Balcanes

De Vicipedia
La nasiones tradisional considerada como parte de la Balcanes

La Balcanes, acc la Penisola Balcan, es un area jeografial en Europa sude-este con definis variosa, incluinte jeopolitical e istorial. La rejion es nomida per la Montes Balcan cual estende tra tota Balgaria de la borda con Serbia a la costa de la Mar Negra. La penisola es bordida par la Mar Adriatico a la norde-ueste, la Mar Ionio a la sude-ueste, la Mar Ejeo a la sude e sude-este, e la Mar Negra a la este e norde-este. La borda norce de la penisola es variosa definada. La punto la plu alta de la Balcanes es Monte Musala, 2,925 metres.

La conseta de la Penisola Balcan ia es creada par la jeografiste deutx August Zeune en 1808. En la sententio 19, lo ia es videda como sinonim con la provinses vea de la Impero Osmanian en Europa. Lo ia es definada xef par jeopolitica, e no simple jeografia, plu promoveda en la crea de la Rena de Iugoslavia en la sentenio 20 temprana. La bordas natural no tota coresponda con un defini tecnical de la penisola, e alga jeografistes rejeta la idea de un Penisola Balkan, o discute lo como un rejion e no un penisola. De la desenio de 1990, la sinifia ia deveni cualce negativa e relatada a la prosede de "balcani", pd, deveni divideda entre multe nasiones peti e nonstable. Aora, la nom Europa sude-ueste es usada en jornales de novas. Nota ance ce sola la parte de Turcia cual es en Europa es videda como un parte de la Balcanes.

Stato Popla (2018)[1] Densia/km2 (2018)[2] Espeta de vive (2018)[3]
Balgaria 7,050,034 64 79.9 anios
Bosnia e Hersegovina 3,502,550 69 77.2 anios
Corvatsca 4,105,493 73 76.2 anios
Cosovo 1,798,506 165 77.7 anios
Elas 10,768,193 82 80.1 anios
Macedonia Norde 2,075,301 81 76.2 anios
Romania 19,523,621 82 76.3 anios
Serbia 7,001,444 90 76.5 anios
Slovenia 2,066,880 102 78.2 anios
Tsernagora 622,359 45 76.4 anios
Turcia 10,201,115[4] 101 71.1 anios
Xciperia 2,870,324 100 78.34 anios
  1. "Eurostat – Tables, Graphs and Maps Interface (TGM) table." europa.eu.
  2. "List of Countries by Population Density."
  3. "Country Comparison: Life Expectancy at Birth." CIA: The World Factbook. Retraeda en 20 January 2016.
  4. "Turkish Statistical Institute. Registered population as of 2012."