Rio Ural

De Vicipedia
Jump to navigation Jump to search
La Rio Ural, prosima a la Mar Caspio en Cazacstan
Un mapa de la basin de la Rio Ural

La Rio Ural (rusce: Урал) es un rio cual flue tra Rusia e Cazacstan. Lo orijina en la Montes Ural sude e esflue en la Mar Caspio. Lo es 2428 km longa e es la rio tre de longia en Europa, pos la Rio Volga e la Rio Danubio. La estende completa es tradisional videda como la borda entra la continentes de Europa e Asia.

La rio ia es orijinal nomida la Iaic (turcica: Яик). Lo ia es renomida la Ural en 1775 par Ecaterina 2, Tsarina de Rusia, per cansela la memoria de la geras de rebela par la cozaces de la area.

La pantanes prosima la estuario de la Rio Ural es importante per avias migrante como un loca tempora longo la via volante asian. Los inclui multe spesies nativa e menasada, como pelicanes, becospatulines, patos, ibises, gavotas, erones, grus, etc. En areas plu norde, on pote trova fasianes galin, pijones, e perdises.

La rio es ance importante per multe spesies de pex de la Mar Caspio cual visita la delta e migra contra la flue per reprodui. Pexes inclui carpas, sturiones, arenges, percas, e salmones.

La delta e rejiones prosima es abitada par sirca 48 spesies de animales. La plu comun es rodentes (21 spesies) e xasores (12 spesies). Entre los es la cirotero serotina, e la vorela, un relata de la mustelin. Ance presente es la canes prosionin, muses, ratas, lepres, e senglares. On pote trova ance alces, volpes, e lupos. Un cavalo nativa, la culan (Equus hemionus kulan) es abita la area, ma es probable estinguida.