Bandera de lingua franca nova

La bandera de lingua franca nova es la simbol xef de lingua franca nova e de elefenistes. Lo ia es creada par Stefan Fisahn.

Strutur e sinifia[edita | edita la fonte]

Lo es un formida par sinco bandas de color (blu, verde, jala, orania e roja) comensante en la angulo basa e sinistra, e estendente a la bordas alta e destra. Lo es simil a la bandera de la Sexeles, un pais cual usa creol como sua lingua ofisial, ma usante la colores de la arco de sielo cual simboli pas. La forma ia es intendeda como sujestente la leva de sol.

Istoria[edita | edita la fonte]

Elefen ia ave alga otra banderas ante esta.

Orijinal, George Boeree ia desinia un bandera simple, con un fondo oscur blu, cual ia ave un pijon blanca con un basteta en sua beco. Lo ia imita un desinia de la pijon, representante pas, par Pablo Picasso. La nom (divertente) ia es "la europijon", juante con la parolas "pijon" e "pijin".

Un varia de 2004, par Carlos Thompson, ia sutrae la basteta, e ia ajunta la leteras LFN en la angulo destra a alta, afin la refere a lfn ta es plu clar.

Un plu bandera ia es creada par Boeree sirca la mesma tempo. La otra lado ave un representa de la emisfero ueste, en la mesma forma de la emisfero este.

La bandera de aora, a supra, es de 2010 e ia es desiniada par Stefan Fisahn e Beate Hornung.