Nomes de dias
La nomes de dias en elefen segue la nomes costumal de la linguas roman, cual segue la nomes latina:
- Soldi - per la Sol
- Lundi - per la Luna
- Martedi - per la planeta Marte (la dio roman de gera)
- Mercurdi - per la planeta Mercurio (la dio roman de mesajes)
- Jovedi - per la planeta Jupiter (la dio roman suprema)
- Venerdi - per la planeta Venus (la diva roman de ama)
- Saturdi - per la planeta Saturno (la dio roman de cultiva)
Car la fundores de elefen no vole indica un prefere per un relijio o un otra, nomes costumal per Saturdi (como "Sabato") e Soldi (como "Domenico") es cambiada a nomes plu vea de la romanes.
Otra Linguas[edita | edita la fonte]
Linguas celta usa nomes simil a latina e elefen.
Linguas romanica (estra portuges, vide a su) usa la nomes de la planetas o dios vea de romanes, con esta esetas:
- Soldi es la dia de la Senior (domenica en italian, per esemplo)
- Saturdi es la dia de restora de Iudisme (sabato en italian, per esemplo)
Linguas germanica usa alga dios vea germanica, en loca de alga dios roman:
- Sol (Sun en engles)
- Luna (Moon en engles)
- Tir o Tiu (un dio vea)
- Odin o Woden (un dio vea)
- Tor o Doner (un dio vea - la nom sinifia tona)
- Freia (un diva vea)
- Saturno
- En deutx, mercurdi es Mittwoch (mediasemana)
- En la linguas de Scandinavia, saturdi es Lørdag o Lördag (dia de lava de vestes)
- En islansce, la dias pote es traduida como soldi, lundi, dia tre, mediasemana, dia sinco, dia de juna, dia de lava.
- Suomi segue ance la sistem germanica: maanantai, tiistai, keskiviikko, torstai perjantai, lauantai, sunnuntai. Keskiviiko sinifia mediasemana.
La linguas de India usa nomes per planetas de dios vea de India. Per India norde, los usa estas:
- Ravi (Surya), dio de Sol
- Soma (Chandra), dio de Luna (e de la bevida santa)
- Mangala, dio de gera
- Budha, Mercurio
- Guru, instruor a la dios
- Shukra, instruor a la asuras (dios-gerores)
- Shani, Saturno, fio de la Sol, dio de fortuna, multe temeda.
Miama, tai, mon, e bali segue ance la sistem indian.
Japanes, corean, e tibetan usa parolas per la planetas construida de la sinco elementos antica:
- Sol
- Luna
- "Planeta de foco" (Marte)
- "Planeta de acua" (Mercurio)
- "Planeta de lenio" (Jupiter)
- "Planeta de metal" (Venus)
- "Planeta de tera" (Saturno)
En canji japanes: 日 月 火 水 木 金 土
Multe linguas usa la metodo simple de numeros. On ave du varias: la un comensa con soldi e la otra con lundi.
Comensante con soldi:
- Ivri
- Latina (como usada par la eglesa)
- Portuges
- Elinica
- Cartuli (djordjian)
- Haieren (armenian)
- Viet
- Arabi
- Malaiu
- Indonesian
- Djava
- Sunda
- Farsi
- Cazac
- Turces
Comensante con lundi:
Ma esta linguas usa comun ance nomes spesial:
- En latina, elinica, cartuli, haieren, portuges, esti e viet, soldi es nomida "la dia de la Senior" o "dia santa".
- En la linguas slavica, soldi es nomida "no labora", (nedelja en slovenian), lundi "pos no labora" (ponedeljek), mercurdi "mediasemana" (sreda), e saturdi "dia de juna" (sobota).
- En Rusce, soldi es nomida "revive" (de Cristo, воскресенье).
- Linguas de la mundo muslim nomi venerdi "dia de reuni" e saturdi "fini de la semana".