Rio Cama

De Vicipedia
Jump to navigation Jump to search
La Rio Cama, en jala pal

La Cama (rusce: река́ Ка́ма; tatar: Чулман; udmurt: Кам) es un rio 1805 km en longia en Rusia. Lo es la afluente sinistra la plu longa de la Rio Volga e la plu grande en discarga. A sua conflue, la Cama es an plu grande ce la Volga.

Lo comensa en la Republica Udmurt, prosima Culiga, fluente norde-ueste per 200 km, verjente norde-este prosima a Loino per un otra 200 km, alora verjente sude e ueste en Crai Perm, fluente denova tra la Republica Udmurt e alora tra la Republica de Tatarstan, do lo encontra la Volga.

Ante la aveni de ferovias, portas importante ia lia la Cama con la basines de la Rio Dvina norde e la Rio Petxora. En la sentenio 19 temprana, la Canal Ecaterininsci Norde ia lia la Cama alta con la Rio Vitxegda (un afluente de la Dvina norde), ma ia es xef abandonada pos sola poca anios per usa minimal.

En preistoria, la basin de la Kama ia es un abitada xef per la popla proto-uralica. La estende de proto-uralica ia es datida a sirca 2000 aec, e sua aveni plu temprana ia es a min un o du milenia plu temprana. La area es ancora abitada par membros de la familia de linguas, incluinte la popla mari, udmurt, e comi.