Article prima scriveda en lingua franca nova

Espresa de tempo en elefen

De Vicipedia
Jump to navigation Jump to search

LA orolojo

Como cualce lingua, elefen ave sua modos de espresa tempo. Esta es un gida sur esta modos.

Oras e minutos[edita | edita la fonte]

Pardona, cual es la ora?

11:00 la ora es des-un;
lo es des-un;
des-un oras
5:30 sinco e un dui;
sinco oras e tredes minutos
4:45 sinco min un cuatri;
cuatri ante sinco;
tre cuatri pos cuatro;
cuatro oras e cuatrodes-sinco minutos
5:15 sinco e un cuatri;
cuatri pos sinco;
sinco oras e des-sinco minutos
4:40 sinco min dudes;
dudes ante sinco;
cuatro oras e cuatrodes minutos
5:20 sinco e dudes;
dudes pos sinco;
sinco oras e dudes minutos

La forma de 24 oras es la plu comun. Per la forma de 12 oras, on pote indica la parte de la dia par ajunta un de estas pos la ora e minutos:

  • am - ante mediadia (A.M.)
  • pm - pos mediadia (P.M.)

Paroletas de tempo[edita | edita la fonte]

  • a
  • ante
  • pos
  • de
  • asta
  • en

Esemplos:

  • Me va veni a la ora des en la matina.
  • Me ia come la carne pos la sopa e ante la deser.
  • On ave multe dias de cuando me ia ariva asi.
  • Me espera ce on no ave multe dias asta cuando me va vide denova tu.
  • Pos ses oras, me va vide denova tu.
  • A ses oras de aora, me va vide tu.
  • En la gera, me ia es un soldato.

(Durante no es un preposada. Lo es un ajetivo con la sinifia "tan forte ce lo dura tra multe tempo".)

Averbos e espresas:

  • aora
  • alora
  • a (la) matina
  • a (la) sera
  • a (la) note
  • a esta matina
  • a cada matina
  • oji
  • ier
  • doman
  • a la matina ier
  • a la sera doman
  • a la otra dia
  • a la dia ante ier
  • a la dia pos doman
  • a esta semana
  • a la semana pasada, a la semana presedente
  • a la semana veninte, a la semana seguente
  • pos un semana, a un semana a pos
  • cada dia; dial
  • cada semana; semanal
  • cada mense; mensal
  • cada anio; anial

Nota ce "la" no es sempre nesesada pos un preposada!

Dias de la semana[edita | edita la fonte]

# lfn un otra modo
1 lundi dia un
2 martedi dia du
3 mercurdi dia tre
4 jovedi dia cuatro
5 venerdi dia sinco
6 saturdi dia ses
7 soldi dia sete

Nota, per favore, ce multe cultures vide soldi como dia un, etc.

Esemplos de la usa de preposadas per crea espresas averbal:

  • El ia parti a la ora nove, per ariva a la matina de doman.
  • Me labora a saturdi.
  • El va a vacanse a/en julio.
  • Posible me va turi Espania a/en (la) primavera.
  • Me espera vade per pexi a cada saturdi de/en marte.
  • A jovedis, nos come tacos.

Menses[edita | edita la fonte]

comun un otra modo
1 janero mense un
2 febrero mense du
3 marto mense tre
4 april mense cuatro
5 maio mense sinco
6 junio mense ses
7 julio mense sete
8 agosto mense oto
9 setembre mense nove
10 otobre mense des
11 novembre mense des-un
12 desembre mense des-du

Saisones[edita | edita la fonte]

  • primavera – la saison en cual la arbores e flores comensa crese, aprosima de la fini de marto a la fini de maio.
  • estate – la saison la plu calda, aprosima de la fini de junio a la fini de agosto.
  • autono – la saison en cual on recolie la granes, vejetales, e frutas, aprosima de la fini de setembre a la fini de novembre.
  • inverno – la saison la plu fria, aprosima de la fini de desembre a la fini de marto.

On distingui la cuatro saisones en esta modo en multe partes de la tera entre Artica e la tropicos, e entre la tropicos e Antartica. En la emisfero sude, la primavera comensa comun a la fini de otobre, etc.

En paises tropical, on usa otra "saisones", per esemplo, la saison de secia e la saison de pluve. Alga locas ave ses saisones en loca de cuatro.

Datas[edita | edita la fonte]

Modos prefereda en elefen per indica la data:

  • 15 janero 2018
  • 15 de janero, 2018 (plu formal)
  • 15/1/2018 o 15-1-2018
  • 2018.1.15

Per evita la favore de la tradisiones de Europa supra tota otra tradisiones, elefen ia eleje usa "ec" e "aec":

  • aec – ante la eda comun (ante Cristo, BC, av. J.-C., c.C., etc)
    • "Tutancamun ia deveni la faraon de Egipte antica sirca 1333 aec."
  • ec – la eda comun (pos Cristo, AD, apr. J.-C., d.C., etc)
    • "La arceolojiste Howard Carter ia descovre la tomba de Tutancamun en 1922 ec."

Per indica desenios, sentenios, e milenios, usa esta formas:

  • en la desenio de 1920... = 1920-1929
  • en la desenio du de la sentenio 19... = 1820-1829
  • en la sentenio 20... = 1900-1999
  • en la sentenio prima aec = 100-1 aec
  • en la sentenio 1 ec = 1-99 (nota ce anio zero no esiste!)
  • en la milenio tre aec... = 3000-2001 aec
  • en la milenio tre ec... = 2000-2999 ec