Leteratur franses
.jpg)
- Leteratur espaniol (Medieval)
- Leteratur franses (Medieval)
- Leteratur catalan
- Leteratur portuges
- Leteratur romanian (Medieval)
- Leteratur italian
- Leteratur galego
- Leteratur asturian
- Leteratur aragones
- Leteratur ositan
- Leteratur ualon
- Leteratur rumans
- Leteratur ladin
- Leteratur furlan
- Leteratur sarda
- Leteratur corsican
- Leteratur piemontes
- Leteratur sisilian
Leteratur european
La leteratur franses (franses: littérature française) es la colie de obras scriveda par autores franses o en la lingua franses. La terma pote refere ance a obras scriveda par sitadanes franses ci ia scrive en otra linguas parlada en Frans, como euscara, bresonica e catalan.
La Juras de Strasbourg es la testo prima conoseda cual es scriveda en franses. Lo ia es scriveda a 12 febrero 842.
Istoria[edita | edita la fonte]
Eda medieval[edita | edita la fonte]
- Article xef: Leteratur medieval franses
La testo prima conservada en linguaje cual on considera "leteratural" es la Segue de San Eulalia, probable scriveda entre 881 e 882; lo es un ajusta de strofes de un poesia relijial latina.
Sentenio 16[edita | edita la fonte]
La prinsipes de umanisme ia marca profonda la leteratur: un revade a la testas antica (elinica, latina e ivri), un desira de conose, e un renovi de formas e temas cual distingui lo de la leteratur medieval.
En poesia, autores importante apare como Clément Marot, Jean de Sponde, Agrippa d'Aubigné e la poesistes de la Pleiade como Ronsard e Du Bellay.
La novelas la plu importante es los de Rabelais e de Marguerite de Navarra.
La Esajos de Montaigne es un obra importante, situada entre la filosofia e la autobiografia. La Esajos es un de la autobiografias prima franses, e los ia abri la via per Rousseau e otras. La projeto de la Esajos — per descrive franca umanas e spesial la autor mesma — es simil a la Confesas de Jean-Jacques Rousseau ci ia atenta representa persones con sua cualias, ma ance con sua falis.
Sentenio 17[edita | edita la fonte]
De la comensa de la sentenio 17, Honoré d’Urfé ia ave un grande susede con sua novela L'Astrée, un novela de aventuras partal autobiografial, publicida entre 1607 e 1633. Lo ia es un de la plu susedosas de la sentenio.
La leteratur de la sentenio 17 ia ave du corentes competente ma completinte lunlotra: la clasicisme e la leteratur baroca.
La nomes grande de esta epoca es: Corneille, Jean Racine, Molière, Pascal, La Rochefoucauld, La Fontaine, Nicolas Boileau, La Bruyère, Mme de La Fayette, Mme de Sévigné, Le Cardinal de Retz.
Sentenio 18[edita | edita la fonte]
La sentenio 18 es nomida "la sentenio de lumina". Con esta metafor la sentenio xerca, tra la spirito de la Renase e la cartesianisme de la sentenio presedente, la vinse de la Razona contra la Oscuria (la oscurisme e la prejudis).
Sentenio 19[edita | edita la fonte]
Si la sentenio 19 es importante en la leteratur franses per la cuantia de obras scriveda, esta periodo leteratural es un era notable en la istoria de la leteratur franses, prosima a nos, cual es ancora difisil per comprende.