Amsterdam

De Vicipedia

Amsterdam

Pais Nederland
Rejion Holland Norde
Area 219 km²
Popla 762,057 ab. (2009)
Densia 4,459 abitores/km²

Amsterdam es la capital de Nederland (Europa), ma la governa nederlandes es locada en Den Haag. La nom vea es Aemstelredamme, cual sinifia "la parario a la rio Amstel". La nom es un ereta, car la dam (parario) en la nom es en realia un dijk (paramar). Donce, la nom coreta ia ta es "Amsterdijk".

Amsterdam es famosa per:

  • sua canales tra la site intera. A alga veses, on nomi lo "la Venetia de la Norde".
  • sua istoria de refuja per filosofistes e oposores de potias feudal en la sentenios 16 e 17, cuando la sosia nederlandes ia es ja moderninte. Lo ia es en Amsterdam ce la filosofiste Baruch de Spinoza ia trova refuja contra la persegue de iudistes par la eglisa catoliciste en Portugal. E pos la condena de la pensas de Galileo Galilei, ance par la eglisa catoliciste, Rene Descartes ia move se a Amsterdam do el ia trova libria e ia scrive sua frase famosa Cogito ergo sum (o "me pensa donce me esiste").
  • la usa, vende e cultiva legal de canabis
  • la prostitui legal, impostada e sindicatida
  • marcas diversa de bir, como "Amstel Bier" e "Heineken" (de Zaanstad, prosima a Amsterdam)
  • la ecipo de futbol Ajax.

La nom reapare:

  • En Nederland, un amsterdammertje (amsterdamor peti) es un vitro grande de bir.
  • La nom vea de New York ia es Nieuw Amsterdam cuando la site ia es un colonia nederlandes.

Lias[edita | edita la fonte]

Sites capital de Europa
Amsterdam | Andorra la Vella | Atina | Beograd | Berlin | Bern | Bratislava | Bruxelles | Bucuresti | Budapest | Chisinau | Ciiv | Dublin | Helsinki | Ierevan | Kobenhavn | Lisboa | Ljubljana | London | Luxemburg | Madrid | Minsk | Monaco | Moscva | Nicosia | Oslo | Paris | Podgorica | Praha | Reykjavik | Riga | Roma | Sarajevo | San Marino | Site Vatican | Skopje | Sofia | Stockholm | Tallinn | Tbilisi | Tirana | Vaduz | Valletta | Vilnius | Warszawa | Wien | Zagreb