Caledonia Nova
|
| Bandera nasional |
|
Caledonia Nova (en franses: Nouvelle-Calédonie) es un teritorio ultramaral de Frans en la sude-ueste de la Mar Pasifica, 1 210 cilometres a la este de Australia e 16 136 cilometres a la este de Frans european. La arcipelago, cual es un parte de la surejion de Melanesia, inclui la isola xef de Grande Terre, la Isolas Loyauté, la Isolas Chesterfield, la Arcipelago Bélep, la Isoleta de Pinos, e alga isoletas distante. La Isolas Chesterfield es en la Mar Coral. La popla local refere a Grande Terre como Le Caillou ("la calculo").
La area de Caledonia Nova es sirca 18 576 cilometres cuadrida. La popla, cual ia es sirca 268 767 persones en 2014, es un misca de la popla canac (la abitores orijinal de Caledonia Nova), persones con un linia de familia european (caldoche e franses european), polinesianes, persones de Asia sude-este, e alga persones con un linia de familia pied-noir o jazairi. La site capital es Nouméa.
La linguas major es franses (ofisial) e 33 dialetos de linguas melanesian e polinesian.
Istoria
[edita | edita la fonte]La 24 setembre 1853, su la ordinas de Napoleon 3, la amiral Febvrier Despointes ia concista Caledonia Nova e Port-de-France (Noumea) ia es fundida en 25 junio 1854. Un desduple de colonistes ia coloni la costa ueste en la anios seguente. Caledonia Nova ia deveni un colonia penal e de la desenio 1860 asta la fini de la transportas en 1897, s 22 000 criminales e prisonidas political ia es enviada a Caledonia Nova.
Teritorio ultramaral franses
[edita | edita la fonte]En 1946, Caledonia Nova ia deveni un teritorio ultramaral. Ante fini de 1953, sitidania franses ia es donada a tota caledonianes, sin relata con sua etnicia.
La poplas european e polinesian ia grandi gradal en la anios ante la bola de Poseidon (entre 1969 e 1972), e la melanesianes ia deveni un minoria, an si los ia es ancora la etnico la plu grande. Entre 1976 e 1988, Caledonia Nova ia adota sinco leges. Cada de los ia deveni un fonte de concontentia e disturbas grave, cual ia culmina en un teni sanguosa de ostaje en Ouvéa. La acordas Matignon, cual ia es suscriveda en 26 junio 1988, ia garantia un desenio de stablia. La acorda Nouméa, cual ia es suscriveda en 5 maio 1998, ia institui la laboral fundal per un cambia tra 20 anios cual va pasa gradal capasias a la governa local.
Divides manejal
[edita | edita la fonte]
Provinse Sude
- Thio (3,287) Thio
- Yaté (2,683) Yaté
- L'Île-des-Pins (2,921) Vao
- Le Mont-Dore (27,939) Mont-Dore
- Nouméa (101,909) Nouméa *
- Dumbéa (32,290) Dumbéa
- Païta (21,583) Païta
- Boulouparis (3,300) Boulouparis
- La Foa (4,035) La Foa
- Sarraméa (856) Sarraméa
- Farino (636) Farino
- Moindou (869) Moindou
- Bourail (6,448) Bourail
- Poya (southern part)
Provinse Norde
- 14 Poya (northern part) (3,541) Poya
- 15 Pouembout (2,872) Pouembout
- 16 Koné (8,331) Koné *
- 17 Voh (3,813) Voh
- 18 Kaala-Gomen (2,530) Kaala-Gomen
- 19 Koumac (4,766) Koumac
- 20 Poum (2,069) Poum
- 21 Belep (1,601) Waala
- 22 Ouégoa (3,198) Ouégoa
- 23 Pouébo (4,036) Pouébo
- 24 Hienghène (3,897) Hienghène
- 25 Touho (3,112) Touho
- 26 Poindimié (6,358) Poindimié
- 27 Ponérihouen (4,153) Ponérihouen
- 28 Houaïlou (6,273) Houaïlou
- 29 Kouaoua (1,859) Kouaoua
- 30 Canala (5,869) Canala