Impero Palmiran

De Vicipedia
Jump to navigation Jump to search
Un mapa de la Impero Roman en 271 ec

La Impero Palmiran ia es un stato rebelante sentrida a Palmira cual ia separa de la Impero Roman en la Crise de la Sentenio Tre. Lo ia inclui la provinses roman de Suria, Filastin, Arabia Petrea, Egipte, e otra partes de Asia sude-ueste.

Imperor Valerian ia es caturada par la Imperor Shapur de la Impero Sasanan, cual ia resta la provinses este de la Impero Roman abrida a atacas par la persianes. Odenato, un xef de la Palmiranes, ia gania un batalia con Shapur prosima a la rio Eufrates en 260 ec, e alora ia reclama tota de la teritorios roman cual los ia ocupa.

Per 263, seguente un ataca susedosa de la capital persian Ctesifon, Odenato ia prende la titulo "Re de Res", tradisional usada par la imperores persian. El ia ave controla de la Levante, Mesopotamia roman, e la rejion este de Anatolia.

Odenato ia es asasinada en 267 en Anatolia. El ia es segueda par sua fio Vabalato, su la rejentia de sua vidua Zenobia, ci ia usa la base de potia instituida par Odenato per crea la Impero Palmiran en 270.

Zenobia ia es capas de concista rapida la plu de la teritorios de la imperio este, e ia atenta manteni relatas con la Impero Roman. En 271, el declara se un Imperoresa e ia batalia per un tempo corta con la Imperor Aurelian, ci ia concista Palmira e catura la imperoresa. Un anio plu tarda, la Palmiranes ia rebela, cual ia causa ce Aurelian ia destrui Palmira.

Oji, la Impero Palmiran es videda como un icon en nasionalisme suri.