Tirana

De Vicipedia

Tirana
Tiranë

Pais Xciperia
Rejion Tirana
Area 1 110,03 km²
Popla 811 649 ab.
Densia abitores/km²

Tirana es la capital e site xef de Xciperia como ance la cor cultural, economial e governal de la pais. Lo es locada en la sentro ueste de la pais, a 700 cilometres de Atina, a 290 cilometres de Skopje, a 250 cilometres de Pristina e a 160 cilometres de Podgorica. En la anio 2008, Tirana ia ave 624 642 abitores. La area de Tirana es 41,8 cilometres cuadrida.

Jeografia[edita | edita la fonte]

Tirana es locada en la sentro de Xciperia, a 32 cilometres de la costa. La altia promedia es 110 m, e la punto la plu alta es Mali me Gropa, con 1828 metres. La site es ensircada par colinas, con la Monte Dajti en la este e un vale pico abrinte en la norde-ueste regardante la Mar Adriatica a distantia.

Politica[edita | edita la fonte]

Tirana ia deveni la capital de Xciperia a oto anios pos la autonomi de la Republica Prima en 1912. La urbanisme prima de la site ia es fada en 1923 par arcitetas osteraices-magiar. A pos, la sentro de site ia es desiniada par arcitetores italian como Florestano di Fausto, Gherardo Bosio e Armando Brasini. Esente la capital de Xciperia, lo es la seja de la governa de la pais. La du ofisiores xef ave sua abiteria ofisial en la site. La presidente de la pais abita en la Palasio Presidental, e sua ofisia es la Ofisia Presidental. La ministro xef labora en la Ofisia de la Ministro Xef.

Relijio[edita | edita la fonte]

65% de la abitores de Tirana es muslim. Un 11% identifia se como cristian, 3% como ateistes, e 4% como credores sin ramo. 15% prefere no responde a la demanda. Esta pote veni de la eda de comunisme en Xciperia su la tirano Enver Hoxha, ci ia dise:

La sola relijio per un xcip es xciperisme

El ia declara Xciperia como un stato ateiste e ia atenta sutrae tota relijio organizada de la pais. La Eglesa Catolica es representada par la Arcibispia de Tirana e Durres, con la Catedral de San Paulo como la seja. La comunia ortodox es gidada par la Arcibispo de Tirana en la Catedral de la Revive.

Aida medical[edita | edita la fonte]

La sistem de aida medical es xef publica. La sistem de aida medical privata es developante, e covre la plu de la servis farmasial e dental. Lo es xef locada en Tirana. La ospital la plu grande es la Ospital de la Madre Teresa, cual es asosiada con la Scola de Farmasia de la Universia de Tirana. Alga ospitales privata ia es abrida.

Sites capital de Europa
Amsterdam | Andorra la Vella | Atina | Beograd | Berlin | Bern | Bratislava | Bruxelles | Bucuresti | Budapest | Chisinau | Ciiv | Dublin | Helsinki | Ierevan | Kobenhavn | Lisboa | Ljubljana | London | Luxemburg | Madrid | Minsk | Monaco | Moscva | Nicosia | Oslo | Paris | Podgorica | Praha | Reykjavik | Riga | Roma | Sarajevo | San Marino | Site Vatican | Skopje | Sofia | Stockholm | Tallinn | Tbilisi | Tirana | Vaduz | Valletta | Vilnius | Warszawa | Wien | Zagreb