Linguas isolida

De Vicipedia
Jump to navigation Jump to search
Popla euscara, ci parla la sola lingua isolada survivente en Europa

Un lingua isolida es un lingua natural con no relatas jeneolojial demostrable con otra linguas, e no pote es demostrada como desendente de un asendente comun con cualce otra linguas. En un modo, linguas isolada es familias de linguas composada de sola un lingua. Esemplos comun sitada inclui ainu, euscara, corean, sumer, e elam.

Alga linguas cual ia es a un ves videda como isolada pote es reclasida como familias peti. Esta ia aveni a japanes, cual es aora incluida en la familia japonica con linguas riukiuan e a cartveli, aora sola la plu dominante de la linguas cartvelian. La lingua etrusca de Italia ia es videda como un isolida per multe anios, ma algas ia proposa ce lo es relatada a retian e lemnian en un familia tirsenica, un familia estinguida de linguas prosima relatada.

On pote vide linguas isolada como un caso spesial de linguas nonclasida cual resta nonclasida an pos laboras estendosa. Si tal laboras continua ta ave resultas vera, un lingua cual ia es videda como no plu isolada. Car linguistes no acorda sempre sur si un relata jenetical ia es demostrada, lo es comun disputada esce un lingua es un isolada o no.

La terma "relata jenetica" es usada en un modo spesial en linguistica istorial, cual grupi la plu de linguas parlada en la mundo oji en un cuantia relativa peti de familias, seguente un desende reconstruida de un lingua comun antesedente. Un relata jenetica es un similia entre linguas, como similias de vocabula o gramatica, cual pote es atribuida a un protolingua antesedente cual ia diverje en linguas multiple o ramos multiple. Per esemplo, engles es relatada a otra linguas indoeuropean, e xines es relatada a otra linguas xinotibetan. Car linguas isolida es esetas a esta posible, linguistes es multe interese en los.

La plu de linguas isolida ave poca parlores o es an estinguida. Ma multe de los ave multe miles o an multe sento miles de parlores. E corean ave plu ca 77 milion.

Vide ance: Linguas isolida (lista)