Cultur Srubna

De Vicipedia
Jump to navigation Jump to search
Un reconstrui de un cabana de la cultur Srubna
Un vaso
Puntos de bronze
Testos de axas de bronze

La cultur Srubna (de ucraina Зрубна́ культу́ра; acc Srubnaia, de rusce Сру́бная культу́ра) ia es un cultur de la eda de bronze tarde (sentenios 18 a 12 aec) en la parte este de la stepes Pontica-Caspian. Lo segue la cultur de catacombas tarde e la cultur Poltavca.

Lo ia es locida longo la costa norde de la Mar Negra, estendente de la Rio Dnepr a este longo la lado norde de la Caucasos a la area asta la costa norde de la Mar Caspio, ueste de la Montes Ural e ajuntante la rejion de la cultur Andronovo, sirca contempora e relatada a alga grado.

La nom deriva de la rusce сруб (srub), "strutur de troncos", de la modo en cual la enteras ia es construida. Partes de animales ia es enterada con la corpo.

La economia ia es un misca de cultiva e la eleva de bestias. Lo ia es sujesteda ce la cimerianes de istoria ia es descendente de esta cultur. La cultur ia es segueda par la scitas e sarmatianes en la milenia prima aec.

Un studia sur la varia de ADN entre europeanes antica, publicada 10 otobre 2015, ia inclui 14 persones de la cultur Srubna. La ses mases, de sinco semeteros, ia es de laY-aplogrupo R1a1, la plu de R1a-Z93, comun a indo-iranianes moderne. La mt-aplogrupos de la 14 persones ia inclui sinco de aplogrupo H, cuatro de U5, un de cada de T1, T2, K1b, J2b, e I1a.