C. George Boeree

De Vicipedia
Jump to navigation Jump to search
C. George Boeree
C. George Boeree.jpg

Informa personal

Nase: 15 janero 1952 en Badhoevedorp, Nederland
Mori: 5 janero 2021 en Pennsylvania, SUA
Pais: Nederland, SUA
Spos: Judith Marion Kovarik

Otra informas

Profesa: Profesor de psicolojia, jubilada

Dr Cornelis George Boeree (pronunsiada buré) ia es un profesor de psicolojia en la Universia de Shippensburg en Pennsylvania, SUA e la creor de la lingua aidante internasional lingua franca nova.

Biografia[edita | edita la fonte]

Boeree ia nase en 15 janero 1952 en Badhoevedorp, prosima a Amsterdam, en Nederland. El ia es la fio de Cornelis George Boeree e Eberdina van Olffen. En desembre 1956, la familia ia vade a Isola Longa, prosima a la Site New York.

El ia aprende nederlandes como lingua nativa, e engles a sua enfanteria a Rockville Centre, NY. El ia studia ance franses en liseo. Cuando el ia abita per un estate en Brisbane, Australia, el ia studia italian e esperanto, e ia comensa pensa a sua propre lingua aidante. Reveninte a New York, con gol orijinal de deveni un arcitetor, el ia studia a la liseo en Rockville Centre, e ia reseta sua diploma ala en 1969. El ia sposi Judith Kovarik en 1972 en Bay Shore, New York e ia vade a Pennsylvania. Los ia ave tre fias e tre netes.

El ia reseta sua diploma laural de la Universia de la Stato Pennsylvania en 1974, e sua diplomas mestral e dotoral en 1979 e 1980 de la Universia de la Stato Oklahoma, tota sur psicolojia. Sua spesiali ia es en la lado filosofial de psicolojia. El ia comensa sua carera como profesor a la Universia de Shippensburg en 1980. En sua carera, el ia scrive multe sur psicolojia e budisme a la interede, e el ia developa la libros prima enlinia per aprende la psicolojia sin custa. Multe de esta testos ia es traduida a espaniol[1], deutx, balgarsce e otra linguas.

Boeree ia jubila a 15 janero 2010 e ia abita con sua sposa en Shippensburg, Pennsylvania, do el ia continua sua interesas en psicolojia, filosofia, e linguistica asta sua mori de canser a 5 janero 2021[2].

Crea de lingua franca nova[edita | edita la fonte]

Boeree ia comensa labora sur un lingua en 1965, con gol de crea un lingua simple e natural. El ia es inspirada par leje sur lingua franca e otra pijines e creoles. Pos comensa presenta cursos en psicolinguistica, el ia recomensa sua interesa a un lingua aidante internasional. Elefen ia es prima presentada a la interede en 1998. Interesa a la lingua ia crese rapida, multe persones ia dona sujestas per boni lo, e la resulta ia es lingua franca nova o elefen.

La nom Boeree[edita | edita la fonte]

La nom Boeree veni de bourrée en franses. La asendente de la ramo de la familia en Nederland, Peter Borry, ia nase en 1560 en Poperinge (aora en Beljia). Un eglesor protestante, el ia vade a Haarlem en 1583 pos la reversa de la proclama de Nantes. La nom ia es cambiada a Boeree pos tre jeneras.

Bibliografia[edita | edita la fonte]

Referes[edita | edita la fonte]

  1. Boeree, C. G. and Gautier Roques, R. E. (translator) (2005). Teorías de la Personalidad. Santo Domingo, Dominican Republic: Universidad Iberoamericana.
  2. "Aora oji: Cornelis George Boeree (1952-2021)." Retraeda en 8 janero 2021.

Vide ance[edita | edita la fonte]

Lia esterna[edita | edita la fonte]