Teorem de Pitagora

De Vicipedia
Jump to navigation Jump to search
La teorem de Pitagora
La cuadro de la ipotenusa (c) es egal a la soma de la cuadros de la otra du lados (a e b).

En matematica, la teorem de Pitagora es un relata fundal en la jeometria euclidal entre la tre lados de un triangulo reta. Lo dise ce la cuadro de la ipotenusa (la lado cual fasa la angulo reta) es egal a la soma de la cuadros de la otra du lados. La teorem pote es scriveda como un egali relatante la longia de la lados a, b e c, frecuente nomida la "egali pitagoral":

do c representa la longia de la ipotenusa e a e b la longia de la otra du lados de la triangulo.

An si lo es frecuente disputada ce la conose de la teorem presede lo, la teorem es nomida per la matematiciste elinica antica Pitagora (s 570–495 aec), car la tradision atribui a el la prima demostra rejistrada. On ave atestas ce la matematicistes babilonian ia comprende la formula, an si poca indica un aplica en un strutur matematical. Ance matematicistes mesopotamian, barati e xines ia descovre la teorem de forma autonom e, en alga casos, ia furni demostras per casos spesial.

La teorem ave demostras diferente – cisa plu ca cualce otra teorem matematical. Los es multe diversa, incluinte demostras jeometrial e aljebral, con alga veninte de mil anios ante aora. La teorem pote es jeneralida en formas variosa, incluinte spasios cual no es euclidal, ojetos cual no es triangulos reta, e an ojetos cual no es triangulos.

La teorem de Pitagora ia atrae atende estra la matematica como simbol de potia inteletal e referes a lo abunda en leteratur, animas e cantas.

En tota triangulo reta la cuadro de la ipotenusa es egal a la soma de la cuadros de la catetos.