Reykjavik

De Vicipedia

Reykjavík

Pais Island
Rejion Höfuðborgarsvæðið
Area 273 km²
Popla 131 136 ab. (2020)
Densia 480 abitores/km²

Reykjavik es la capital e site la plu grande de Island. Sua latitude es 64°08' N, tal ce lo es la capital la plu norde de un stato autonom. Locada en Island sude-ueste, a la costa sude de Baia Faxa, lo es un destina popular per turistes. Lo ave sirca 123 300 abitores (e plu ca 216 940 en sua rejion), e es la cor de la vive cultural, economial e governal de la pais.

On crede ce la colonia permanente prima en Island ia es locada en Rejkjavik, instituida en 874 par Ingólfur Arnarson de Noria. Esta es descriveda en la Landnámabók (Libro de coloni). On dise ce Arnarson ia deside la loca de sua colonia par un metodo norsce tradisional: el ia lansa la palos de sua seja a en la mar cuando el ia vide la costa, e ia coloni do los ia atera. Vapor de fontes calda en la rejion ia inspira la nom de Rejkjavik, cual sinifia aprosima "baieta de fuma". La nom ia es orijinal Rejkjarvík con un plu R cual ia desapare ja sirca 1800.

Asta la sentenio 19, la loca de la site no ia es urban developada. La site ia es fundida en 1786 como un vila de comersia ofisial e ia crese constante en la desenios seguente, cambiante a un sentro rejional e ultima nasional de comersia, popla e governa. Lo es entre la sites la plu limpa, verde e secur de la mundo.

Reykjavík parteni a la rejion Höfuðborgarsvæðið e ol es la plu norde situada capital de la mundo. Lo es la sentro political, economial e cultural de la pais.

Reykjavík ia ave 131 136 abitores en 2020. La area de Reykjavík es 273 km².

La nom de la site sinifia Baia de fuma. La teritorio de la site es abitada de la anio 870, ma ofisial lo ia deveni un site en la anio 1786.

Sites capital de Europa
Amsterdam | Andorra la Vella | Atina | Beograd | Berlin | Bern | Bratislava | Bruxelles | Bucuresti | Budapest | Chisinau | Ciiv | Dublin | Helsinki | Ierevan | Kobenhavn | Lisboa | Ljubljana | London | Luxemburg | Madrid | Minsk | Monaco | Moscva | Nicosia | Oslo | Paris | Podgorica | Praha | Reykjavik | Riga | Roma | Sarajevo | San Marino | Site Vatican | Skopje | Sofia | Stockholm | Tallinn | Tbilisi | Tirana | Vaduz | Valletta | Vilnius | Warszawa | Wien | Zagreb