London

De Vicipedia
Jump to navigation Jump to search

London

Flag of the City of London.svg Coat of Arms of The City of London.svg
Tower Bridge from St. Paul.jpg
La Tower Bridge (La ponte de la tore) en London
Pais Rena Unida
Rejion England
Area 1572 km²
Popla 8 630 000 ab. (2015)
Densia 5490 abitores/km²

London es la site capital e con la plu abitores de England e de la Rena Unida. En la anio 2010, 7 825 210 persones ia abita en la site. Lo ave un area de 1572 cilometres cuadrida.

London es situada en la sude-este de la Rena Unida. La rio Thames flue tra la site. London aora es e ia es un site major per du milenios. La romanes ia fundi lo, e nomida lo Londinium. La cor antica de London, la Site de London, per la plu parte reteni sua limitas medieval de 2.9 km2. De a la plu temprana, "London" ance refere a la urbe cual ensirca esta cor. Esta urbe es divide istorial entre Middlesex, Essex, Surrey, Kent e Hertfordshire, cual aora formi Greater London, un rejion governada par la maior de London e la asembla de London.

London es un site global cual es un de la xef en arte, comersia, educa, diverti, moda, finansia, aida medical, servi profesal, rexerca e developa, turisme e transporta. Lo ave la sentro finansial la plu grande en la mundo e ave la produi interna bruta urban la sinco o la ses de la plu grande en la mundo. London es un capital cultural de la mundo. Lo es la site cual es la plu visitada como mesurada par arivores internasional e ave la sistem de airoporto urban la plu ativa en la mundo. London es la destina xef de investi en la mundo; lo ospita plu botecas internasional e plu milionores e bilionores ca cualce otra site. La universias de London formi la proportio la plu grande de instituidas de educa de universia en Europa. En 2012, London deveni la site prima cual ospita la Juas Olimpial moderna de estate a tre veses (en la anios 1908, 1948 e 2012).

Europe satellite globe.jpg
Sites capital de Europa
Tirana | Andorra la Vella | Ierevan | Wien | Bruxelles | Minsk | Sarajevo | Sofia | Zagreb | Nicosia | Kobenhavn | Tallinn | Helsinki | Paris | Tbilisi | Berlin | Atina | Madrid | Budapest | Dublin | Reykjavik | Roma | Riga | Vaduz | Vilnius | Luxemburg | Skopje | Valletta | Chisinau | Monaco | Amsterdam | Oslo | Warszawa | Lisboa | Bucuresti | Moscva | San Marino | Beograd | Podgorica | Bratislava | Ljubljana | Stockholm | Bern | Praha | Ancara | Ciiv |London | Site Vatican