Istoria de Mesopotamia antica

De Vicipedia
Jump to navigation Jump to search
Mapa de Mesopotamia, con la sites antica indicada con leteras apoiada e tre puntos

La istoria de Mesopotamia ia comensa en la periodo paleolitica, en cual scrive ia comensa con la pitografia de la periodo de Uruc cuatro (sirca la milenio cuatro aec), e la arcivo de avenis istorial real, cual comensa en la milenio tre aec media con scrives cuneoforma de la res temprana. De estas a la sentenio sete ec con la institui de la califia, a cual on debe comensa usa la nom "Irac", la area ia ave statos entre la plu antica, bon developada, e sosial complicada en la mundo.

La rejion ia es un de cuatro sivilias cual ia developa longo rios, con la vale de la rio Nil en Egipte, la sivilia de la vale de la rio Indo en la sucontinente de India, e la rio Jala en Xina. Mesopotamia ia incui sites importante como Uruc, Nipur, Ninive, Asur, e Babilon, e ance statos teritoria como la site de Eridu, la renas Acadian, la dinasia tre de UR, e la Imperos Asirian. Alga de la xefes istorial importante inclui Ur-Nammu (re de Ur), Sargon de Acad (ci funda la Impero Acad), Hammurab (ci institui la stato de Babilonia vea) Axur-uballit du e Tiglath-Pileser un (ci ia institui la Impero Asirian).

Siensistes ia analise ADN de la restas de cultivores temprana de 8000 anios pasada, trovada a un semetero antica en Deutxland. Los ia compara los con los de popla moderne, e ia trova similias con la ADN de popla ci vive en Turcia e Irac oji.

Periodes[edita | edita la fonte]

Preistoria e protoistoria

  • Preseramica neolitica A (10,000 – 8700 aec)
  • Preseramica neolitica B (8700 – 6800 aec)
  • Cultures de Hassuna (~6000 – ? aec, Samarra (~5700 – 4900 aec), e Halaf (~6000 – 5300 aec)
  • Periodo de Ubaid (~5900 – 4400 aec)
  • Periodo de Uruk (~4400 – 3100 aec)
  • Periodo de Jemdet Nasr (~3100 – 2900 aec)

Eda de bronze temprana

  • Periodo dinastial temprana (~2900 – 2350 aec)
  • Impero de Acad (~2350 – 2100 aec)
  • Dinastia tre de Ur (2112 – 2004 aec)
  • Rena Asirian temprana (sentenio 24 - 18 aec)

Eda de bronze media

  • Babilonia temprana (sentenio 19 - 18 aec)
  • Dinastia prima babilonian (sentenio 18 - 17 aec)
  • Eruta minoan (~1620 aec)

Eda de bronze tarda

  • Periodo asirian vea (sentenio 16 - 11 aec)
  • Periodo asirian media (~1365 BC–1076 aec)
  • Casis en Babilon (~1595 BC–1155 aec)
  • Colasa de la Eda bronze tarde (sentenio 12 - 11 aec)

Eda de fero

  • Statos siro-hitita (sentenio 11 - 17 aec)
  • Impero neoasirian (sentenio 10 - 7 aec)
  • Impero neobabilonian (sentenio 7 - 6 aec)

Anticia clasica

  • Babilonia persian, Asiria acemenan (sentenio 6 - 4 aec)
  • Mesopotamia seleucan (sentenio 4 - 3 aec)
  • Babilonia partian (sentenio 3 aec - 3 ec)
  • Osroene (sentenio 2 aec - 3 ec)
  • Adiabene (sentenio 1 - 2 ec)
  • Hatra (sentenio 1 - 2 ec)
  • Mesopotamia roman (sentenio 2 - 7 ec), Asiria roman (sentenio 2 ec)

Anticia tarde

  • Impero de Palmira (sentenio 3 ec)
  • Asoristan (sentenio 3 - 7 ec)
  • Eufratense (sentenio 4 media - 7 ec)
  • Concista muslim (sentenio 7 media ec)

Detalias[edita | edita la fonte]

En la milenio cuatro aec, la evidentes prima per cual es un cultur reconosable per la mesopotamianes pote es notada con la inventa de scrive ala, sirca 3500 aec.

La popla de Mesopotamia ia es orijinal de du grupos: la parlores de acadian, un lingua semitica, plu tarde divideda entre asirianes e babilonianes; e la popla de Sumer, ci parla sumer, un lingua isolada. Esta poplas ia es membros de site-statos variosa e peti renas. La sumerianes ia mostra la arcivos prima, e los es probable la fundores de la sivilia de la periodo Ubaid (6500 a 3800 aec) en Mesopotamia norde. A la edas istorial, los ia abitua Mesopotamia sude, cual ia es conoseda como Sumer (e plu tarde, Babilonia), e ia influe multe la parlores de acadian e sua cultur. La acadianes ia entra la rejion entre 3500 e 3000 aec, con nomes acadian aparente prima en la listas de res de esta statos sirca la sentenio 29 aec.

La sumerianes ia es avansada: en ajunta a inventa scrive, los ia inventa ance formas temprana de matematica, veculas con rotas, astronomia, astrolojia, codigos legal, medica organizada, cultiva avansada, arciteta, e la calendrio. Los ia crea la site-statos prima como Uruc, Ur, Lagax, Isin, Cix, Uma, Eridu, Adab, Acxac, Sipar, Nipur, e Larsa, cada renada par un ensi (governor). La sumerianes ia resta dominante en esta cultur sinteseda asta la comensa de la Impero Acadian su Sargon de Acad en sirca 2335 aec, cual unida tota de Mesopotamia su un renor.

La cultures e relijios de Sumer e Acad ia sintese con lunlotra, con la acadianes tipal preferente per adora poca dios, ma levante los a nivels alta de potia. Sargon de Acad estende sua Impero a Iran antica, la Levante, Anatolia, Canan, e Arabia. La impero ia resta per du sentenios ante colasa de declina economial, nonacorda interna, e atacas de la norde-este par la popla gutian.

Seguente un revive corte de la sumerianes con la dinastio tre de Ur (o la Impero Neosumerian), Mesopotamia ia rompe en un cuantia de statos acadian. Asiria ia evolui en la sentenio 25 aec, e comensa mostra se en la norde sirca 2100 aec en la Impero Asirian vea, e Mesopotamia sude ia frati se en un grupo de renas peti, con Larsa e Exuna la plu grande de los.

En 1894 aec, la stato minor de Babilon ia es fundida en la sude par la popla invadente, la amorianes semitica. A alga tepo pos esta periodo, la sumerians ia es asorbeda en la popla ci parla acadian.

Sirca 1750 aec, la renor amorian de Babilon, re Hamurabi, ia concista la plu de Mesopotamia, ma sua Impero ia colasa pos sua mori, e Babilonia ia es reduida a la stato peti denova. La dinastia amorian ia es desponeda en 1595 aec pos atacas par un popla cual ia abita la montes Agros, la casianes, ci ia deveni la renores de Babilon per plu ca 500 anios.

Asiria, cual ia es la potia dominante en la rejion con la Impero Asirian vea entre la sententios 20 e 18 aec ante la alti de la Hamurabi, ia deveni denova un potia major con la Impero Asirian media (1391 - 1050 aec). Asiria ia defeta la hitites e mitanis, e sua potia cresente ia forsa la rena nova de Egipte per retira de Asia ueste.

La Impero Asirian nova (911 - 605 aec) ia es la potia la plu dominante sur tera e la impero la plu grande ce la mundo ia vide entre la sentenio 10 aec e 7 tarde aec, con un impero cual estende de la Caucasos en la norde a Nubia, Egipte, e Arabia en la sude, e de Cipros a la ueste a Iran a la este. Lo sperde la cultur e relijio mesopotamian tra la tota areal su tan imperores com Axurbanipal, Tuculti-Ninurta du, Tiglat-Pileser tre, Xalmaneser cuatro, Sargon du, Senecerib, e Esarhadon. En la impero, asirian ia deveni la lingua franca. La arcivos scriveda final en acadian ia es testos astrolojial de 78 ce, descovreda en Asiria.

La imperia cade entre 612 e 599 aec pos un periodo de gera interna sever en Asiria cual estende pronto a Babilonia, afin Mesopotamia ia es en un stato de caos. Un Asiria debilida ia es atacada par un alia de popla cual ia es vasales asta alora: la babilonianes, caldeanes, medes, scitianes, persianes, sagartianes, e cimerianes comensante en 616 aec. Estas ia es gidada par Nabopolasar de Babilon e Ciaxares de Media e Persia. Ninive ia es sacada en 612 aec, Haran ia cade en 608 aec, Carcemix en 605 aec, e la presentia final de la dirijores imperial de Asiria ia desapare de Dur-Catimu par 599 aec.

Babilon ia ave un flori tarde e corta de potia e influe, prima sur la dinastia caldean, cual prende control de un parte grande de la impero cual ia es controlada par sua relatas en la norde. Ma la re final de Babilonia, Nabonido, un asirian, ia atenda pico a politicas, preferente adora la dio lunal Sin, e permete ce sua fio Belxazar ta rena. Esta e la fato ce la persianes e medes a la este ia es cresente con potia pos la asentia de Asiria, ia es la fini per potia nativa en Mesopotamia. La Impero Acemenan ia concista la Impero Babilonian nova en 539 aec, pos cual la caldeanes ia desapare de istoria, an si la popla mesopotamian, con sua cultur e relijio, ia continua.

La Impero Acemenan rena la rejion de 539 a 332 aec, renada par Ciro la grande. Esta ia fini la domina de tre milenio par la semites en Asia ueste. La persianes ia mantenida la cultur nativa, e Asiria e Babilon continua sua esiste plu poca. Asiria ia rebela contra Persia en 522 e 482 aec. En esta periodo, la lingua e alfabeta suri ia evolui en Asiria e ta es la veculo de cristianisme suri tra Asia ueste.

Du sentenios plu tarde, en 330 aec, la imperor elinica de Macedonia antica, Alexandro la grande ia vinse la persianes e prende control de tota Mesopotamia. Pos la mori de Alexandro, la Impero Seleucan ia crese la influe eleniste. Asiria e Babilonia ia deveni plu tarde provinses su la Imperos Partian, Roman, e Sasanan.

En la Impero Partian, Asiria ia esperi un revive major en la sentenio du aec e cuatro ec, con templos denova dedicada a dios como Axur, Sin, Xamax, Hadad, e Ixtar. La statos asirian ia dura asta la concista par la Arabi muslim en la sentenio sete ec.