinifiante a la teoria de numeros, jeometria diferensial, jeometre, magnetica, astronomia, e otica. Plu tarda en sua vive, Gauss ia sesa sua rexerca sur matematica pur e ia turna a fisica. El ia rexerca eletromagnetia e ia construi un telegraf eletrica temprana.

A 23 Febrero 1855, Gauss ia mori de un ataca de cor en Gottingen. El es enterada en la Semetero Albani ala.