Leteratur italian

Leteratur european

---

Linguas clasica

• Leteratur latina
• Leteratur elinica antica

Linguas romanica

• Leteratur espaniol (Medieval)
• Leteratur franses (Medieval)
• Leteratur catalan
• Leteratur portuges
• Leteratur romanian (Medieval)
• Leteratur italian
• Leteratur galego
• Leteratur asturian
• Leteratur aragones
• Leteratur ositan
• Leteratur ualon
• Leteratur rumans
• Leteratur ladin
• Leteratur furlan
• Leteratur sarda
• Leteratur corsican
• Leteratur piemontes
• Leteratur sisilian

Linguas germanica

• Leteratur engles
• Leteratur deutx
• Leteratur islansce
• Leteratur faroisce
• Leteratur norsce
• Leteratur dansce
• Leteratur svensce
• Leteratur limburgan
• Leteratur ides
• Leteratur platdeutx
• Leteratur nederlandes
• Leteratur africans
• Leteratur frisce
• Leteratur scotes

Linguas slavica

• Leteratur rusce
• Leteratur bargalsce
• Leteratur bosnian
• Leteratur corvatsce
• Leteratur serbsce (Medieval)
• Leteratur bielarusce
• Leteratur polsce
• Leteratur slovenian
• Leteratur slovensce
• Leteratur txesce
• Leteratur ucrainsce

Linguas celta

• Leteratur eres
• Leteratur gailica
• Leteratur manes
• Leteratur cimrica
• Leteratur bresonica

Otras

• Leteratur xcip
• Leteratur elinica
• Leteratur haieren
• Leteratur latvisce
• Leteratur latgalian
• Leteratur lietuvisce
• Leteratur magiar (Medieval)
• Leteratur euscara

Vide ance
Leteratur european

Leteratur italian es la colie de obras scriveda en linguas parlada en Italia, e ance en latina.

Orijina

La orijina de la leteratur italian es du literatures: la latina o roman e la medieval.

Italia en la periodo roman e la leteratur latina

En la sentenio 2 Roma ia comensa sua estende par concista, en alga sentenios, la rejiones de Italia, abitada par poplas de raza e lingua diversa, uninte los e creante un leteratur latina cual ia produi scrivores como Lucretio, Ciceron, Vergilio, Horatio, Livio, Ovidio e Tacito.

Ma a alga sentenios pos la mori de Cristo, la Impero Roman ia comensa sua declina e otra poplas de raza diversa ia entra a la teritorio, xef de orijina germanica, cual la romanes ia nomi "barbares". Esta ia produi la divide de la Impero en statos relatada con lunlotra par la fato de parla latina o de es cristian.

Sentenio 13 (Duecento)

La periodo istorial cual estende de 1224, la data de composa de la Cantico delle creature par San Francesco d'Assissi, asta 1321, anio de la mori de Dante, distingui se par la cambias sosial e political e par la vive ativa inteletal e relijial.

Leteratur relijial

A la mesma tempo como esta composadas en Italia norde, un leteratur relijial en strofes ia nase, xef en Umbria, xef anonim, scriveda en la dialetos local.

1260 es la data cual marca la nase de la poesia relijial. Lo es la tempo cuando la frateria de la Disiplinores (Disciplinanti) ia nase en Perugia, su la gida de Raniero Fasani, usante la flajeli publica como medio de espia.

Sentenio 14 (Trecento)

Dante Alighieri, scrivor de La Divina Commedia.

Entre Duecento e Trecento: Dante Alighieri

Tota la leteratur de la sentenio 13 ia es sinteseda en la linia fundal de Dante Alighieri e, como Giulio Ferroni scrive, crea a la mesma tempo modeles determinante per tota la leteratur italian. Sua formi cultural e sua esperia prima de poesia de la "dolce stil novo" ia aveni en la parte ultima de la sentenio 13, ma la plu parte de sua obras (incluinte la Comedia) ia es scriveda en la dudes anios prima de la sentenio 14.

Francesco Petrarca

Con Francesco Petrarca on abri un nova epoca en la cultur de Italia e de Europa. El, como Sapegno scrive, pote es regardada como la "padre spirital" de la Umanisme, car en el "la desira es multe forte per conose la anticas, per colie en cuantia grande la obras, per trae los de la oblida en cual los reposa enterada en la polvo de la bibliotecas moncal".

Giovanni Boccaccio

"Boccaccio, como Petrarca, ave consensia de la valores de la cultura clasica, sensada como un stimula a un sivilia nova, e ance el usa e perfeti la vulgar cual, en sua prosa, oteni un varia grande de tonos e ricia de vocabulario e strutur sintatical.

Sentenio 15 (Quattrocento)

Pos la mori de Petrarca e Boccaccio e la flori de la Trecento, on vide en la Quattrocento un fenomeno cual per multe criticistes "pare interompe la curso comensada en la desenios prima de la Duecento" e cual pare es "un de la plu miseras de nosa istoria leteratural", an si on no descrive lo como "la crise de la Quattrocento", como la Migliorini dise.

Sentenio 16 (Cinquecento)

En la desenios prima de la Cinquecento, on pote vide un produi leteratural de un nivel spesial, en jeneros leteratural diversa. On vade de la poesia de Ariosto (Orlando furioso) a "La Prinse", un trata de teorio political de Machiavelli; e de la Cortegiano de Castiglione a la lirica petrarciste de Pietro Bembo.

Sentenio 17 (Seicento)

Torquato Tasso ia deveni la autor du de la plu grandes de la Renase, servinte la Corte Estense. El ia senti la sensura de la Contrareformi. Sua vive tormentada es un esemplo, ma sua poesias es ance. La temas recolieda en sua obras vide la fusa entre la antica e la moderna, tra la vide cristianinte de la Eglesa.

La obra de plu susede de Tasso es la '’Gerusalemme liberata’', un poesia epica en cual la poesiste dona gloria a la potia santa de la Eglesia e de Cristo en la mundo intera.

Sentenio 18 (Settecento)

La eda de Lumina

La sentenio 18 es la sentenio de cambias grande. En Europa on vide la domina cultural e political de Frans, ma un serie de geras cambia la panorama political e la areas de domina. Italia es dominada en la norde par la osteraiceses ci, pos la pas de Aachen de 1748, ia sustitui per la domina espaniol; en la sude, la dinastia franses de la Bourbon ia domina.

Sardinia es unida a Piemonte e la Rena de Sardinia es formida, governada par la dinastia de la Savoia.

Sentenio 19 (Ottocento)

La sentenio 19 italian en leteratur es marcada par tre corentes leteratural:

• romanticisme
• naturalisme
• dejenerisme

Romanticisme

En la dui prima de la sentenio 19 un move cultural nomida romanticisme ia difusa tra Europa. La ideas romanticiste ia nase en Deutxland, estendente se de la move de Sturm und Drang, e la frates Friedrich e Wilhelm August von Schlegel ia fa ce on conose los. Esta ideas ia trova aderores en Frans e England. La romanticistes revalua la sentis, la pasion e la libria. Los ia senti la nesesa de Dio e ance un lia con la natur. De sua pesimisme e sua vitimisme, los ia ave la desira de rebela contra tota interlias moral. La scrivores xef de esta move en Italia ia es Giacomo Leopardi e Alessandro Manzoni.

Realisme

La realisme es un move leteratural cual estende en Italia en la tredes anios ultima de la sentenio 19 su la impulsa de un move franses analoja, la naturisme. Un cualia xef de la naturisme es la reveni a la natur, espresada tra la composa de obras leteratural cual ave como tema la realia umana e sosial (ance de la plu umiles), representada con severia siensal, con intende ce tota es empirical.

Dejenerisme

La dejenerisme es la move artal-leteratural cual ia developa en la anios prima de la sentenio 20. En esta periodo la poesistes e la scrivores ia senti stranjer en un mundo cual los ia regarda como materialiste. Los ia senti ce sola la sensosia pote fa ce los penetra en la misterios de la vive e desfisa se de la materialisme. Par esta causa, sua poesia es libre, lejera e simbolin. La scrivores italian xef de esta periodo es Giovanni Pascoli, Italo Svevo e Luigi Pirandello. La interpretor xef de la dejenerisme es Gabriele D'Annunzio, multe envolveda en la vive political de sua tempo, conoseda per sua poesias e leteratur multe duplinte, retorical e detaliosa.

Lias esterna

• www. StoriaDellaLetteratura.it - Antonio Piromalli: Storia della letteratura italiana par Antonio Piromalli.