Dante Alighieri

De Vicipedia
Dante Alighieri

Informa personal

Pais: Italia

Otra informas

Profesa: Poesior


Dante Alighieri (1265–1321) ia es un poesiste italian e un de la figures suprema de leteratur mundal, amirada per sua vide spirital e per sua realis pensal.

Vive temprana[edita | edita la fonte]

Dante ia nase en Firenze. La aveni la plu importante de sua jovenia, como el mesma raconta, ia es sua encontra en 1274 con Beatrice, la fem ci el ia ama, e ci el ia loda tro en sua operas plu tarda. On sabe poca de la instrui de Dante, an si sua obras revela un conose cual conteni cuasi tota informas de sua eda.

La vive nova[edita | edita la fonte]

La prima de sua obras de leteratur importante, La vive nova (italian: La vita nuova), ia nase no longa pos la mori de Beatrice. Combinante la poesia e la prosa, lo reconta la curso de ama de Dante per Beatrice e sua deside ultima de scrive un obra cual merita es un monumento gloriosa per sua mielin.

Vive political[edita | edita la fonte]

Ativa en la vive turbosa de politica, Dante ia es elejeda como un de la ses mestrones de Firenze, un posto cual el ia ocupa per sola du menses. Ma la compete political de partitos ia resulta ce on ia esclui Dante de Firenze en 1302 per du anios, con un multa grande. Car el ia fali paia la multa, on ia condena el a mori si el reveni a cualce tempo a Firenze. Dante ia spende sua esclui partal en Verona e partal en otra sites de Italia norde.

Anios ultima[edita | edita la fonte]

En 1316 la site de Firenze ia invita Dante per reveni, ma el ta es tratada como un criminal pardonada. Dante ia refusa la invita, insistente ce, a sua reveni, on ta ofre a el onora e dinia plen. El ia continua vive escluida, spendente sua anios ultima en Ravenna.

La comedia divin[edita | edita la fonte]

La obra mestral epica de Dante, La comedia divin (italian: La divina commedia), ia es probable comensada pronto ante sua mori. La obra es un nara metaforal en poesia sur la viaja imajinal de la poesiste tra Enferno, Purgatorio e Paradiso. En cada de esta tre renas, la poesiste encontra carateres mital, istorial e contempora: cadun de los simboli un fali o un virtua relijial o political.

Dante es gidada tra Enferno e Purgatorio par la poesiste roman Vergilio, ci es la simbol de razona en la pensa de Dante. Beatrice, la fem ci Dante ia ama, e ci el ia regarda como un mostra e strumento de la vole divin, gida el tra Paradiso.

Dante ia intende la poesia per sua contemporas, e ia scrive lo en italian, no latina.

Influe e inspira[edita | edita la fonte]

En la sentenios pos la inventa de primi, on ia publici sirca 400 copias italian de La comedia divin. Copias ia apare con desinias par mestres italian Sandro Botticelli e Michelangelo Buonarroti, la artiste engles William Blake e la desinior franses Gustave Doré. On ia tradui lo a plu ca 25 linguas. Dante ia dona inspira a la obras de poesistes moderna tra la mundo, como Ezra Pound, T. S. Eliot, Gabriele D'Annunzio e Paul Claudel.