Cultur Abaxevo

De Vicipedia
Jump to navigation Jump to search
Mapa de la Volga; La cultur Abaxevo es norde de Samara e este e ueste de la site de Kazan

La cultur Abaxevo es un cultur arceolojial de la Eda de Bronze temprana (sirca 2500 a 1900 aec), trovada en la vales de la Rio Volga e la Rio Cama, a norde de la curva de Samara, e a este a la Montes Ural. Lo ia reseta sua nom de la vileta de Abaxevo en Chuvaxia. Lo ia es probable un cultur de la popla uralica, ma lo pote ia conteni alga popla indo-european.

La descovres inclui curganes e restas de viletas. La Abaxevo ia es la cultur de la foresta rusce la plu este cual ia desende de la cultur de vasos cordida. La cultur Abaxevo ia ave un rol importante en la orijina de la cultur Sintaxta. Ma la cultur no es un parte de la cultur Andronovo e jenetical parteni a la sirculo de cultures de Europa sentral cual usa vasos cordida de la tipo representada par la cultur Fatianovo-Balanovo.

La economia ia es de cultiva miscada. Boves, oveas, e capras, e ance otra animales domada ia es mantenida. Cavalos ia es usada, indicada par la partes ladal de morsos tipal de la cultures visina de la stepes. La popla de Sintaxta ia deriva sua eleva de bestias de la Abaxevo, an ce la rol de porcos es multe diminuida.