Linguas de Caucasos

De Vicipedia
Jump to navigation Jump to search
Linguas de la Caucasos

La linguas de Caucasos es un grupo grande e variosa de linguas parlada par plu ca des milion persones de la rejion de Caucasos, entre la Mar Negra e la Mar Caspio. La grupo es un categoria rejional, e no un familia de linguas, e inclui alga linguas no orijinal a la Caucasos, como rusce, elinica, haiaren, turcica, iranica. On pote categori la linguas nativa en tre familias vera, con sirca 11.2 milion parlores:

Caucasian sude (acc la familia cartulica), con sirca 5.2 milion parlores, inclui cartuli - la lingua ofisial de Sacartvelo - con cuatro milion parlores, e svan, magrali, e laz.

Caucasian norde-este (acc naco-dagestani o caspian), con sirca 3.8 milion parlores, inclui txetxen con 1.5 milion parlores, avar con un milion parlores, ingux, ingux, e otra linguas plu peti.

Caucasian norde-ueste (acc la familia abgazi-adigabze o pontica), con sirca 2.5 milion parlores, inclui abazgi (pd abcaz e abaza) e adigabze (pd adige e cabadrin-txerces)

Lo es comun crededa ce tota lingua caucasian ave un cuantia grande de consonantes. Esta es vera per la familiaas norde-este e norde-ueste. Ubic, un lingua estinguida de la familia norde-ueste, ia ave entre 80 e 84 consonantes. Ma Cartuli (de la familia sude) ave 28 consonantes, simil a multe linguas.

La linguas orijinal de la Caucasos ave alga cualias areal, pe la esiste de consonante ejetada e un strutur multe aglutinte, e (estra magrali) un grado de ergativia. Alga linguas cual ia es parlada en la Caucasos per un tempo grande ia es influeda par la linguas caucasian. Per esemplo, oseta (un lingua iranica, desendente de la linguas de la stepe antica) usa consonantes ejetada.