Cultur de catacombas

De Vicipedia
Jump to navigation Jump to search

La cultur de catacombas (sirca 2800-2200 aec) es un grupo de cultures relatada en la Eda de Bronze temprana, locada aprosima en Ucraina este e Rusia sude de oji.

La cultur ia aplica decoras de cordas impresada en sua vasos, e mostra un usa suprapasante de la axa de gera briliada, cual indica un lia a la ueste. Paraleles con la cultur Afanasevo, incluinte deformas de la cranio, indica un lia a la este. Lo ia es presededa par la cultur Iamna. La cultur de catacombas en la stepe este ia es susededa en la ueste par la cultur de vasos multicordida de sirca la sentenio 22 aec, e la cultur Srubna de sirca la sentenio 17 aec.

La nom "cultur de catacombas" deriva de sua rituos de entera. Los es simil a los de la cultur Iamna, ma con un spasio vacuida estra la duto major, creante la catacomba. Restas de animales ia es incluida en un minoria peti de enteras.

En alga enteras, on ave un pratica distinguinte de un masca de arjila poneda sur la fas de la mor, creante un posible asosia con la masca de oro de Agamemnon famosa.

La economia ia es, per la plu parte, la eleva de bestias, an si indicas de gran ia es trovada. Lo pare ce los ia ave spesialistes capas, spesial metalores.

Fabricadas de la cultur de catacombas, de la Museo Ermiteria, San Peterburg: