Cultur Fatianovo-Balanovo

De Vicipedia
Jump to navigation Jump to search
Un mapa de la cultur Fatianovo-Balanovo, en ros
Fabricadas de Rusia de la milenio du aec

La cultur Fatianovo-Balanovo (3200 a 2300 aec) es un estende a este de la cultur de vasos cordida en Rusia.

Lo estende de Lago Pscov en la ueste a la Rio Volga media en a este, con sua estende norde en la vale de la Volga alta. Lo es vera du cultures, la Fatianovo en la ueste e la Balanovo en la este. La Fatianovo ia emerje a la borda norde-este de la cultur de la Rio Dnepr media, e ia es probable derivada de un varia plu temprana de esta cultur. La linguas parlada par esta popla ia es probable un misca, con indo-european (posible proto-balto-slavica) a la ueste e uralica (posible proto-finno-ugric) a la este.

Migras fatianovo coresponde a rejiones con idronimes de un dialeto baltica mapida par linguistes asta la Rio Oka e la Volga alta. Estendende a este a su la Volga, los ia descovre la minerales de copre de la colinas de la montanias Ural ueste, do cual los ia comensa abita permane en la rejion de la Rio Cama basa. La cultur Balanovo ia abita la rejion de la interflues de la Cama-Viatca-Vetluga, do recursos de metal (spesial depones de petra de arena con cupre) de la rejion ia es esplotada.

Seramicas fatianovo mostra cualias miscada de la vasos cordida e la amforas globin. La seramica plu tarde de la cultur Abaxevo pare alga grado como la vasos cordida de Fatianovo-Balanovo, ma la curganes abaxevo ia difere de la semeteros plata de la Fatianovo, an ce tombas plata ia es un parte reconosable de la ritua de entera de la cultur Abaxevo. Enteras balanova (como la cultur de Dnepr media) ia es de la tipos e plata e curgan, conteninte enteras e individua e coletiva.

Vilas es multe sperdeda tra la rejion e ave evidentes de un grado de fortresi. La vilas ia es tipal situada sur la colinas alta de la rivas de rios, composada de casas multiple supra tera construida de troncos con tetos selin e liada par pasajes. La economia pare multe movente, ma on debe nota ce la restas de porcos domanda ia es trovada, cual sujeste un sosia plu constante. La cultur Fatianovo es videda como introduinte un economia fundida sur bestias domada (oveas, boves, cavalos, e canes) a la foresta de Rusia. La Balanovo ance usada boves per trae vagones de du rotas.

La plu de informa sur esta cultures deriva de sua enteras. Tombas de dutos es evidente, cual pote es foreda con lenio. La mor ia es envelopada en peles de animales o cortex de betul, e poneda en cameras de lenio en cavetas retangula sutera. Estra estas, la enteras acorda con la rituas de la cultur de vasos cordida, con mases reposante sur sua lado destra e femas sur sua sinistra. Ojetos de metal de Europa sentral ia es ance presente. Ornas e utiles de cupre ia es trovada en enteras balanovo. La benes entereda depende de seso, eda, e prestijia sosial. Axas de cupre ia acompania xef persones de postos alta, axa-marteles ia es donada a omes, axas de petra de foco a femes e enfantes. joalas majiosa ia es frecuente trovada en la enteras, e ance utiles de metal per labora.

La identia de la popla o la lingua de la cultures no es serta. Un ipotese credable es ce la cultures represente la abitua par un popla de la cultur de vasos petenida (probable [[linguas uralica|uralica) a contatas con la cultivores de la cultur de vasos cordida a la ueste. La rejion, plu tarde, ia mostra multe idronimes baltica. Los no pare represente un estende a norde de la cultur Iamna.