Leteratur medieval espaniol
.jpg)
- Leteratur espaniol (Medieval)
- Leteratur franses (Medieval)
- Leteratur catalan
- Leteratur portuges
- Leteratur romanian (Medieval)
- Leteratur italian
- Leteratur galego
- Leteratur asturian
- Leteratur aragones
- Leteratur ositan
- Leteratur ualon
- Leteratur rumans
- Leteratur ladin
- Leteratur furlan
- Leteratur sarda
- Leteratur corsican
- Leteratur piemontes
- Leteratur sisilian
Leteratur european
Leteratur medieval espaniol es la corpo de obras leteratural scriveda en espaniol medieval entre la comensa de la sentenio 13 e la fini de la sentenio 15. La obras de refere per esta datas es, a un lado, la Poesia de Mea Cid, de cual sua manoscrito plu antica es de 1207, e a la otra lado, La Celestina, de 1499, un obra de traversa a la Renase.
A fini de la sentenio 10, la linguas parlada en Espania norde ia es multe distante de sua orijinas latina, e pote es nomida romanica. On no ia comprende plu la testos latina, como on pote vide par la glosas usada en Castilla per esplica termas latina. Leteratur parlada en espaniol ia esiste ante la scrive de testos espaniol.
A la otra lado, esta es mostrada par la fato ce autores diversa entre la anios media de la sentenio 11 e sua fini, a fini de la poesias scriveda en arabi o ivri, ia inclui strofes cual es esemplos de liricas tradisional en linguas romanica, conoseda como hartxas.
Introdui: la jeneros de la leteratur medieval[edita | edita la fonte]
La composa leteratural en espaniol ia es inisial fada en strofes. Esta fato ave du causas: a un lado, sua cualia de leteratur parlada popular (esta sinifia ce lo ia es resitada con musica); a la otra lado, scrive en prosa ia esije un tradision en la usa de espaniol (spesial per la solidi de sintatica) cual, par causa de la usa de la latina per la plu de la eda medieval, no ia aveni asta la sentenio 13, cuando Alfonso 13 la Saja ia deside fa ce espaniol deveni la lingua per cosas de la rena, como ance per la composa de sua obras istoriografial e otras.
Tal, la jeneros prima cual nos debe considera es la lirica tradisional e la epica (chansons de geste e romanses) cual, recolieda par scrive de la sentenio 13, ia es la atestores de la composadas parlada pasada; ambos jeneros formi lo cual es conoseda como leteratur de mester de juglaría, pd, leteratur composada per es resitada.
On debe ance atende la teatro castilian primitiva. Esta teatro ia nase en la sentenio 11, en forma de representas relatada a temas relijial. Esta aveni con la testo teatral prima en castilian, la Representación de los Reyes Magos, de cual sua sola copia es de la anios entre la sentenios 12 e 13, e cual, par la lingua, pote es datida a la dui de la sentenio 12. A pos, e asta La Celestina, la esemplos de teatro en castilian es sempre nondireta, tra referes a otra obras.
Bibliografia[edita | edita la fonte]
- Alvar, Carlos, José-Carlos Mainer y Rosa Navarro, Breve historia de la literatura española, Alianza Editorial, Madrid, 2005.
- Cañas Murillo, Jesús, La poesía medieval: de las jarchas al Renacimiento, Anaya, Madrid, 1990.
- Deyermond, A. D., Historia de la literatura española, 1. La Edad Media, Ariel, Barselona, 1989.
- Deyermond, Alan, Edad Media. Primer suplemento, vol. 1/1 de Francisco Rico, Historia y crítica de la literatura española, Crítica, Barselona, 1991.
- Pedraza Jiménez, Felipe B. y Milagros Rodríguez Cáceres, Las épocas de la literatura española, Ariel, Barselona, 2006.
- Rubio Tovar, Joaquín, La prosa medieval, Playor, Madrid, 1982.