Poesia de Mea Cid

De Vicipedia
Jump to navigation Jump to search
Poesia de Mea Cid
Cantar de Mio Cid
Cantar de mio Cid f. 1r (rep).jpg
Autor: Anonim
Pais: Castelia
Lingua: Espaniol antica

La Poesia de Mea Cid (espaniol: Cantar de Mio Cid) es un epica cual nara la istoria de Rodrigo Díaz de Vivar. La majoria de criticistes presente crede ce la varia conservada ia es composada sirca la anio 1200. Lo es la nara longa prima de la leteratur espaniol en lingua romanica, e sua valua leteratural es alta.

La linguiste espaniol Ramón Menéndez Pidal ia inclui la libro en la tradision popular nomida mester de juglaría. Mester de juglaría refere a la tradision medieval seguente la cual la poesias popular ia pasa de jenera a jenera, cambiante en la prosede.

Trama[edita | edita la fonte]

El Cid ia sposi la cusina de la re Alfonso 6, Doña Ximena, ma ia debe abandona sua pais (Castilla) per alga razonas: longo la nara, el ia fa ce la re jura en San Gadea ce el ia no comanda la fratiside de sua propre frate.

La istoria comensa con la esclui de El Cid, ci la enemis ia acusa nonjusta de fura mone de la re, Alfonso 6 de Castelia e Leon, el cual ia causa sua esclui. Per regania sua onora, el partisipa en batalias contra la armadas moro e concista Valensia. Par esta atas eroin el regania la fida de la re e sua onora es restorada. La re personal sposi la fias de El Cid con la prinses de Carrion. Par contrasta, cuando la prinses es vergoniada par la omes de El Cid per sua coardia, la prinses jura venja se. Los bate sua sposas nova e lasa los per mori. Cuando El Cid descovre lo, el esije justia de la re. La prinses es forsada a redona la dote a El Cid e es vinseda en un duel, sutraente tota onora de los. La fias de El Cid resposi la prinses de Navarra e Aragon. Par esta sposi, El Cid comensa la uni de Espania.

Nonsimil a otra epicas medieval european, la tono es realiste. On no ave majia; an la apare de la arcanjel Gabriel (strofes 404–410) aveni en un sonia. Par contrasta, lo parti ance de un veria istorial: per esemplo, lo no nota sua fio, sua fias no es nomida Elvira e Sol, e los no deveni reas.

Lo es composada de plu ca 3 700 strofes de 14 a 16 silabas, cada con un caesura entre la duilinias (hemistiches). La rima es asonante.

De 1913, e seguente la labora de Ramón Menéndez Pidal, la obra completa es divideda en tre partes.

Esemplo[edita | edita la fonte]

De sua oios, tan forte plorante,
Ia reversa la testa e ia mira los,
El ia vide portes abrida e sin clavis
Vacua pendadores sin pelo e sin jacas,
Sin falcones e sin azores,
E ia parla, como el parla, con tanta mesura:
Bondise, mea Senior, cual es en lo alta,
Esta contra me ia conspira mea enemis!

Bibliografia[edita | edita la fonte]

  • Deyermond, Alan, El «Cantar de mio Cid» y la épica medieval española, Barcino, Sirmio, 1987. ISBN 84-7769-004-9
  • Deyermond, Alan, Historia de la literatura española. I: La Edad Media, Barcino, Ariel, 1994. ISBN 84-344-8305-X
  • Diccionario de literatura española e hispanoamericana, (dir. Ricardus Gullón), Matritum, Alianza, 1993. ISBN 84-206-5292-X
  • Lacarra, María Eugenia, El «Poema del Mio Cid». Realidad histórica e ideología. Matritum, Porrúa Turanzas, 1980.
  • Menéndez Pidal, Raimundus, En torno al «Poema del Cid». Barcino, EDHASA, 1963.
  • Montaner Frutos, Albertus, El Cid en Aragón, Caesaraugusta, CAI-Edelvives, 1998. ISBN 84-88305-75-3.
  • Smith, Colin, La creación del «Poema del Mio Cid». Barcino, Crítica, 1985