Cultur Iamna

De Vicipedia
Jump to navigation Jump to search
Un mapa de la cultur Iamna

La cultur de Iamna (de ucrainsce Ямна, "caveta") ia es un cultur de la eda de cupre tarde a la eda de bronze temprana, en la rejion entre la rio Bug sude, rio Dniester, e rio Ural (pd, la stepe Pontica), 3300 - 2600 aec. La nom refere a sua tradision tipal de entera: un caveta simple covreda como un colina peti, nomida un curgan.

La popla de la cultur Iamna ia es probable un misca entre la eurasianes norde de Sibir e un popla de Asia sude-ueste, relatada a la cultivores de la neolitica temprana de la Caucasos o Iran norde. La cultur material es multe simil a lo de la cultur de Afanasevo en la montes Altai, de cual la popla no es jenetical distinguable.

Los es ance liada a cultures plu tarde cual ia estende tra Europa e Asia sentra, spesial la cultur de vasos cordida, ma ance la cultur de vasos campanin e la cultures Sintaxta, Andronovo, e Srubna. En esta grupos, partes de la cultur Iamna - la monta de cavalos, la stilos de entera, e a alga estende la economia pastoral. Studies jenetical ia indica ance ce esta poplas ia comparti partes grande de sua asendentes de la stepes.

En la teoria la plu asetada, la cultur es identifiada con la popla e la teritoria orijinal de la protoindoeuropeanes (vide Marija Gimbutas).

Orijina[edita | edita la fonte]

La cultur Iamna ia orijina en la area de la rio Don e rio Volga, de 3300 a 2600 aec. Lo ia es presededa par la cultur Hvalinske de la volga media e la cultur Repin (sirca 3950 - 3300 aec). Vasos de esta cultures es multe simil a los de vasos de Iamna. En la ueste, lo ia es segueda par la cultur de catacombas (2800 - 2200 aec); en la este, par la cultur Poltavca (2700 - 2100 aec). Esta du cultures ia es sequeda par la cultur Srubna (1800 - 1200 aec).

Algas (pe David W. Anthony) crede ce la cultur ia estende rapida entre 4000 e 3200 aec, pos la inventas de la monte de cavalos, cual permete ce la popla manaje manadas multe plu grande de bestias, e vagones cual pote transporta familias intera de un pasto a un otra. Plu, los ia developa un strutur sosial e political per manaje esta tribus estendeda (Pavel Dolukhanov). Estas alora permete la contata entra tribus de poplas variosa, posible incluinte poplas uralic, turcica, etc.

Fabricadas[edita | edita la fonte]

Fontes[edita | edita la fonte]

  • Anthony, David W. (2007), The Horse, The Wheel and Language: How Bronze-Age Riders from the Eurasian Steppes Shaped the Modern World, Princeton, NJ: Princeton University Press, ISBN 978-0-691-14818-2
  • Dolukhanov, Pavel M. (1996), The Early Slavs: Eastern Europe from the Initial Settlement to the Kievan Rus, New York: Longman, ISBN 0-582-23627-4